The CEO and the MAID he loved (Tagalog)

Chapter 1 | The New Maid

Tahimik ang buong Monteverde Mansion habang dahan-dahang bumukas ang malaking gate nito. Humigpit ang hawak ni Isabella sa maliit niyang bag habang kinakabahan na nakatingin sa napakalaking bahay sa harapan niya.

"Dito ka magtatrabaho simula ngayon," sabi ng matandang babae na nagpasok sa kaniya.

"Ang laki po..." mahina niyang bulong.

Simple lang si Isabella. Galing probinsya, walang karangyaan sa katawan, at halatang inosente. Ngunit kahit nakapusod lang ang buhok niya at simpleng bestida ang suot, kapansin-pansin pa rin ang natural niyang ganda.

Pagpasok niya sa mansyon, halos mabingi siya sa katahimikan. Mamahaling chandelier, marmol na sahig, at mamahaling paintings ang bumungad sa kaniya.

"Ang amo mo rito si Sir Alexander," sabi ng head maid. "Mainitin ulo no'n kaya mag-ingat ka."

"Opo."

Hindi pa man siya nakakabawi sa kaba nang biglang may malalim na boses na nagsalita mula sa hagdan.

"Bagong katulong?"

Napalingon si Isabella.

At halos mawalan siya ng hininga.

Nakasuot lang ng puting polo na bahagyang bukas sa dibdib si Alexander Monteverde habang pababa ng hagdan. Matangkad, gwapo, at may titig na parang kayang tunawin ang kahit sinong babae.

Pero ang pinaka-nagpabilis ng tibok ng puso ni Isabella?

Kung paano siya tinitigan nito.

Parang sinusuri bawat galaw niya.

"O-opo, sir..."

Hindi sumagot si Alexander. Dahan-dahan siyang lumapit hanggang halos magkadikit na sila.

"Anong pangalan mo?"

"I-Isabella po."

"Pretty name."

Namula agad ang pisngi niya habang yumuko.

Napangiti si Alexander.

Interesting.

Lumipas ang ilang araw at hindi maiwasan ni Isabella na mapansin ang kakaibang ugali ng kaniyang amo.

Madalas itong umuwi gabi na. Laging may kasamang babae. At madalas din niyang marinig ang malalakas na ungol mula sa kwarto nito.

Tuwing maririnig iyon ni Isabella habang naglilinis sa hallway, mabilis siyang namumula.

Hindi siya sanay sa ganoong bagay.

Pero si Alexander?

Parang wala lang dito.

At mas lalong lumala nang magsimula itong tawagin siya palagi.

"Bella, coffee."

"Bella, dito ka."

"Bella, samahan mo ako."

Unti-unti, nasanay si Isabella na palaging malapit ang lalaki sa kaniya.

At napansin din niyang madalas siyang titigan nito nang matagal.

Parang may gusto itong gawin.

Isang gabi, malakas ang ulan sa labas habang naglilinis si Isabella sa library.

Tahimik ang buong mansyon.

Akala niya tulog na lahat.

Hanggang sa bumukas ang pinto.

Napalunok siya nang makita si Alexander.

Basang-basa ito mula sa ulan habang nakabukas ang unang butones ng polo nito. Bahagyang basa rin ang buhok nito kaya lalo itong naging gwapo sa paningin niya.

"Sir... ikukuha ko po kayo ng tuwalya."

Pero bago pa siya makaalis, hinawakan agad ni Alexander ang pulso niya.

Napasinghap siya.

"S-sir..."

"Why are you avoiding me?"

"H-hindi po..."

Lumapit pa ang lalaki.

Amoy alak ito. At pabango. Nakakahilo.

"Alam mo bang simula nang dumating ka rito..." marahan nitong bulong, "ikaw na lagi ang hinahanap ng mata ko?"

Napatitig si Isabella sa kaniya.

At doon niya napansing hindi basta pagnanasa ang nasa mata ni Alexander.

May kung anong init. Kung anong gutom.

Unti-unti siyang umatras hanggang sa mapasandal sa mesa.

At agad lumapit si Alexander.

Kinulong siya nito gamit ang dalawang braso.

"Sir... baka may makakita..."

"No one will."

Nanlambot ang tuhod ni Isabella nang marahang haplusin ng lalaki ang pisngi niya.

"Ang lambot mo..." bulong nito habang nakatitig sa labi niya.

Mabilis ang tibok ng puso niya.

Dapat umaalis siya. Dapat pinipigilan niya ito.

Pero bakit hindi niya magawa?

Unti-unting yumuko si Alexander hanggang sa maramdaman niya ang mainit nitong hininga sa balat niya.

"Tell me to stop, Bella."

Pero hindi siya nakapagsalita.

At iyon ang naging dahilan para tuluyan siyang halikan ng lalaki.

Marahan lang sa umpisa.

Pero habang tumatagal, mas naging mabigat ang halik nito.

Napapikit si Isabella nang maramdaman niya ang kamay ni Alexander sa bewang niya, mahigpit siyang hinihila palapit dito.

"Sir..."

"You drive me crazy."

Parang nanghina siya sa paraan ng pagkakasabi nito.

Unti-unting bumaba ang mga halik ni Alexander sa leeg niya dahilan para mapakapit siya sa dibdib nito.

Napasinghap siya nang maramdaman niya ang marahang kagat nito sa balat niya.

"A-Alexander..."

Ngumiti ito nang marinig ang pangalan niya mula sa labi ng babae.

"Say it again."

Namumula at hinihingal si Isabella habang nakatingin dito.

At doon tuluyang nawala ang natitirang pagpipigil ni Alexander.

Binuhat siya nito at marahang pinaupo sa mesa habang muli siyang hinahalikan.

Ramdam ni Isabella ang init ng katawan ng lalaki. Ang paraan ng paghawak nito sa kaniya. Ang pagnanasa sa bawat titig nito.

Parang siya lang ang nakikita nito.

At sa unang pagkakataon... hinayaan niyang lamunin siya ng damdaming iyon.