ساحرتي الجميلة (My Beautiful Witch)

كل شيء جايز

الحكاية بسيطة جدا جدا جدا.. أنا آلاء..بنوتة عادية جدا.... اممم بعد التفكير مش عادية اوي يعني... انا ساحرة عايشة في مكان زي بلد كله سحرة و ساحرات... بتدرب كل يوم على القوى بتاعتي على أمل إني أبقى قوية..
صحيت من النوم واتمرنت على قوتي في اوضت التدريب و بعدين نزلت علشان معاد الغدا و لقيت اختي آلاء قاعدة وكانت مستنياني.. ... المهم نزلت ولقيت الناس كلها بتبصلي و تسلم عليا.. إحنا متعودين إن كل الأهالي تتغدي مع بعض.
___: اهيه نزلت... ما لسه بدري يا هانم
انا : ايه يا لولو عاملة ايه
دي ألاء اختي... حد دلوقتي هيسألني و يقولي ازاي تبقى آلاء و تبقى أختك إسمها آلاء؟! انا هقولكوا.. إحنا الاتنين اتولدنا في يومين ورا بعض.. جت أدريانا (ساحرة خبيرة خصوصاً في الرؤى و القوى) و قالت لماما وبابا إننا لازم نتسمي بنفس الإسم علشان ده هيخلينا أقوى.. انا عارفة ان ده سبب عجيب بس ده اللي اتقالي.. بس انا و آلاء غير بعض خالص في الشكل والاهتمامات..
آلاء : كويسة وانتي
انا : تمام
آلاء : بس ايه كل النوم ده الله يخرب بيتك؟
انا : يا بنتي انا كنت بتمرن فوق.. بتمرن فوق.. ايه أغنيهالك
آلاء : لا يا لؤتي مش لازم تغنيهالي.. وبعدين متنسيش إني أكبر منك بيوم يا أستاذة انتي
انا : (في سري) يادي الذل
آلاء : سمعتك
انا : يا راجل! طيب
ضحكنا احنا الاتنين و اتغديت و خلصت و بعدين قعدت مع أدريانا وكان معايا آلاء و اختي التانية منة
ادريانا : في جديد؟
انا : نفس اللي بشوفه برضه متغيرش.. ده بيتكرر بقاله كتير اوي
ادريانا : ده طبيعي جدآ متقلقيش
منة : هو لقى الساحرة بتاعته وللا لسه؟
ادريانا :لا لسه.. و طالما آلاء لسه بتشوفه في الرؤى بتاعتها يبقى لسه ملقاش الساحرة بتاعته
طبعا عايزين تعرفوا إحنا بنتكلم في ايه.. الحكاية إن كل ساحرة بيجيلها رؤى عن الساحر اللي هي هتحبوا و هتكون معاه.. وهو كمان بيشوف رؤى عنها.. و بيفضلوا يوضحوا الرؤى دي لنفسهم لحد ما يعرفوا بعض و في الأخر يعيشوا مع بعض في سعادة والجو ده.. في ساحر كل الناس بتتكلم عنه و عن قوته وجماله.. بس محدش شافه ولا يعرف إسمه و لا حتى هو فين.. ده الساحر الوحيد اللي عنده جناحات بيضة كبيرة زي الأجنحة اللي بنرسمها كأنها أجنحة ملايكة(زي اللي في الصورة) .. و عنده قوي كبيرة جدا . وهو الأمل لإنقاذ السحرة من الساحر الشرير.. المشكلة إن في بنات كتير غيري بيشوفوه في رؤاهم بس محدش بيشوف وشه أو بيسمع صوته.. اللي بتشوفوا طاير في السما من بعيد اوي.. واللي بيشوفوه واقف بعيد اوي.. احتمالية إني أكون الساحرة بتاعته ضعيف اوي .. كل اللي بشوفوا هو و هو واقف مديلي ضهره والجناحين بتوعه خارجين و شكلهم حلو اوي.. دايما الرؤية دي تتكرر..
منة : بس انتوا بتوصلوا البنات ليه ازاي؟
ادريانا؛ كل اللي نعرفه انه في عالم البشر العاديين وكل ما واحدة تروحلوا ترجع وهي مش عارفة توصف شكله ولا حتى فاكرة اسمه
أنا : هو بيعمل ايه بالظبط مع البنات دي؟
ادريانا : بيقابلهم و يقعد معاهم و هو بيعرف لوحده إذا كانت اللي قاعده معاه ساحرته وللا لا.. دورك قرب جدا على فكرة
آلاء : يللا يا عم.. الفرصة قريبة اهي
انا : لا طبعا مش ممكن... انا هروح بس اكيد مش هكون ساحرته لا
منة : يا بنتي تفألي
ادريانا : كل شيء جايز يا آلاء
انا : صح.. كل شيء جايز