مرت ايام عاديه حياتي كولش عاديه طالبه هندسه مرحله ثانيه عندي اخوان ثنين و اخت وحده حياتنه عاديه نتعارك نتصالح نتونس نحب بعض ماكو شي جان غريب
لحد يوم الخميس ساعه ٢.٣٠ الظهر جانت الجامعه كلها بدو يطلعون رحت للخط مالتي ولكيت ناسيه تلفوني بالحديقه رجعت اركض شفت شهم ويمان وعصابته ولد من غير قسم جانو كاعدين يضحكون ويضربون بواحد وصلت يمهم شفته هو نفسه الاخرس
يمان:شهم باوع منو اجه
شهم:اصيل شعدج هنا روحي للخط مالتج بسرعه
اصيل:متستحون ع نفسكم لان ولد اضعف منكم تسوون بي هيج
بدء احد الشباب بالشتم
شهم:ديربالك تحجي شي هاي خطيبتي
الشاب:الزم خطيبتك لاتدخل بشغله متخصها
اصيل:وخرو عنه لاافضحكم هسه اصيح امن الجامعه
شهم:اصيل لاتدخلين
اصيل:شكد اكره شهم اموت منه ضربته راجدي وجريت الولد الاخرس ماعرف حتى اسمه
يمان:شهم بيك شي
شهم:وخر عني بسيطه اصيل اله اخليج تتندمين
اصيل:باوع راسك ينزف خل اخذك للمستشفى انت ليش مدافع عن نفسك يعني انت ضخم وعضلات تكدر تضربهم ، منطاني اي رده فعل بس عافني وراح 😒
عاد ذلك الفتى الى منزله هاهو يقترب خطوه صغيره من هدفه نظر الى اوراقه القديمه ابتسم بدء كل مايريده يتحقق
اصيل:ضل بالي ع هذاك الولد ماعرف جنت خايفه صار بي شي جان كله دم
فتح جهازه شاف الصور يمكن هو يلعب هواي ع البنات بس هي غير هو يحبها صدك لو بس تفهمه مستعد يعوف الكون الخاطر عيونها بس هيً مستحيل تنطي فرصه
شهم:خلص اصيل من اليوم حبج مراح يهمني حذف الصور حذف كولشي ع نها
اصيل:واخيرا بده الدوام اول شي سويته رحت ادور ع هذا الولد
سوزي:هلا اصيل شجابج القسمي
اصيل:سوزي وين هذا الطالب الاخرس هو شنو اسمه
سوزي:تقصدين توني يمكن ممداوم مشفته بعد
اصيل:ها شكرا
سوزي:ليش مهتمه بي 😚😉
اصيل:انجبي شغله انسانيه اصلا
سوزي:فديتج كله حقوق انسان هههه
اصيل:خجلت صح ليش اني مهتمه بي يمكن لان يذكرني بشخص جنت اعرفه قبل يمكن لان يذكرني بقصه عمتي
خلصت اول محاضرتين طلعت اروح للنادي شفته كاعد بمكانه اول مره شفته ماعرف ليش فرحت حسيت كلبي يوجعني مو الالم العادي لا شغله مختلفه تحس كلبك يريد يروح ع هذا الشخص
اصيل:اروحله لو عيب لا ليش عيب خل اساله شلون صار عادي مبيها شي خليج جريئه لاتصيرين جبانه يله روحي خرب تخبلت كمت احجي وي روحي ،، صباح الخير
