إلى هنا وصلت الكاتبة وسأحاول إن شاء الله أتابع معها أول بأول كونوا قريبين
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
بسم الله الرحمن الرحيم
السلام عليكم ورحمه ٱڵڵہ وبركاته
اشكر من قدر ظروفي من كل قلبي ولا الوم الي عصبت معها حق
بالنسبه لظروفي للاسف فقدتو الاحقيه بمعرفتها لانكم جرحتوني بردودك القاسيه الا مباليه وما الومكم شيء طبيعي من حقكم
شيء طبيعي اني ما دخلت عندي ظرف قوي ولا اكيد ماراح اهملكم وانتم جزء مني
عموما البارتات بتكون السبت و الاثنين و الخميس وراح يتغير الموعد بالاختبارات
تحياتي
***********
{ ريما }
هـي صفحـہ وانطـوت؟ ذكـرى حلـوه / وانتهـت ♡..!!
في هالشهر قربت من اميره كثير
حستها نفسها انظلمت من بنت عمها وتطلقت من زوجها
واخذت ولدها وسافرت لهنا تكمل دراستها وتعتمد على نفسها لانها يتيمه
وش قد انظلمت وعانت بحياتها اميره
بس كل ما تذكرت حياتها بكت هي بعد شبه يتيمه امها وابوها باعوها وليه ما تدري للحين السبب
زوجوها لواحد عذبها عشان ينتقم لحبه القديم ولما حبته وحبها ما تدري ليه كرهته صارت تنخنق بحضوره وبعدها سقطت وبعدها اغتصبت تسللت دمعه يتيمه لجفونها
رفعت راسها لما حست بيد على كتفها
ناظرتها بحب وامتنان وقفت معها هالشهر كله وكانت لها روح ثانيه
تعرفت عليها وهلى اسلوبها صارو ثنائي رائع والاحلى من كذا بينهم سنه بس
خذت كوب القهوه من يد اميره وابتسمت ابتسامه صفرا : شكرا لك
جلست جنبها وهي حزنانه عليها صحيح ظروفها قويه وبنت لحالها مع ولدها بالغربه بس ريما بعد مسكينه تكلت بهدوء : خلاص انسي ڷآ تنكدين عليك حياتك بسبب ماضي
خنقتها العبره وقوت حالها وكتمتها تعتبر البكاء والدموع لضعفاء وهي ابد ماهي منهم : اميره وشذايك اليومونروح الملاهي نطلع عزوزي للملاهي يتسلى ومنها انا وانتي نغير جو وش قلتي ؟
صفقت يدينها ببعض بفرح وابتسامه : و ٱڵڵہ جبتيها يا ريما احسني مخنوقه بس نبي نروح ملاهي كبار مو اطفال فيه ملاهي اسمها ثورب بارك روعه عزوز بخليه عند الناني حقته وناخذه بوقت ثاني وانا وانتي نطلع للملاهي وش قلتي ؟
ابتسمت بهدوء : الي تشوفينه ٱنتـيے فصلي وانا البس
وقفت وهي تقول الملاهي تبعد عن هنا نص ساعه بناخذ القطار ونروح يلا يلا قومي البسي بسرعه الحين الساعه 8 الصباح والملاهي تسكر الساعه 5 المغرب على ما نلبس ونحجز بطاقات القطار صارت الساعه عشر قووومي تحركي اشوف
قامت ريما بهدوء دخلت دورة المياه اكرمكم ٱڵڵہ ناظرت شعرها بالمرايه طولان مره على انها قصته وصبغته بس طال وصل لنصف ظهرها كشرت بقرف لما لاح لها طيف بدر
غمضت عيونها تمنع الدموع ودخلت داخل المغطس تروشت على السريع بمويه بارده مع انه برد
بدايه الشتاء بس صارت المويه البارده ادمانها تبي تعذب نفسها بالمويه فركت جسمها بقهر
وطلعت لبست بلوزه سوداء باكمام طويله ولبست جاكيت اسود بترتر موزع على الجاكيت بالوان مختلفه
