وش سويتي فينا يا بنت ؟!

بارت 2

وليد : ايه اكيد صدق مليت من بيت عمي و الدراسه بس اهم شي ان عمي معطيني

الحريه و بس قال يبي الشهاده..

نواف : والله حلو كذا..

وليد : ايه اخيرا بفتك من هم الدراسه بس ان شاء الله حمد يوافق..
ماجد : ما ادري ليه بس احس انه رح يوافق ..
وليد : ان شاء الله .. اقووووول اشوفكم باقي قاعدين امشوا نروح الشقه ..
ماجد + نواف : يلااااااا
نرجع لحنان .. كانت بنص غرفتها تفكر ..
حنان انا لازم اتصرف .. انا متأكده مافي حل الا وليد .. لازم اكلمه .. و اقوله يعطيني المبلغ و بسوي اللي يبغاه .. بس كيف و فيصل مو راضي .. معلي منه هو ماعاش طفولته هنا ما رح يحس و لا رح يفهمني .. تناظر الساعه بيدها .. اوووه اللحين الساعه 10 مدري نام فيصل ؟ ودي ادخل غرفته اخذ الجوال بدون ما يدري بكلم وليد بأسرع وقت ..
طلعت من غرفتها و راحت لغرفة فيصل فتحت الباب بشوييييش .. و دخلت على اطراف اصابعها .. كان فيصل منسدح و مواجه للجدار ما تقدر تشوف وجهه اذا نايم او صاحي توكلت على الله و دخلت بهدوء .. كان الجوال محطوط ع الكومندينه اللي جنب سريره جت حطت يدها على الجوال الا ويد فيصل تجي فوق يدها .....
حنان شهقت بخوف : هئئئئئئ .. بسم الله خوفتني انت صاحي ؟
فيصل يتثاوب : وش تبين بجوالي انتي ..؟
حنان بارتباك : هاااه بس بكلم وحده من خوياتي بالمدرسه ابيها ضروري ..
فيصل رجع تثاوب و هو نعسان حيل : طيب بسرعه كلميها لا اطولين ما عندي الا 3 ريال رصيد ..
حنان : طيب طيب انت نام بس ..
و طلعت و تنهدت براحه و الجوال ع صدرها ...
حنان الحمد لله الله ستر كان رح يكشفني ..
ثم تروح ركض على غرفتها .. و تدور على اسمه و لقته ...
حنان ههههههه مسميه التبن وليد ولد التاجر .. ول عليك يا فيصل كل هذا حقد .. ( و تدق ) ...
في الشقه ..... كانوا قاعدين على بلاستيشن نواف و وليد يلعبون و ماجد يتفرج .. و فجأة دق جوال وليد ... وقف اللعبه ناظر شاشة جواله .....
وليد : شبااااااب هذا فيصل ...
ماجد : ما شاء الله امداهم فكروا ..
نواف : حط سبيكر نبي نسمع وش يقول ..
وليد : طيب ..... الوووووو
حنان ضخمت الصوت : الووو وليد ..
وليد : أي نعم هلا ..
حنان : انا حمد ....
نواف بخفه ما سمعه الا وليد : يا لبئ الصوت يا ناس ..
وليد حط اصبعه على فمه بمعنى اسكت : هلا والله هلا بحمد .. هاا فكرت ..
حنان : امممم صراااحه من البدايه انا حاب اشتغل معك بس فيصل ....
وليد قاطعه : معليك منه اهم شي انت ...
نواف يهمس لوليد : تكفى قوله يجي الشقه بكذا تقدرون تتفاهمون ..
وليد هز له راسه بمعنى طيب : اقول حمد وش رايك تجي للشقه منها تشوفها و منها نتكلم بموضوع الشغل و عشان بالمره تشوف الشقه اللي بتسكن فيها الى وافقت ..
حنان متردده : صراحه ما ادري .. ا انا ما عندي سياره ..
نواف بهمس لوليد : قول له انا بجيبه ..
وليد : لا يهمك نواف رح يجيبك و يرجعك بس عطنا العنوان ..
