روح

روح1

#روح
#الحلقة1(المقدمه)
#للكاتبه افنان عبدالله(afnan abdullah)

كانت واقفه وتشوف بذهول لي جمال المكان اللي قاعده فيه...كان مكان كله اخضر وفيه نور عجيب نزلت راسها ببطء لي جسمها وشافت نفسها لابسه قفطان ابيض طويل ومستور وجميل جدا جدا...رفعت راسها وغمضت عيونها براحه🌼.

________________________

سنة2022
الساعه 12:00 ظهراً:-

نادت بصوت عالي وهي تقول...
ناهد:روووح يا رووح
روح:طلعت من الغرفة وعلى وجهها علامات النعس...خير يام خيرك؟
ناهد:غبارتي وخلاص...مازلتي راقده انتي؟!!
روح:نضت يا ماما نضت اهو تشوفي فيا قدامك
ناهد:ربي يصبرني عليك...اغسلي وجهك بسرعه وامشي عند عيت عمك الشامخ وجيبيلي البوكسات اللي عند مرت عمك
روح:قلبت عيونها بملل...خطرن عليك توا يعني
ناهد:امشي بسرعه بلا قطاف زايد خمس دقايق نجي نلقاك قاعده نوريك...ولفت ومشت
روح:ربي يصبرني عليكم بس عيله معفنه طحت فيها... ودخلت للغرفه
حور: رفعت عيونها من الشيت...خيرها امي؟
روح:فتحت الدولاب...تبيني نمشي لعند عيت عمك الدراه ونجيب البوكسات
حور: حطت البيرو ع الطاوله...بلا قلت ادب ادوي كويس
روح:طلعت اللبسه وسكرت الدولاب...عارفتني على من نقصد بلا استعباط
حور:مهما كان
روح:شافت للشيتات اللي قدامها...وانتي شن يقري فيك من صبح ربي
حور:غدوة اختبار وبعدين العشيه مستحيل نقدر نقرا من دوشة العرس
روح:خوك يتجوز ويعيش في العسل والتعب يجي على روسنا اخخخ عليك قهر وخلاص...وخشت الحمام"أكرمكم الله" وخبطت الباب
حور:ضحكت وحركت راسها يمين ويسار بقلة حيلة.

نادى بصوت عالي ع اخته وهو يقول...
مروان:ايلاف انتي يا فرخه
ايلاف:طلعت من المطبخ...خيرك ع الصبح؟؟
مروان:وين قهوتي؟
ايلاف:الصبر اصبر
نوريه:طلعت من المطبخ وماسكه ثلاث بوكسات...خيركم شن في؟
ايلاف:ولددك يام ولدك يدره الكبد ع الصبح
مروان:سكري فمك احسن مانرتكب فيك جريمه ع الصبح
نوريه:ربي يصبرني عليكم وخلاص...وشبحت لي ايلاف...انتي اعقلي راك مخطوبه...وردت شبحت لي مروان...وانتي تحشم على اللحيه اللي في وجهك
سمعوو صوت ضحكه جايه من عند الباب ...وثواني وخشت روح
مروان:شبحلها...بنت عمي الروسية
روح:صباحكم هزايب وعرايك زي صباحي قبل شوي..
ضحكوو كلهم
نوريه:مدتلها البوكسات...شن حالكم
روح:خذت منها البوكسات...لوز اللوز
ايلاف:قربت منها...بنمشي معاك راهو
مروان:هييي هييي تشوفي فيا طرطور قدامك؟!
روح: شبحتله... لالا رجل كرسي..وضحكت
نوريه وايلاف...ضحكن
مروان:شبحلها...ما اسمط من ايلاف الا انتي خسارة فيك جمالك وخلاص
روح:خدت مخده من الصالون وحدفتها عليه..وشافت لي نوريه وهي تقول..سامحيني مرت عمي بس ولدك دمه ثقيل لين فايت فيه وبارد...
ناض مروان وهو يقول:شنووو؟؟ ماسمعتش..وجي بيشدها
روح:حطت البوكسات ع الكنبه بسرعه...ومشت تجري ومروان يجري في جرتها
نوريه:حركت راسها يمين ويسار بقلة حيله...هما الاثنين اهبل من بعض..ورفعت البوكسات وشافت لي ايلاف...ماشيه لعمتك ناهد نرفعلها البوكسات ونعاونها...تعالي مع روح
ايلاف:هزت براسها وهي تقول..حاضر
سمعوا صوت روح تعيط ومروان يقوللها..شادك شادك..ماعندك وين هاربه
نوريه:ربي يثبت علينا العقل والدين...ولفت وطلعت
ايلاف:ضحكت...ودخلت للكوجينه