بالعاده تلبس كوت طويل لركبتها بس بما انها رايحه لملاهي تبي تاخذ راحتها
لبست بنطلون سكني اسود ربطت شعرها كعكه ولبست الحجاب حقها لبست النظارات حطت مرطب شفايف شفاف لان شفايفها متقطعه من كثر ما تعض عليها وطلعت شافت اميره حايسه بالمطبخ ابتسمت وتوجهت لها { اميره اقترحت على ريما تعيش هي وياها مع بعض بشقه بدال ما تجلس مع اخوها ووافقت ريما وصارت تدفع الاجار مع اميره مع ان اميره عارضت بس ريما ما رضيت وصارو صديقات مسكن } : وش عندك يا بطه
اميره بنرفزه : ابي اسوي لنا فطور والغاز خلص
ضحكت ريما بهدوء : امشي امشي انا بعزمك ع الفطور بس خلصينا
ابتسمت اميره : بعدي والله اني أإآاـحـ ـبـ ـگ
ضحكت ريما : وقت المصالح
فتحت عيونها بطريقه مضحكه وناظرت ريما بقهر : مصالح هاه هين ي الخبله اوريك
ريما بنفاذ صبر : امشي خلصيني
اميره لابسه بلوزه حمرا ربيعيه وعليها جاكيت ربط قصير وبنطلون برمودا اسود ورابطه شعرها القصير لتحت كتوفها ذيل حصان ملامحها بريئه وطفوليه س فيها شيء يجذب وحيل ناعمه عموما تسمى جميله
توجهو لمحطه اوكسفورد شرو بطاقات القطار وجلسو
قالت ريما : بروح اجيب لنا فطور وش تبين ؟
المحطه كانت كبيره دورين الي فوق اسواق ومطاعم والي تحت بوابات القطارات والاندرلاين
ومحلات سناكات <وجبات > خفيفه
وقفت اميره : شوفي اول شيء بدخل السوبر ماركت هاذا واششنري لنا حلويات
وانتي روحي لصفه المطاعم هذيك واطلبي لك الي تبين وانا اطلبي لي ساندويتش قشقوان بالصلصه الخضرا مع الطماط والاوريقانو زين ؟ وانا بروح اجيب لنا ايسكريم من ماك وكوفي
هزت ريما راسها بالموافقه ومشت لصفه المطاعم خقت الوجبات الخفيفه كان اغلب سندويتشاتهم
لحم خنزير وما كان فيه الا تونه وسندويشات جبنه
طلبت لاميره الي تبي وهي طلبت لها سندويش جبنه قشقوان سايحه بصلصه الطماط
ورجعت للكراسي شوي وشافت اميره بيدها كيسه وكرتونه عليها اثنين ايسكريم واثنين كوفي
كانت تحب الماك فلوري حق ماك الي بالجالكسي والكراميل فكانت اميره دايم تطلبه لها
جلست بجنبها
ريما بضحكه : يالمشفوحه الي يشوفك يقول بنقعد عشر ساعات بالقطار ما كانها نص ساعه
ناظرتها اميره بقهر : اسكتي بس وعطيني سندويشتي وانتي سااكته
ضحكتً ريما بخفه وعطتها السندويشه كانت طويله مره { صحيح عندنا رخيص السندويشات بس هناك بعشرين ريال وتجيييك طوووويله مره } ناظرتها اميره بفجعه : مين بياكل ذي ان شاء ٱڵڵہ
ريما : كليها انا باكل حقتي وبشرب القهوه وباكل الايسكريم والحلويات الي بالكيسه
ناظرتها اميره مفجوعه : حشا وين تودين هالاكل كله
ضحكت ضحكه خلت الناس يلفون عليها : قولي ما شاء ٱڵڵہ
اميره وهي تاكل : مانيب قايله ما شاء ٱڵڵہ
ابتسمت ريما وبدت تاكل
خلصوا اكل واعلنو ان القطتر بيشمي مشت ريما واميره بسرعه للقطار وركبو جلسو بالكراسي