حنان تفكر مع نفسها وش اسوي اروح و لا ما اروح انا خايفه بس هذي فرصتي اذا ضاعت رحت فيها يااااا ربي .. اقول لفيصل يروح معي .. لا لا مهبوله انا ما رح يوافق هو مو موافق خلقه .. وش السواة ...اذا ما رحت احتمال يشكوا فيني وش اسوي وش اسوي اصلا مافي مبرر لرفضي لو رفضت ....
وليد وش فيه سكت فجأة لذي درجه طلبي صعب : حمد انت معي ؟
حنان قطع حبل افكارها : هـ هاااه ايه معك .. ( وقالت بسرعه بدون تفكير ) خلاص خله يجي .. برسلك العنوان بمسج ..
وليد انبسط : اوكيه ...
نواف يناقز من الفرحه : ييييييييييييس بيجي .. لاااا و انا اللي بجيبه ..
ماجد ناظر نواف بحده : انتبه تسوي له شي مو ناقصين بلاوي ..
نواف رد له النظرة : وش شايفني يعني ...
وليد : اووووه بديتوا اللحين ... يلا هذا المسج وصل رح جيبه بسرعه ..
نواف يقرا العنوان : هذي حارة فقراء ..
وليد : أي مو قالك انهم على قد حالهم المهم بسرعه جيبه و تعال ..
نواف : يلااا اللحين هواااا ..
بعد ما راح نواف .......
ماجد : ياليتك ما خليته يروح الولد هذا مجنون ..
وليد : معليك ترى هو بس كلامه كذا و لا مستحيل يسوي له شي ..
ماجد : والله مدري ....
وليد : وش فيك يعني ما تعرفه .. تعال قوم ألعب معي على بال ما يجيبه ..
ماجد : اوكيه .. و من اللحين اقولك تراني هازمك و حط لي ريال مدريد ..
وليد : اه يا المدريدي ما تخسي الا انت تهزم البرشا ..
ماجد : ههههههه حط اللعبه و لا يكثر ..
كان بسيارته السبورت مشغل اغنية اجنية و عايش جو و يفكر بحمد ..
نواف هذا الآدمي احسه غامض من اول ما شفته ودي اعرفه اكثر و اكثر مدري ليه .. و من اول ما شفته صرت بس افكر فيه .. بكل لحظه اتذكر ضحكته هاذيك يا اني خقيييييييييت عليها والله وحسبته بنت لحظتها .. و لا عيونه ضيااااع و ربي كأنه بنت .. اووووف اش قاعد اقول انا يا ليته بنت بس .. هاااه يلا وصلنا .....
بعد ربع ساعه بالضبط الا و نواف يستنا برى .. حنان اخذت احد اثواب فيصل و غتره شدت على صدرها و لبست ملابس داخليه و لبست من فوقها الثوب و اخر شي جاكيت صوفي سميك حتى تتأكد ان صدرها مو باين .. بس خلصت تجهيز حالها دق نواف .....
نواف : حموود انا برى يلا تعاااال ..
حنان ياربي بديت اخاف من اولها حمود : او اوكيه .. دقيقتين و اكون عندك .. لبست العباه عشان لحد يشوفها بلبس رجالي و دخلت لغرفة فيصل حطت جواله ع الكومندينه بخفه و مشيت .. طلعت بهدوء للحوش من حظها الكل نايم قفلت الباب و اخذت المفتاح معها ثم فسخت العباه و حطتها جنب الباب .. و راحت لنواف كان متكي على كبوت السياره يستنى بشغف اول ما شافها راح سلم عليها خد بخد هي كانت مستغربه بس طنشت ....
حنان : واااو هذي السيارة اللي ما خلاني فيصل اركبهاا ...
نواف باستغراب : ليش ما خلاك ؟ يعني كان يكذب ما عندكم شغل ؟ ما كان يبيك تركب معي ؟
