يا حظي فيك يوم اختاروك لي

**

بالمستشفى بنفس التوقيت كان سعود جالس بالغرفة ابوه يحاول يتصل ببدر بس ما يرد عليه على رابع اتصال رد
سعود بعصبية:انت ويـــــــنك مختفي كل هالفترة
بدر:توك تسأل عني..
سعود:يلا جاوب على سؤالي
بدر:بالشاليه مع ربعي...اكيد في سبب لسؤالك عني كالعادة!
سعود:جدك بالمستشفى
بدر قام من مكانه وبخوف:وشوو !متى وكيف وبأي مستشفى؟؟
سعود:بمستشفى ال... وتعال وبعدين افهمك
بدر اغلق جواله وتوجه للسيارته البي ام دبليو السوداء وتوجه بأقصى سرعة الى المستشفى وصل ودخل وراح للاستقبال
:وين غرفة هادي ال...
...:بالدور الاول بغرفة 550
ضغط عالاصنصير ووصل للدور الاول وفتح غرفة جده كان سعود جالس بوحده من الكنبات يناظر ابوه والجد نايم وتوجه لابوه:وشفيه جدي
سعود:مافيه الا كل خير وبكرة بيطلع
بدر:طيب وش السالفة؟
سعود قال لبدر كل السالفة
بدر:يعني عمي هنا موجود
سعود:ايه بس لا تروح له
بدر:وليش ان شاءالله كل هذا حقد وكره له!
سعود ما رد عليه
قام بدر وسأل عن عمه وتوجه لغرفته كان جالس بالسرير ثابت لا حركة ولا شي قرب لعنده وانتبه حاتم لوجوده اعتدل بجلسته بالسرير:منو انت؟
بدر اشفق على حالة حاتم كثيير وكل نظراته له شفقة وجلس بالكنبة قدامه وقال بحزن:عمي
حاتم:انت ولد سعود
بدر:ايهه لا تفهمني غلط انا مو مثل ابوي
حاتم:سبحان الله تشبه ابوك بعيونك بس بأخلاقك غير
بدر:عمي انا عرفت وين هديل ولا تخاف بأقرب فرصة بجيبها لك
حاتم ابتسم:واخبار هديل ووش مسوية وكيف حياتها
بدر:هديل متزوجة وعايشة مع زوجها خالد ولد سعد ال....
حاتم ابتسم بحنان:ما شاء الله وعندها عيال
بدر:لا توها ما كملت سنة
حاتم:حلوو الله يوفقها
بدر:امين يارب
حاتم:بدر ابيك تجيب خالد هنا بأقرب وقت بس ما تدري هديل عن الموضوع
بدر:ان شاء الله عمي بكرة ان شاء الله اجيبه بس وش الموضوع اللي تبيه فيه
حاتم بغصة والعبرة خانقته:وصيتي له ولهديل
بدر:ان شاء الله
وقام بدر:يلا عمي الحين بروح تأمر على شي
حاتم:لا سلامتك يا ولدي انتبه لنفسك
بدر:اوك
وطلع من غرفة حاتم وهو يدعو من قلبه الشفاء له

طلع من المستشفى وركب بسيارته واتصل على خالد

*

خالد كان بالصالة يشوف التلفزيون مع امه وابوه ويسولف معهم انتبه للجوال يرن بإسم بدر كثييير ما يوقف قام وطلع بالحديقة برا ورد:خير وشفيه
بدر:حاتم ابو هديل بالمستشفى معه سرطان وهو الحين بإيامه الاخيرة ويبي يشوفك الحين
خالد بصدمة:أيـييييش؟؟؟؟؟

**

بالقصر فيصل كان جالس مع ندى يتعشوا من برا بالجناح الخاص فيهم بالمطبخ عالطاولة الصغيرة:ندووش حبيبتي كيف الاكل حلو؟؟؟
ندى:اممم يممم لذيذ
فيصل:هههه ايه اكيد حلووو دامه من ذوقي
ندى:هههههه مو كل شيء من ذوقك حلووو
فيصل:وشوووو لا حلووو غصبا عليك
ندى:ايهه حلوو اصلا كنت امزح معك
فيصل:يا عمري انتي فديييت اللي يمزح
رن جواله ناظر جواله تغيرت ملامحه من شاف الرقم وحط الجوال سايلنت وقام
ندى:فصوول وشفيك تغير مزاجك لوين رايح ما كملت اكلك
فيصل:لا خلاص انتي كملي اكلك بروح اغسل ايدي
راح واول ما راح اخذت الجوال وكانت بتفتحه بس مع الاسف الجوال فيه رقم سري تركت الجوال بمكانه:اففف وشفيه هذا ووش صار ووش اللي قلب مزاجه كذا؟؟
طلع من الحمام اكرمكم الله واخذ جواله:انا طالع توصي على شي حبيبتي
ندى لاحظت انقلاب ملامحه:لا سلامتك
طلع من القصر بكبره واتصل عالرقم:يلا نتلاقى بــ.......