No Strings Attached

-----21st string-----

“Ano naman ngayon?”

“Ano kasi e. Baka... Baka..”

“Ano?”

“Baka isurprise ako ni Zeke.”

“Bat mo naman naisip yan?”

“Wala lang. E kasi, kilalang-kilala ko na yang si Zeke e. Minsan aawayin ako nun, kunwari bago magmonthsary. Tapos yun pala, palabas lang yun tapos isusurprise nya na lang ako. I mean, di nya ko papansinin ng ilang araw tapos bigla na lang syang susulpot na may dalang gifts churbaloo.”

“Ahh.”

“Ano ba yan. Wala ka na namang sense kausap e.”

“Ang bigat mo kasi. Tinatamad ako magsalita.”

“O’sige wag ka na magsalita. Nakakahiya naman sayo. Makinig ka na lang.” sabi ko tapos tumango naman sya.

“Maraming beses nya nang nagawa sakin yun dati e. Pero iba-ibang style kaya sa huli, nasusurprise nya pa rin talaga ako. Kaya labs na labs ko yun e. Ang swerte ko talaga dun kay Zeke.”

“...................” Aba. Talagang hindi na nagsalita ang loko.

“Kaya Vano, hindi talaga ako nawawalan ng pag-asa. Nararamdaman ko, magkakabalikan kami. Siguro nga isusurprise nya lang talaga ako no?”

“.....................”

“No Ivan? Tingin mo?”

“Ikaw bahala sa kung anong gusto mong isipin. Ang akin lang, don’t expect. Baka madisappoint ka lang.”

“Ang hard mo naman, Vano.”

“Sinasabi ko lang yung totoo. Pag nag-expect ka kasi, malaki ang posibilidad na madisappoint ka lang. Pero kung hindi ka nageexpect at totoo nga yung hinala mo, mas masisiyahan ka kumpara sa inaasahan mo nang mangyayari nga yun.”

“Hmmmm... May point ka nga dyan. Pero kasi, last year, nung nagbirthday ako, sinurprise nya din ako e. Kinunchaba nya pa nga yung mga pinsan ko. Pagdating ko sa bahay, nandun sila tapos sinayaw nya pa nga ako nun e, may video pa yun. Tapos...”

“Tapos nagpahiran kayo ng icing ng cake. Leeanne Faye, ilang beses mo nang kinwento yan.”

“Ayy ganun ba. HAHAHA. Kinikilig pa rin kasi ako e.”

“Ano bang plano mo bukas?”

“Haa? Plano ko? Wala e.”

“Don’t be silly.”

“Wala nga, seryoso.”

“Bakit naman wala? It’s your 18th birthday.”

“Sabi kasi nina inang, sa Saturday na lang daw kami magcelebrate. Magdinner lang kami sa labas, ganun. Lahat sila gagabihin daw bukas. Luluwas daw kasi sila ni amang. Si ate Lian naman, magoovertime na naman. Si kuya Liam, may date daw. Lokong yun. Pinagpalit ako sa GF nya. Buset.”

“Kawawa ka naman pala.”

“Sus. Ayos lang yun no. Isusurprise nga kasi ako ni Zeke.”

“.......................” Deadma na naman. -___-

“Baka gusto mong bumaba?” biglang sabi nya.

Hindi ko namalayan, nasa parking lot na pala kami.  Namimiss ko na kasi si Zeke. Tumatakbo na naman sya sa isip ko...

“Hoy. Baka gusto mo bumaba?” ulit nya.

“Eh baka gusto mong ibigay sakin yung sapatos ko? Wala akong tutungtungan.”