حنان استاهل جبتها لنفسي : هههه لا وش تقول انت قصدي لاننا مشغولين ما مدانا نركبها ..
نواف بعدم اقتناع : طيب حيااااك اركب رح تحب السيارة ..
حنان : انا احبها من الاول ..
نواف بمزح : يا حظ السيااااره فيك ههههههه ...
حنان بدا يخوفها كلامه : ههههه ليش يعني حظها فيني !؟
نواف ابتسم لها : بسس اقووووول ..
حنان سكتت و قامت تناظر الشباك و قابضه ايدينها تحس بتوتر و خوف .. و نواف مره يطالعها مره يطالع الطريق ...
نواف : اقوووول حمد ...
حنان وش يبي اللحين بعد : هلاااا
نواف : عااادي اناديك حمووود و ادلعك ؟
حنان يمه بديت جد اخاف : هااه ما انت اصلا قلت لي حمود بالتلفون ما تذكر ...
نواف : اييييه صح .. يعني عادي .؟
حنان : اممم او اوك عااادي ..
بعد لحظة صمت و حنان على اعصابها ...
نواف : حمووود
حنان بخوف : نـ نعم ..
نواف رفع حاجبه باستغراب لاحظ خوفها : ليش احسك خايف مني ؟
حنان ارتبكت : هااه مين قال ؟ لا ابد ماني خايف و لا شي ..
نواف : هممم على فكره طالع مررررره كشخه بالثوب و الغتره ..
حنان استحت : شكرا هذا من ذوقك ..
حنان مجرد قعدتي مع ولد وسيم و لحالنا تخليني ماني على بعضي اشلون لو مع نواف و وليد مع بعض !؟ الله يستر شكلي بخبص هالليله ...
نواف : صح قررت و لا باقي عن الشغل ؟
حنان : اذا وصلنا رح تعرف كل شي ..
نواف : طيب زي ما تحب ..
و وصلوا للعماره الفخمه الفايف ستارز .. نزلت حنان تناظرها باندهاش .. و نواف كان يضحك على شكلها ما عمرها شافت خير ...
نواف : يلا امش ندخل ...
حنان بلعت ريقها و سمت بالرحمن و دخلت العمارة : الشقه بأي طابق ؟
نواف : الـ 20 ...
حنان : هئئئئئ 20 ليش هذي العماره كم فيها طابق اصلا ؟
نواف : امم حول الـ 30 او الـ 35 تقريبا ..( يفتح الاصنصير) يلا يا حمد تعال ادخل ..
حنان منصدمه : المكان مررررررررره فخم ...
نواف ام البراءه فيه : هههههههههه تعال بس ..
حنان هئ بدخل معه بالاصنصير لحالي .. يؤؤؤوه الله يستر ... و نواف كان متكتف و يناظرها .. و هي مدخله ايدينها بمخباها من البرد و منزله راسها للارض من الاحراج لأنها معه لحالها و متسنده ع الجدار ..
حنان يحسبني ما احس والله قاعد يناظرني .. يممممه مرررره خايفه و بطني قام يوجعني اول مره اطلع من البيت لحالي و مع واحد ييييه بس كل ما افكر فيها اتخيل اهلي يذبحوني .. يا ويلي و يلااااه ... و هذا ما شبع وهو يناظرني .....
رفعت راسها بهدوووء ..
حنان بجرأه : ممكن سؤال ؟
نواف : تفضل ..
حنان : ليش تناظرني كذا ؟!
نواف ابتسم : ليش انا كيف اناظرك ؟
حنان ارتبكت : يعني .. اقصد .. اممم ( ويفتح الاصنصير ) ...
نواف : يلا وصلنا امش ..... هذي اللي قدامك على طول شقة وليد ...
حنان قربت ادخل وكر الذئاب هههه وش فيني قلبتها دراما ههه شكلي من الخوف قمت اتكلم كذا : اهااا ....
فتح باب الشقه و دخل و دخلت وراه حنان .....
حنان شهقت مصدووومه هئئئئئئ وش هذاااااا ....

انتهى البارت