بقلمي: n3o.Om
تعــــ ونامي بحضني ياطفله لعب معها الزمن ــاالي
الــــــــــــــــــــــــ1ــــــبـارت
المدخل:
تعال الي وخذني من عالمي الوهمي
تعال الي وعيشني في حلمي الوردي
انتظر منك اشاره
الحب حلو(ن) ومراره
نزلت على زفة هب السعد ودمعتها مشارفه ع النزول بتبكي امها ماهي معاها لاخاله ولاعمه ولاام بس اخت وحيده
وصديقاات لكن مهما كان وقفت الاهل غير
وهو واقف ع الكوشه ويتبوسم ويسولف مع ابوه واخوه الصغير وعمامه ومبسوووط
عندها وصلت قريب له وهنا دق قلبها بعدو عنها كلهم وواصلت بروحها المشي له هو حس وراح لها ومسك يدينها الصغيره
مقارنه بيده الكبيره تحت تصفيق وتصفير البنات ع حركته باس خدودها وهمس لها: مبرووك حبيبتي
هنا انهلت دموعها وكانها طفل فاقد لعبته لكن هي فاقده اعز شي بدنيتها امها
مسح ع شعرها:شش ليه هالدمووع؟؟
ضمته وبطفوله: انا ابي امي امي راحت وخلتني برووحي ابيهاااا
ابتسم ع برائتها وحط راسها ع صدره:طيب حبيبتي
البنات تصفير وتصفيق وغيره من حركات وهي خافت:يصير اطلع
ضحك ع طفولتها وبراائتها: نجلس لتصوير ونمشي طييب
مدت شفتها التحتيه بطفوله: لااا ابي ارووح
ذاب عليها وعلى دلعها :طيب نسلم على ابووي
بزعل طفولي: طيب
وراحو وسلمو على ابوه واخوه وجلسو شوي وانكبو عليهم خالاته وعماته يسلمون
امه بهمس مايسمعه الا هو وهي: سويتها ياااولد ابوك انا اوريكم ان مافرقتكم
ابتسم ابتسامه جانبيه: نشووف
مسكت يده بخوف : متى نطلع؟؟
بحب: قرييب
جات اختها ونزلت لها وبوستها بحكم انا الكعب طوويل: انتبهي لنفسك غلووي (لفت راسها على زوج اختها) انتبه لها راشد
تراها غاليه ودلوعة امي وحبيبتي وياويلك لو شكت منك
راشد حوط خصرها : اكيييييد تمزحين مين يشكي مني الحلوه هذي مو بكيفها اساسا مستحيل ااذيها
ابتسمت من ورى النقاب: اووكيه الله يوفقكم
بسرعه: عاليه قولي حق الطقاقه تحط اغنيه وداعيه بنمشي
بحب: اوووكيه
بعد دقائق معدوده طلعو من القاعه تحت اصرار غاليه راحت معاه لسياره اللي كان يسوقها اخوه الصغير ( رائد )
كانت خايفه خووف لايعلى عليه محد علمها وش معنى الزواج امها توفت وهي صغيره وعمرها 8 سنوات واختها بعيده
عنها ومشغووله بعيالها وزوجها ابوها دائما مسافر ولا برى البيت كانت عايشه فبيت بروحها لا ام لااخو ولا اخت
ولاحتى ابوو ولا ونيس وحيده من 10 سنين عايشه مع شغاله وهالشغاله فقط للخدمه ولاكملت دراسه واصلت لحد
اول متوسط الفصل الاول وبعدها طلعت ملت من الدراسه ومن الاجواء ومحد محاسبها ولااحد يعلمها وعماتها بعاد عنها وماعندها
الا خاله وحده وهي عايشه بتبوك يعني حالتها يرثى لهااا
صحت من تفكيرها على صوته
:شفييه الحلوو يفكرر؟؟
عقدت حاجبها: لاماافكر بس ابي امي كنت افكر فيها ليش راحت عني وخلتني؟؟
مسك يدها وضغط عليها يحسسها بالامان بالحب ويطمنها انه هو بعد ماراح يخليها قرب لها اكثر وباس خدودها
طالعته وببرائه: انت ليه كل شووي تبووسني؟؟ انا موبيبي
ضحك عليها: ابد بس زووجتي ولااا؟؟
مافهمت له : رائد ماعندك اغاني؟؟
رائد بضحكه: اله عندي دقايق .. وش تبين ؟؟
وهي تسند راسها ع الدريشه: عبادي الجوهري
ضحك رائد بقووه: يااابرييييئ مو علينا اسمه عبادي الجووووهر مو الجوهري
راشد اللي ماعجبه كلام رائد: رااائد اااششششش
رائد : هه كنت امزح
بطفش: ابي انام متى نووصل
بخبث: تبين تنامين راشد بينومك احلى نومه
راشد بنبره خووفتها: رااااااااائد
رائد: اففف اسسف
وصلوو للفندق
