***ရှင်းလင်းချက်***
Present _ လက်ရှိအခြေအနေ
Past 1 _ ပထမဆုံးတွေ့ဆုံမှု နွေရာသီ
Past 2 _ ဝေးကွာခြင်း
Past 3 _ လက်ရှိအခြေအနေသို့ မရောက်ခင် ဖြစ်ရပ်များ
***********________************
( Present )
" ပြွတ်စ် 😗 "
ဟာ!
ငါ့ကိုလာခိုးနမ်းသွားပြန်ပီ! အိပ်ချင်ယောင်ဆောင်လက်စနဲ့ ဆက်နေရဦးမယ် တကယ်တော့ အိမ်စာလုပ်နေရင်း မှေးခနဲဖြစ်သွားတာ တံခါးဖွင့်သံကြားတော့ လန့်နိုးသွားပေမယ့် ခြံရှေ့မှာစကားအော်ပြောသံကြားကတည်းက မထဘဲနဲ့ဆက်အိပ်ချင်ယောင်ဆောင်နေလိုက်တာ
ကြည့်ဦး ခုတော့ ခိုးနမ်းသွားတယ် ခံရခက်လိုက်တာ! ဘာပဲဖြစ်ဖြစ် တစ်ချက်နမ်းပြီး ငါ့အခန်းထဲမှာ ကာတွန်းစာအုပ်တွေလှန်သံကြားတယ် မသွားသေးဘူး
နာရီ၀က်ခန့်အကြာ ဆတ်ခနဲလန့်နိုးလာတော့...
" နိုးလာပြီလား မင်းကိုစောင့်နေတာ "
လွန်ခဲ့တဲ့နာရီ၀က်က လောလောလတ်လတ် " ပြွတ်စ် " ဆိုတဲ့အရာကို မသိချင်ယောင်ဆောင်ရင်း
" ငါစာလုပ်ရင်း အိပ်ပျော်သွားတယ်ကွာ ဆောရီး...
ဒါနဲ့ဘာလို့လဲ
မင်းနဲ့အပြင်သွားဖို့ချိန်းထားတာ တနင်္ဂနွေမို့လား ဒီနေ့မှစနေလေ ကျောင်းပိတ်ရက်လေးနှစ်ရက်ကိုတောင် အေးအေးဆေးဆေးပေးမနေဘူးကွာ ပူကပူနဲ့ "
" ဟုတ်တယ် မနက်ဖြန်သွားမှာက သပ်သပ် ဒီနေ့လည်း နောက်ထပ်အကြောင်းအရာလေးတွေပေါ်လာလို့ "
ဒီကောင်ကအဲ့လိုပဲ ပိတ်ရက်တိုင်းသူ့ကိစ္စကအမြဲရှိနေတာ
" ဆိုစမ်းပါဦး ဘာကိစ္စ "
" ငါ ရွှေရင်အေး သောက်ချင်လာတဲ့ကိစ္စလေ "
" အော် ဟုတ်လား "
စိတ်ထဲမှာတော့ ( အေးဟေးး အလုပ်ကြီးအကိုင်ကြီး မင်းရွှေရင်အေးသောက်ချင်တဲ့ကိစ္စ ကိုယ့်ဘာကိုယ်သွားပါလား ငါနဲ့ဘာပတ်သက်!! )
ဒီစကားတွေကို ထုတ်မပြောရဲ သူ့ကိုကြောက်ရတယ် ပြန်ပြောမိရင် အရိုးတခြား အသားတခြားဖြစ်နိုင်လောက်တဲ့ သူ့အကြည့်ကိုကြောက်တယ် ဒီတိုင်းရေလိုက်ငါးလိုက်ပဲ နေရဲတယ် ကလန်ကဆန် မလုပ်ရဲ
တခါက သူခေါ်တာမလိုက်ဘဲ ပုန်းနေတာမိသွားလို့ ကျောင်းအပြန်မှာ စက်ဘီးမစီးခိုင်းဘဲ လမ်းလျှောက်ခိုင်းခံရတာ ခြေထောက်တွေကို ညောင်းနေရော ညရောက်တော့အိမ်ကို လိမ်းဆေးလာပေးပါတယ် ပြောသွားသေးတယ် "နောက်တစ်ခါကျ ဒီထက်ပိုဆိုးမယ်" တဲ့
" သွားမယ်လေ ဘာလုပ်နေတာလဲ "
အတွေးတွေနဲ့ငိုင်နေတုန်း သူ့အသံကြားလို့လန့်သွားတယ် အိမ်ထောင့်မှာထောင်ထားတဲ့ စက်ဘီးလေးအပြင်ဘက်တွန်းထုတ်လာခဲ့တယ်
" မင်းစက်ဘီးရော "
" မပါလာဘူးလေ မင်းနင်းရမှာ " ပြောရင်းနဲ့ ဟက်ခနဲ ရယ်လိုက်သေးတယ်။
( ချီးး နေပူကြီးထဲ မင်းကိုတင်နင်းရဦးမှာ ငါ့ကိုသာ အသေသတ်သွားပါတော့လား
အရှင်ဘုရား ဒီလိုလူမျိုးနဲ့ ဝေးရာကိုပို့ဆောင်ပေးပါဘုရား တပည့်တော်ဆန္ဒပြည့်ပါရစေ )
မောမောနဲ့ ရွှေရင်အေး နှစ်ပွဲဆက်တီးပစ်လိုက်တယ် သူ့ဘက်ကြည့်တော့ တ၀က်တောင် မကုန်ချင်ကုန်ချင် " ရွှေရင်အေး သောက်ချင်လာတဲ့ကိစ္စ " ဆိုတဲ့ အလုပ်ကြီးအကိုင်ကြီးလုပ်မယ့်သူက သူလားကိုယ်လား မသဲကွဲဘူး
" ရွှေရင်အေးသောက်ချင်တာက မင်းကိစ္စလား ငါ့ကိစ္စလား " လို့ပြောတော့ ညစ်တစ်တစ်အပြုံးနဲ့ " ရာသီဥတု ပူတယ် " တဲ့လေ
" မင်းပြောမှလား!! "
မနက်ဖြန်ကျ တနင်္ဂနွေဆိုတော့ ထုံးစံအတိုင်း ကမ်းနားလမ်းမှာ စက်ဘီးသွားစီးဖို့များတယ် ပြောလို့တော့မရပြန်ဘူး တစ်ခါတစ်လေကျ တောင်ဆိုမြောက်ရောက်တာ သူ့စိတ်က
ကျွန်တော်ကတော့ ဒီအတိုင်းသူ့ဘေးက ကပ်ပါးလေးပေါ့ ...
ဆက်ရန်...
