#لينا
اتجهت انا ومعي فاطمه وصبا واذا بشاب متكأ ع سياره لاأعرف بالسيارات كثيرا ويرتدي جينز ازرق مع تيشرت ابيض وبه قليل احمر وحذاء رياضي ابيض اقتربت منه وقلت :مرحبا
التفت الي وعقد حاجبيه ثم قال :اهلًا ،لينا ؟؟؟؟؟
انا:هذا انت شجابك لهنا ولتگول انت خالد (الصاك مال المطار اااااووو)
خالد :اي اني واكول وين سامع طولة اللسان وال....قاطعته
انا :اوي لو ادري بيك انت ولا اتصلت بيك
خالد :يله اصعدي ابويه هسه ابتليت بيج اني
انا:وشدعوه اسم الله هسه انت منو ودتسوي معروف براسي واني ماصعد وياك ويلا منا يلاااا
خالد :رحم الله والديج اكيف
انا:لا اشو ع عنادك الا اصعد وتوصلني وانت تشيل الجنط عقاب ألك ....غمزلي 😉وقال :احلى عقاب والله
احمرت وجنتاي من شده الخجل ودعت صديقاتي وكان بودهن معرفة سر الجدال ولكن وعدتهن اخبرهن بكل شي هممت بركب السياره فتحت الباب الخلفي فقال لي :اصعدي هنا ،(وأشار للمقعد الأمامي )،مو صاعده تكسي
انا:لاخاف عيب
خالد:اي دصعدي ....ركبت معه وانا صامته سأل هو :وين راح اللسان ذاك
انا :موجود بس مستحي شويه
خالد:مني!!!!
انا :طبعا لا من خالو احمد لان مصادقك وخاف يسمع
خالد:هههههه مو اگول مو من عادت لسانج يستحي
انا:انت شدتكول ششايفني هاااا ....هو لم يجب واكتفا بالابتسام
وصلنا الى مكان جميل جدا منازل بيضاء هادئه ومرتبه وفي امامها حدائق خضراء كل شي مثالي نزلنا امام منزل ابيض يحتوي ع باحه اماميه مرفقه بحديقه وفيها زهور جميله دخلنا البيت كان الوانه مزيج من الأبيض والبنفسجي وقليل من النيلي مثالي وجميل ويبعث الراحه فيه صاله جميله ومطبخ متوسط وفوق 3غرف نوم وحمام واحدى الغرف فيها حمام خاص وفيه شرف متعدده
خالد:ها شنو رأيج بالبيت عجبج
انا:كولش حلو تسلم تعبتك ويايه
خالد:يمعوده شنو السالفه بيناتنه. اني اروح اتسوگ لان البيت كلشي مبي
انا:لا والله ابد فوگ متعبتك وجبتني ادور تتسوگ اني اروح
خالد:ههههه هاي شبيج انتي وين تندلين السوگ هنا
انا :ميخالف اني ادبر نفسي
خالد :شنو هالشغله او اگول تعالي ويايه وهماتين نتونس سوه
انا :يله ماشي بس خلي ننزل الجنط من السياره
خالد :روحي اصعدي اني انزلهن
انا:ماشي تسلم
ذهبنا لتسوق أغراض البيت ...أكملنا التسوق وتمشينا قليلاً
خالد :لينا تعالي شويه خلي نكعُد هنا والله تعبت ونشربلنا فد شي
انا:ماشي يله اطلب بين مااروح اعدل نفسي واجي
خالد .....
جلست بكافيه في وسط حدائق جميله بجانب السوق وطلبت لنا اثنان كابتشينو مع سندويشات اتت لينا وهي تمشي برقه ونعومه وانا عيوني متعلقة فيها
لينا....
هاااي خو متأخرت عليك ....آلو خالد وين سرحان شبيك
خالد :هااا اي اي موجود وياج
انا :ههههه (هذه شبي الولد يمكن شاخط ) اخاف اتأخرت
خالد :لاعيني عادي ..هسه شويه ويجي الطلب
جلسنا وأكلنا ثم ذهبنا للبيت ودخل معي خالد ثم رن هاتفي
انا :اتفضل خالد بين مااجاوب ع التليفون ...آلو هلو شخبارك خالو حبيبي ..اني بخير ..اي الحمد لله البيت يخبل تعبته للولد ...خطيه ابد ماقصر وهسه احنه جايين من السوگ وهو موجود هنا ...هسا انطيكيا .......
خالد تفضل هذا خالو احمد وياك
خالد
تكلم معي احمد وأوصاني ع لينا واني كنت فرح جداً واتخذتها فرصه لرؤيتها اكثر ....
