Noong una kitang nakita, tanda ko pa noon nasa xerox machine tayo, kasama mo ang bestfriend mo. Nagkwekwentuhan pa nga kayo tungkol sa anime habang naghihintay sa pagpapaxerox. Grabe pagkalingon ko hindi ko akalain na may ganun pang kagandang babae sa grade 7. Tanda ko pa na bago mag final exams yun eh. Hawak mo pa ang libro sa Arts at ipapaxerox mo para sa mga kaklase mo. Napaisip ako bigla "wow ang bait naman nito, maganda pa". Palingon lingon ako at tinitingnan kita at pinapakinggan ang iyong magandang boses, hindi ko napansin na ako na pala ang kasunod, napagalitan tuloy ako...
Gustong gusto kong itanong kung ano ang pangalan mo ngunit nahihiya ako at natatakot dahil sa bestfriend mo. Mataba at parang malakas sumuntok eh, parang mataray pati (no offence ha ngunit yun ang first impression ko..) nung pagkatapos ko nang magpaxerox, hindi ako makatigil sa paglingon sa iyo... grabe. Ang ganda mo talaga...
Hinanap ko ang pangalan mo kahit saan, kahit kanino nagtanong ako, pero hindi ko talaga malaman eh. "Grabe tol tinamaan ako sa kanya" sabi ko sa bestfriend ko. Grabe talaga ang naranasan ko noon...
Nang hindi ko nalaman ang pangalan mo.. Nawalan ako ng pag-asa na makita ka ulit o di kaya maging magkaibigan man lamang kahit sa facebook... Nakalimutan kita...
