يوميات عراقية ..
(بهاي الرواية راح اتطرق الى يوميات كل مواطن او مواطنه عراقيين واللي مستحيل اكو مثلهة ومثل نوعها وتميزها ..
اما عن شخصيات الرواية فراح تعرفوهم اثناء الرواية ☺ اتمنى تعجبكم ..
( ميس )
_ هلاوو ☺ اني ميس وعمري 16 سنة بالرابع اعدادي عندي اخوان ثنين واخت وحده .. حياتي مثل اي بنية عراقية روتينيه ومملة بس خبالي يواسيني ..
( يوم جديد )
جنت نايمة وجتي نبع الحنان مع عياطها الواصل لسابع جار
- نبع الحنان : يلا ولج ميس كوومي صارت ساعه 7 ونص يا غبرةة كله من ورة الفون والسهر بالليل طبعا الصبح بالكوة تنشلعين من الفراش
- اني : اعصابج ماميتوو شعليه الفون ليش هيج تكرهي ترة هذا حفيدج ومن لحمج ودمج ..
- نبع الحنان : وقزرقط وسم كالت حفيدي كالت ديلا كومي بسرعه حتتأخرين - حاضر ياحلى ماما ☺
... كمت غسلت وبدلت ومشطت شعري
وهاا نسيت اوصفلكم نفسي ..
اني طويلة ☺ والطول هيبة مو مثل الاقزام السبعه ✋
وعيوني كبارر وسوود وشعري قصير ولونه اسود وسرح ❤ ادري بروحي صاكة احم احم .....
نزلت لأهلي لكيتهم كاعدين ديتريكون
- صباح الخير يا احلى بابا
- صباح النور حبيبيتي اللوكية
- هع هع ✋✋
وطبعا مثل اي اخو عراقي لازم ينكد عليج من الصبح
( ادم ) : منين يجي الخير من شكولج الزفره
- انجب انجب عساس انت شلونك
- شبية اخبل ☺
طوووط طوووووط
- يلا بايييي ..
واخذت جنطتي وصعدت للخط
- السلام عليكم عموو شخبارك ..
- ( السايق ) : وعليكم السلام بنتي ع الله يلا صعدي ..
جيت وكعدت يم صديقتي الصدوقة مينا
- هلوو يا احلى صخلة بحياتي
- ( مينا ) : والله كلمن يشوف الناس بعين طبعه هلاوات عوبةة ✋
- صدك منووش اكلج .. شبيها البارحه ست نوال كالبة جهرتها ؟؟
- ( مينا ): ولج هاي هدى البارحه فشلتها ... جانت هيه دتشرح وتعرفين الفيزياء درس ممل فكالت الهواء من نطلعه مثلا من جيس .. الجيس يتغير شكله اذن الهواء اله ضغط .. زين ليش الانسان ميتغير شكله من تأثير الهواء ؟ جان هدى ترفع ايدها وكالت ست لان احنا مو جيس ... المهم يكولون ست نوال دتشتغل بخياطة الامل
- ( ميس ): هاي هدى دائما تعجبني ✌ ..
( بالمدرسة )
- ( ملاك ) : اووووف شنو هاي والله ملل ولعبان نفس .. هسه شحستفاد بالعربي ؟؟ قابل احنه ودنسولف واكولكم دعونا نعرب سالفتنا ونحدد المبتدأ والخبر ؟؟ .. اعوذ بالله من علم لا ينفع
( نبأ ): وج هاي تمشي بس مال يدرسوج قصائد جاهلية ومثلا تخيلي روحج كاعده ع بغل بالصحراء ودتسوكين قطيع مال طليان ويجيج واحد مجكنم ويكلج : امن ام اوفى دمنه لم تكلم ..
بحومانة الدراج المتثلم
طبعا نسيت اعرفكم ع شلتي .. مينا ونبأ وملاك واني ميس طبعا ..
احنه نشكل رباعي التحشيش والفصلات والخبال بالمدرسه ✋ واكيد النا الفخر بذلك ...
خلص الدوام ورجعت للبيت ودافكر بس بالغده
( ميس) : هلااووووو ياحلى طباخه بالدنيا شمسويتلنه اليوم يا علم
( امي ) : هلا بيج بنتي .. مسويتلج برياني يلا روحي غسلي وبدلي وتعاي اكلي ..
( ميس ) : يمة يمة احبج يمة اموتن بيج ❤❤❤
( امي ) : انتي تحبين البرياني مو تحبيني امشي ولي ..
( ميس ) :لا لا يوم مستحييل
انتي القلب والروح وانتي الجلاوي
وياهو اليكلج روح كليلة انت عاوي
بدلت وخلصت ونزلت آكل .. خل اعرفكم بالمخلوقات الغريبة اللي ببيتنا تحت مسمى اخواني ..
ياسر عمره 25 سنة اكبر واحد بينا وهو العاقل مالتنا و هو يطلعنا ويونسنا فديته ..
ووراه اختي فرح عمرها 22 سنه كلش احبها دائما تدافع عني وتحبني اعتبرها امي الثانيه
وآدم عمره 20 سنة هذا الغثيث واللي بس يقلد واربع وعشرين ساعه نتمالخ بس كلبه طيب كلش
واني اخر العنقود ✋
( ميس ): بسم الله يا فتاح يا رزاق شبيكم هيج هجم ع البرياني ترة ماما سوته الي
( ادم ) : هم فتحت حلكها بابة شنهل الثقه اصلا امي سوته الي لان اني فخر هل عائلة ومو مثل فد ناس بس لسانهم 457 متر
( فرح ) : كافي ادم عود انت اكبر منها .. يلا تعالي ميوسة ..
( ميس ) : يمة اروح فدوة لأختي
( الاب ) : يلا تعالو كعدوا دكلكم شغله وحتفرحكم ☺☺
... كلنا كعدنا وهدووء منتظرين بابا يحجي لان حمسنا ✋✋
( الاب ) : حضروا روحكم بما انو عدنا عطلة اسبوع حنروح سفرة للتركيا باجر ويه بيت صديقي هناك اعرفكم عليهم .. شتكولون ؟
( ميس ) : عااااااااا فديتك ياحلى بابةةة احبكك كوومةة
( ادم ) : هلة حنشوف صاكات هناك
( فرح ) : ايييييي اييي شكدد حلوو
( ياسر ) : اي يابة حتى نغير جو شويه
( الاب ) : ههههه خوش خوش .. انتي ام ياسر شتكولين ؟؟
( نبع الحنان ) : شحدي ما اوافق شيخلصني من جهالك ✋
( الاب ) : هاهيه يلا حضروا روحكم باجر ب7 الصبح نروح للمطار ..