خالد :شنو مناويه تعزميني ع شي
انا:اكيد ولو شتحب تشرب
خالد :اي شي من ايدج اشربه
انا :هااا اي اكيد هسه جايه (يمه متت هذا شديحجي حذوب )
خالد
لك هاي تموت شلون بيه مدري شديصير بيه
لينا ...
ذهبت وعملت عصير لخالد ثم قدمته له وعندما مسك الكأس تلامست ايدينا وعندها شعرت بالاحراج ثم تركت الكأس ووقع قليلا ع قميصه
انا :يااا خالد اني أسفه مااعرف شجاني انطينيا خلي انظفه
خالد :لا عادي اني حروح ليصير شي
انا:ها براحتك بس شنو الشي (هذا شبي شيصير يعني )
خالد :يله باي يحلو 😉
انا:شنو هالميانه مو ع اساس سويت معروف وشفتلي بيت كمت مدري شلون تحجي
خالد :هي هي ع كيفج شحجينه مو وجه رومانسيه
انا :هي بعينك وانت منو وتحجي ويايه برومانسيه ويله بلا مطرود تفضل
خالد :شبيج انتي شنو هالسان الي عندج ينرالدله گص
انا :كص بعينك اذا تحجي ويايه بعد اموتك
خالد :انتي تموتيني وشلون تحجين ويايه هيج
ثم أمسك معصمي وسحبني الى الحائط وجعلني بين يديه وتقرب مني
.....
انا :اااا انت شدتسوي وخر عني وخرررر
خالد :شبيج ليش خايفه شمسوي اني
انا :اهئ اهئ وخر حباب الله يخليك
ثم تركني وجذبني الى حظنه وجعل رأسي ع صدره
خالد :لتبجين الله يخليج بس كلامج استفزني والله مو قصدي اسوي بيج شي
انا:حباب لتسوي هيج بعد وبعدين وخر اريد اروح انام
خالد :هههه يله ماشي تصبحين ع خير ...اشوفج غير يوم ويجوز امرلج باجر
انا:ليش باجر لا عادي لتمر يعني مو لازم كل يوم عادي اني ادبر نفسي وصديقاتي يجن يمي
خالد :هاي شبيج بس تبقه تطرديني
انا :لا والله بس يعني ماله داعي
خالد :يله عادي مو مشكله بعد مااجيج الا انتي تكولين
انا: ها شكرا وياريت متزعل
خالد :لا ع شنو أزعل اذا انتي مترديني أجي قابل ماعندي كرامه
انا :هاي شبيك كلبتها كرامه وهيج هسه اعتبرني صديقتك ودااحجي وياك
خالد :يله عادي بااي
انا:بآيات (اااو هذا شبي شكله زعل )
ذهبت للغرفة ورتبت أغراض البيت ثم استحممت ولبست بجامه للنوم وقرأت قليلا ثم ذهبت للنوم
استيقظت صباحا وحظرت قهوتي وجلست في الشرفه استمع لفيروز ثم اتصلت بفاطمه
انا:الووووو صباح الخير
فاطمه :هلا وغلا صباح النور شهالصوت من صباح الله خير
انا:فطوم شبيج غير دااتصل باختي وصديقتي واعزمها ع الريوگ
فاطمه:اي والله هذا الحجي الزين انا الحين بييج
انا :ماشي بس اتصلي ع صبا بين مااحظر الريوك انتي هنا وهاج اكتبي العنوان ******* يله بااااي
حظرت طاوله الافطار ثم رِن جرس الباب واتت صديقاتي ومعهن الورد والشوكولا
انا :ياااا عمري هاي شجايبات صدوك اتفضلن يله
ثم اصرن ع معرفة الشاب الذي اوصلني واخبرتهن بكل شي
فاطمه :امبيه يا لينا شكل الريال طايح ومعجب فيج وانتي ماتدرين
انا :لج لا فطوم شنو السالفه إعجاب شنو يمعوده وبعدين شبالعجل هالاعجاب هو مرتين شافني
صبا :اي اسكتي بئا ولَك لاتصيري چدبه بزياده
انا :لج صبا لا لتلعبن بدماغي وتخلوني أفكر اني جايه داادرس مو لهيج شغلات
صبا:يوووو الحكي معك ع الفاطي ابئي هيك لتجي وحده وتخطفوا وهو جمال وشخصيه ومن يطيع تعالي لعنا واشكي
انا :عادي (ذني شديحجن هسه الولد يطير )