قالت ريما بضحكه : اشوفك خلصتي السندويشه وشربتي الكوفي وكلتي ايسكريم وشكلك ناويه تكملين ع كيسه الحلويات وما ناظرتي نفسك بس حاطه العين علي
انفجرت اميره ضحك وحاولت تمسك نفسها : يختي لذيذه السنادوتش
كملو سوالف بدون ما يحسون وقفو في المحطه الي بعد محطه الملاهي
قالت ريما بقهر : محطه الملاهي قبل هالمحطه يا ٱڵڵہ
اميره : اسكتي خليني افكر
شافت جهاز اتصال مثبت ع الجدار وراحت ضغطته تبي تستفسر من خدمه العملاء
رد عليها البريطاني وجلست تقول له انها تبي محطه ستينز الي قبل هالمحطه قال لها بعد شوي بيجي القطار عند البلوكه رقم 1 قالت وين البلوكه رقم 1
رد عليها وهو معصب بدون استهبال ومقالب بايخه وسكر السماعه بوجهها ناظرت السماعه مرتاعه
كانت محطه القطار صفيره اصلا مكشوفه وفيه بلكتين رقم 1 ورقم2 لكذا فهمت ليه عصب ع باله تسوي له مقلب
وريما وراها فاطسه ضحك
ناظرت ريما بقهر : حمدلله والشكر وش يضحك يا الخنفسانه
سكتت ريما لما شافت مجموعه شباب من دول الخليج الي من الرياض والي من الكويت والامارات وقطر متجمعين حوالي 7 اشخاص وشكلهم تعدو المحطه زيهم
مسكت يد اميره وسكتو وصل القطار ركبو فيه
الشيء الي ما انتبهت له ان من بين هالشباب كان فيصل موجود
وصلوا للمحطه اخذو تكسي يوصلهم على مدينه الملاهي لما وصلوا صرخت اميره بفرح : واخييييرا
كان توقيت وصولهم هم والشباب نفس التوقيت لذالك صادفوهم عند شباك التذاكر ولان ريما لابسه نظاررات ما قدرت تنتبه لفيصل
وقفت عند الكونتر حق التذاكر
تنتظر ايمره تخلص دق عليها فارس
ريما : ي صباح الفرولا ي فرولا
فارس بضحكه : اخصصص وربي صاير فيك شيء مستحيل تكونين ريما اختي النفسيه
ضحكت بهدوء : ادري داق عشان الشركه و باستعطاف .. فارس تكفى وربي نفسيتي مخنوقه واحس بهم خليني اليوم بس استانس وبكره اخلص لك الملفات كلها
رحمها وما حب يكسر بخاطرها : وعد
ريما بابتسامه وصوتها عالي مسموع ومو منتبه للي قريب منها يسمعها : وعد يا قلب ريمامي
فارس : وينك فيه ووش هالسعاده الغريبه
ضحكت بخفه : يعني ما تبيني اكون مبسوطه
فارس : الا والله منا عيني يوم تكونين مبسوطه عساه دوم يا نبض فارس
ريما بحماس : الهبلا اميره ساحبتني لمدينه العاب روووعه يا فارس اي صح ليه ما تجي
فارس وده يجي بس الشركه مين يمسكها : ڷآ يا قلبي عندي شغل المره الجايه نطلع سوا
ريما وهي تناظر اميره تنافخ على الكاونتر وفاطسه : هَّـَِـَِہْہْـَِہْـَِہْہْـَِہْہْـَِہْـَِہْـَِہْـَِ ــہْ زين روح بشوف هالخبله بتتطاق مع الكاونتر
فارس وهو يحس بانجذاب لاميره من كلام ريما عنها ولكن ما حصل وقابلها : هَّـَِـَِہْہْـَِہْـَِہْہْـَِہْہْـَِہْـَِہْـَِہْـَِ ــہْ زين خلاص مع السلامه حوبي
ريما وهي تتوجه لاميره : مع السلامه قليبي
سحبت اميره من يدها وهي تضحك واميره وجهها احمر من العصبيه : خير بعدي خليني اتفاهم معه
ريما بضحكه : ليه وش سوا لك
اميره ووجهها احمر وبعصبيه : الوصخ يقول لي بكم الليله
