قال عمار:هاي الحلو هنا
ابتسمت:اي
حوراء:روحي لخطيبج
:ههههه ليش تريدني
عمار:هاي شمسويه بشعرج
كنت قارصه شعري فأنتبه لي...
:اممم مااريد اترزل كدام ذني امشي بالغرفه
حوراء.عبير.جنى:ههههههههههههههههه
عمار:دتعاي تعاي
قمن من مكاني:اقرولي فاتحه بنات
حوراء:اكييد ههههههه
وبعدها خرجت من الغرفه وذهبنا لغرفته...
عمار:هاي شسوار لو كرياتين
:كرياتين
:ليييش
:عجبني
:الله يصخم وجهج مو احبه كفشه شكو سرحتي
:لا هااي فترة يوم يومين ويروح
:هاا ومنو يكول
:لا والله مؤقت
:متأكده
:والله
:اطيني بوسه
:انجب
:لسـ.....
وقاطعته بقبله... وابتعدت عنه
:هههههههه حته لتحجي عليه وتكول لسانج كصي
:ههههههههههههه لعد هاهية مااحجي
:دولي ههههههه حروح للبنات
:اليوم تباتين
:يي اني وجنى
:لك هلاا
:هههههه يلا باي حروح
وخرجت من الغرفه وذهبت لغرفة البنات....
حوراء:مو عمتج هنا كاعده اشكد متستحين ههههههه
:ليش شكو
جنى:شوفي حلكج وخشمج هههههه
وقفت امام المرآة ورأيت كانت الحمره ملطخه اخذت كلينكس ومسحتها.....
عبير:هههههههه خجلت
:انجبوا
حوراء:ههههههههه
جنى:ليش بستي ادبسز ههههههه
:اي خطيه علساس هو مؤدب كلتله انجب كال لس وقاطعته مااريد يحجي عليه
حوراء:هههههههههه هجم بيتج
بقينا نثرثر ونضحك وبعدها تعشينا واصبح الليل...كنا في غرفة عبير على الارض ممددين....
:اشوكت نحرك البيت
حوراء:اكلج خاف يموتون
:لالا همة هسة بالمطبخ
عبير:لعد خل نكوم هسة
جنى:خل اشوفهم كاعدين كلهم
:اوك
ذهبت جنى وبعد قليل اتت ركض...
:هاا
جنى:كلهم كاعدين
حوراء:يلا بنات كوموا علكيفكم
عبير:جبت النفط والجداحه
:امشوا
ذهبنا بهدوء الى السطح او بالاحرى الى بيت العم حسام قمنا بنشر النفط واشعلنا النار وبعدها نزلنا ركض وذهبنا للغرفه....
جنى:خل نغير ملابسنا كلها صخام
حوراء:اي بدلوا بجايم لبسوا
عبير:يابناات
ملاك:ها
عبير:الجداحه نسيتها فوك
جنى:عبالي شي
حوراء:مو خاف يشوفوها
ملاك:البيت كله حترك يايشوفوها
عبير:دك الجرس خل اشوف منو من البالكونه
رأت ورجعت....
عبير:ههههههه عززا هذا ابو احمد الي مقابيلنا يمكن شاف الحريقه
ملاك:عزززززززا سمعوا صوت العياط
نزلنا جميعنا لتحت وبعدها رأينا عمامي صعدوا جميعهم الى السطح ....
عمار:حبيبتي اطلعوا بره خاف تتظررون
ملاك:لا هي فوك بعيد
سوزان:ماااااماااااا غراضنا كلها محتركت وهي تبكي
والدة سوزان:اصخاااااااام وين نطي وجهنا تبكي
اتوا بعد قليل الاطفائيه واطفوا الحريقه وبعدها خرجوا واتصلوا باهلي واتوا ايضا وجلسنا في الصاله....
عمي حيدر:طفوا كلشي بس كلهن احتركن
بغضب عمي حسام:شبييييج انتي ثووووله غييير اطفين الغاااز
والدة سوزان:ماااشاعله غااز
عمي حسام:لعد منين هاااا منين
يصرخ هو وهي تبكي...
قيس:هاهية الي صار صار هذا قدر
سوزان:غرااااضي
جدتي:يلا ام سوزان فرشي هنا بالصاله وناموا والباجر روحوا الكوا بيت
نظرت لجنى وهمست....
:يمكن رح يباتون كله هنا لعد نبدي بالخطه الثانيه
جنى:اوك
ام سوزان:خااله منين فلوس
جدتي:بيعي ذهبج الي لابسته وحسام ابني بيع سيارتك واشتروا بيت هذا الي يم بيت علي وجنى
ملاك:شنووو هذا بيتي اني اريد اشتري
همس عمار لي:مو كلتي محلو
همست له:لا اسكت
جدتي:بس بنتي محتاجي هسة
ملاك:بيبي مو انتي اتفقتي ويه خاله ام عمار وكلتي النه
عمي حسام:يعني اشون البيت انكتب باسمج
ملاك:لاا منكتب باسمي بس اني اريده واني كلت اول شي
ام سوزان:ولج انتي صدك متستحين اجادلين عمج طالعه مثل امج
جنى:احترررمي نفسج
ملاك:نعال امي تروحله فدوه فتهمتوا الي يحجي ع امي يعني مع احترامي الجدو وبيبي وعمامي الباقين ما عدا عمو حسام بس انتي تروحين فدوه لنعال امي لتلغين زااايد
والدي:كاافي ملاك
قام عمي حسام وصفعني على خدي....
عمار:عمووووو لتمد ايدك ع زوجتي يعني اني كاعد واتمد ايدك
عمي حسام:مشفتها اشون تلغي
عمار:امها ومن حقها تحجي هسة بنتك سوزان اذا احد حجه على مرتك مو ادافعلها هااا ملاك هم ادافع على امها
جدي:كلام عمار صحيح ومو من حقك انو تضرب ملاك لان هي لا بنتك ولا اختك واحترمني اني كاعد هنا وهي من حقها ادافع على امها وابوها
عمي حسام:حسين بينتك ربيها محتاجه تربيه اظاهر ممربيها زين
جنى:ديلااا عيني فدووا الله علساس بنتك مربيها زين كل يوم طالعه ويه ولد لو مخابرته علاقل احنه شريفات اتزوجنه واسترنه ببيوتنه
وبعدها جنى امسكت ببطنها وصرخت قاموا جميعهم عدا عمي حسام وزوجته ووالده....
علي:حبيبتي شبييج
جنى:اااااااااااااااااااااا بطنني
والدي:اخذوها للمستشفى بسرعه
جنى:ملااااك
ملاك:يمج اني حجي وياج
بكيت وبعدها اخذناه للمستشفى انا وعمار وعلي وعبير...ادخلوها للعمليات فورا....
حظنني عمار وانا ابكي....
:اششش ملوكه حبيبتي هسة جنى اصير زينه وتكوم اشششش كافي بجي ابدال متبجين كومي ادعي يلا ادعيلها
عبير:ياارب ساعدها يااارب
خرج الدكتور ركضنا نحوه....
علي:ها دكتور خير
الدكتور:المريضه صار عدها نزيف بس الحمدلله لحكنا عليها وثبتنا الجنين والام والجنين بخير
ملاك:الحمدلله والشكر
عبير:يااارب الف الحمدلله
عمار:دكتور شوكت نطلعها
الدكتور:هسة اذا تريديون
علي:اوك
وبعدها اخرجنا جنى من المشفى وذهبنا لبيت اهلي..
part 11 (خباثة)
ابدأ من البداية
