استيقظت في الصباح كان كنان نائما قمت من الاريكه غسلت وجهي وفرشت اسناني كانت الساعه تشير ل7:30 غيرت ثيابي (تنوره قصيره سوداء وقميص ابيض قصير وجوراب شفاف اسود وجاكيت اسود وترانشوز اسود وابيض ولفاف ليدفي رقبتي بلون الوردي وحقيبة ورديه) رميت شعري على كتفي ووضعت حمرة الشفاه بلون الوردي وايلاينر وابيض تحت العين وخططت حاجبي ووقفت عند كنان ايقضته..
:كناان كناااان
كنان:ممممم شكو
:يلا كوم صارت ساعه بال8
:واذا
:غير جامعه عدنا لو نسيت
:ها زين انتظري
:اوك حنزل اني
نزلت للاسفل كان الجميع مستيقظ يفطرون...
:صباح الخير
الجميع:صباح النور
فرح:زيزو
:عيوني
:منو يوصلج
:كنان بسيارته
:اجي وياكم لان سيارتي وديتها للتصليح
:طبعا اوك
:فديت
عمي:حبيبتي زوزه محتاجه فلوس
:لا بابا تسلم عندي
فادي:بعد مزوجه لتصرف عليها خل كنان يصرف
:هههههه كاعده ع كلبك اووي
عمي:هههههه تبقى بنتي واصرف عليها
:فدووووووه
فرح:تره غرت
سالي:واني هم غرت
زوجة عمي:لعد اني شكول
الجميع:هههههههههههههههه
اتى كنان اكل وبعدها خرجنا انا وفرح وكنان بسيارته الفخمه....
فرح:اني وصلوني لجامعه **** لان امتحن هناك
كنان:تدللين
اوصلنا فرح وبطريقنا تحدث كنان....
:تره اليوم نروح لبيتنه
هززت برأسي بمعنى اجل...
بعد قليل وصلنا للجامعه نزلنا وعند دخولنا للجامعه مسك كنان بيدي نظرت له....
كنان:بس من ندخل لان الكل يعرف واحد يحب الخ وازوجنه
تقبلت الموضوع ودخلنا ونحن ممسكين بيد بعض والجميع ينظر لنا وصلنا عند احد المصطبات كانت شوق جالسه ... قامت وحضنتها...
:شلونج شوش
شوق:حياااتي الحمدلله مبرووك ليش ماعزمتيني
:ههههه والله صارت بالمستعجل
شوق:مبروك عريسنه
كنان:الله يبارك بيج شوق
شوق:رح اسوين سبعه
قلت وانا اجلس:لا
شوق:ليش
كنان:مو حنسافر
شوق:ها صدك
نظرت له وغمز:اي
شوق:يلا اني حروح لمحاضرتي
:اوك
قامت شوق وجلس كنان...
كنان:فد غواااره شوق
:ممم مبين
بعدها قمنا لمحاضرتنا وانتهينا في الساعه ال1 ظهراًًً
عدنا للبيت كانت زوجة عمي وسالي وفرح موجودين... ....
جلست بجانب سالي:هلووو
سالي:هلا عيني
:فروح منو جابج
فرح:خابرت فادي لان طلعت من وكت كلت انتوا بعدكم
:هاااا زين سالي شوكت رجعتي
سالي:قبل اشويه واطونه جدول امتحانات بكلوريا
:سهل صعب
:صععب
:ياااا هااا صدك اليوم نروح لبيتنه
زوجة عمي:يااا ليش
كنان:هم يلا ثكلنا عليكم هواي
فرح:لاااا ابقواا خررب يومكم لك كنان ابقه
كنان:هههههه لا نروح لبيتنه مو كمخ البيت مالتنا متروك
سالي:انت روح عوف زينه يمنه
كنان:هههههه يا غير مرتي
زينه:لعد اوك نبقه هنا نعيش
كنان:هااا؟؟؟
زوجة عمي:اي احسن ابقوا هنا عيشوا البيت جبير ويكفي ويفي
كنان:براحتكم يلا لعد حروح ارتاح
ذهب كنان للغرفة وباين عليه اثار الانزعاج... بقيت انظر لهم وانا اكل بسكت....
فرح:ضاج!!