طاحت ريما على الارض وصارت تضحك بجنون وتضرب فخوذها تحت انظار الشباب خاصه فيصل الي مستغرب روحها المرحه لانها ماخذ فكره انها نفسيه ومنهبل على شكلها
اميره ضربت رجولها بالارض بعصبيه : عاجبك الوضع يا القرده هين يجيك يوم
وقفت وهي تنفض الغبار من عليها وتحاول تتمالك نفسها سحبت يدها لداخل وهي تقول : امشي امشي ٱڵڵہ يستر عليك بس
مشو مع بعض للبوابه قصو التذاكر وشرو تذكره الفرست تراك لان الملاهي كانت كبيره والالعاب
مرعبه بجد فكان عليها زحمه منكن يجلس الطابور ساعتين او حتى يوم كامل بس اذا شريت هالتذكره تجلسين بالطابور نص ساعه او ساعه هاذي هي الالعاب الموجوده بالملاهي { http://thorpepark.com/rides/the-swarm.aspx }
وقفت اميره عند البوابه من الرعب الالعاب اغلبها قطارات وقطارات مرعله وطويله
كلها العاب خطره يعني الي بايع نفسه يركبها
ناظرت ريما بخوف : ريما خلاص هونت ماعاد ابي ٱڵڵہ يخليك خلينا نرجع تكفين
ضحكت ريما وهي متحمسه : آقۈڷ امشي بس
كان فيصل يمشي وراها بدون ما تحس
راحو للقطار حق ال saw كان ديكور القطار منشار بالوسط وملطخ بالدم فكان شكله يروع
واميره ماسكه يد ريما وتترجاها ما يركبونه وريما مطنشه والشباب ورى فيصل الي يتبع ريما
ركبو اللعبه ريما بجنب اميره وخلهم فيصل والباقي متوزعين
جلست اميره تقرى المعوذات وتتحسب ع ريما وريما فاطسه
اميره : امانه اذا مت ولدي تحت مسؤليتك امانه ولدي برقبتك
ريما تضحك بجنون وبصوت عالي على اميره ولا هي قادره تتنفس
وفيصل كاتم ضحكه لانه وراهم بالضبط ويسمع
بدا القطار يتحرك وصار قلب اميره يرقع مسكت يد ريما وهي بتبكي : ريما خلاص والله امانه بيوقف قلبي
قبل ما تكمل نزلو من فوق صرخت اميره صرخه لان الارتفاع عالي وبالوسط منشار
وحلاه اللعبه انها كانت سريعه ودوره وحده
نزلت منها وهي تترنح وريما تقهق ضحكا على اميره
وفيصل يتبعهم
وصترت ريما تتعمد تختار اللالعاب المرعبه عناد في اميره
ركب اخطر قطار والي كان ارتفاعه يزيد عن 150 متر
اميره من الخوف لما اشتغل القطار صارت تغرس اظافرها بيدها لدرجه انجرحت وصب دم وهي مو منتبه وريما مستانسه باللعبه
لعبو كل الالعاب المرعبه والي تخوف باقي بس حقت الاشباح وكانت طريقتها غير
كل واحد معه مسدس وسكينه وفيه ساحه وظلام وكلن يقتل الثاني
دخلت ريما واميره وريما تروع اميره واميره تبكي
دخل فيصل والشباب
تعمد فيصل يمسك ريما
تكلمت بخوف ما تبي تخسر اللعبه : s sorry can you leave me alone
{ ا اسفه ممكن تتركني }
فيصل مثقل صوته : how can i leave an angle
{ وكيف اقدر اترك ملاك }
لفت له بسرعه ولانه ظلام رفعت اضواء النيون الي كانت معها وشافت صطرته كف من القهر
وراحت تدور اميره سحبتها من اللعبه
وراحو يلعبون بشلاات المويه بعدها طلبو من المطعم اكلو ورجعو لشقه نامو من التعب بدون ما تعلق ريما على تصرفها في بيت الاشباح