:يمكن
سالي:خل يضوج المهم تبقين
:خل اروح ابدل تعبت اليوم
قمت وذهبت للغرفه كان يغير ثيابه اغلقت الباب وجلست على السرير....
:ليش ضجت
كنان:لا مضجت عادي
:اذا تريد نروح عادي
:لالا خل نبقه هنا
:اوك
قمت واخذت ثيابي من الخزانه وذهبت للحمام غيرت وخرجت مسحت الميك اب رفعت شعري للاعلى وتمددت على السرير غمضت عيني... حسيت بشي يلعب بشعري فتحت عيني كان كنان يمشي اصابعه على شعري وينظر لي ادرت ظهري له ....
كنان:زينه
:مممممم
:احبج
:لا صدك -_-
:شبيج ممصدكتني والله بذاك اليوم لحظة شيطان
:خوش
اقترب من عندي وحضنني....
:وخر قبل لاا اكوم
كنان:خليني اشويه مشتااق لزينه القديمه
بقيت صامته اشعر بانفاسه عند رقبتي ويده على خصري وقريب جدا من عندي ادرت وجهي اليه كان مغمض عينيه.....بقيت انظر له ولشعره... حقاً اشتاق لكنان القديم وضعت يدي على شعره وبدأت بلعب به فتح عينه وابتسم ابتسمت له ايضاً اقترب اكثر وحضنني بقيت بين احضانه وغفيت....
استيقظت على طرق باب غرفتي كان كنان نائم وهو يحضنني قمت من بين يديه وفتحت الباب كانت سالي..
سالي:ها زيزوو ماما تكول تعالوا نزلوا الغده جاهز
:ابيش الساعه
:بال3
:اوك
ذهبت سالي وبقيت الباب مفتوح ذهبت وايقظت كنان...
:كناان كناان
كنان:اممم
:كنااان
:ها
:يلا كوم الغده جهز
نظر لي ومسك بيدي وسحبني نحوه وقعت فوقه وانا اضحك....وجهت نظري للباب كان سليم واقف وينظر لنا عندما نظرت للباب هو ذهب ونزل... قمت من فوق كنان....
:يلا كوم حنزل قبلك
:لا اوكفي ننزل سوه
:يلا
نزلنا سويا وكان بيت عمتي بعدها جلسنا على المائده
احسست بقدم كنان على قدمي ضربته بالشوكه ابعد قدمه عني.... اكملنا من الغداء ذهبوا الرجال في الصاله وزوجة عمي وعمتي ذهبوا في المطبخ يدردشوا اما الصبايا (نحن) بقينا نلم الصحون والسفره وبعدها جلسنا في الصاله مع الرجال واتت زوجة عمي وعمتي.... بقينا نثرثر ونتكلم خرجت للحديقه جلست على الارجوحه بعد قليل اتى سليم وجلس بجانبي...
قال سليم بحزن:فرحتلكم
:علشنو
:يعني رجعتوا كما كنتوا
:هههه صدكت انت علفكره اقرف من عنده بس داسوي هيج حته اعرف ليش سوه هيج ويه منو متفق
:شنوو يعني متحبي
:امووت من عنده
:زين اريد اكلج شي
:ممم كول
:هو لازم من زمان اكلج بس مكدرت
:شكو احجي خوفتني
نظر في عيني:احبج
فتحت عيني وابتسمت حضنته تفاجئ من تصرفي ...
:اني هم احبك
:صدددك
:والله
:لج اموت على ربج
:ههههه دكافي زين ساعدني حته اطلك من عده واصير الك
:اي طبعااا اليوم او باجر تعالي للشركه ونكعد اني وياج نتفق
:اوك يلا هسة حكوم انوبه يشوفونه وتخرب الخطه
:هههه اوك كومي
دخلت للداخل وانا مليئه في السعاده عادت لي الحياة مره ثانيه واخيراا ... في المساء ذهبوا بيت عمتي وصعدت لغرفتي وكنان ايضاً ...
............... ............. ............. ..........
طبعا هذا البارت الاخير بس مو النهاية بس كاتبه بس 9 بارتات وال10 قليل انشالله عكب باجر انزللكم بارتين لان باجر مشغوله كلش.... Love friends ❤
