وهــج

بدايه

.

_________________

(وهـج)

صحيت على هاي الدنيا وانا وحيد. ما اعرف اهلي منو و ابن منو اكون.
لا اب عندي ولا ام ولا حتى اخوه. بختصار ما اعرف معنى شي اسمه عائله

كل الي اعرفه جابوني من ملجى الايتام بعمر العشر سنوات وخلوني هنا اشتغل حالي حال البنات الي بالملهى لكن اختلف عليهن بشغله وحده
وهي انا مجرد مغني وراقص اما الباقيات ف يمارسن عملهن ك عاهرات تحت الرجال يومياً.
البعض بيهن چانن مجبورات بسبب اعالة انفسهن والي برقبتهن والبعض تواجدهن هنا برغبتهن

مرت الايام والأشهر وحتى السنوات الى ان صار عمري 15 وانا ما زلت بهذا المكان. بالبدايه چنت خايف من الي داشوفه يوميه وديصير گدامي ورغم نظرات الكل الي ما چانت نظيفه.
بس ما بيدي شي اسويه انجبرت ابقى بهذا المكان ومع مرور الاشهر تعودت. و اعتقد هم اخذوني لهنا بسبب شكلي الجميل الي يشوفونه اشبه بالبنات لان انا الولد الوحيد بينهم حتى المسؤوله علينه چانت امراه بنهاية الاربعين.

چنت دايما كل نهاية اسبوع اطلع برا الملهى افتر بشوارع اربيل رغم خوفي وقلقي من كلشي لكن احس روحي حر ع الاقل بخروجي بهاي الساعه. محد چان يگدر يتعرف عليه لان انا بداخل الملهى ارتدي نقاب الوجه حتى اخفي شكلي.
عيوني فقط الي چانت ضاهره

گاعد بالغرفه الخاصه بيه افكر بحياتي الي مابيها اي تغيير مجرد من الملهى للغرفه ومن الغرفه للملهى كل نهاية اسبوع انجبر انزل ع المسرح اغني و ارقص مع عدة بنات. لكن رغم ذالك انا مرتاح بعدم سماحهم لاحد يقترب مني.

مدير المكان ما چان شخص زين و افضل من غيره
لكن رغم يحب يستغل جمال الأخرين حتى تزيد ثروته وتزيد زباينه .
انا الوحيد الي رفض يسلّمني لاي شخص. حذر الجميع بعدم فعل هذا الشي وانما علي فقط تعليم الرقص وتدريب صوتي ع الغناء
ولان انا چنت املك موهبة بالغناء وصوتي چان حلو ف بسرعه تعلمت. وحالياً انا من سنه اشتغل بالملهى

دايما چنت اتجنب لمس اي شخص الي ولو حاول احد ف جميع الي بالملهى مبلغ بأمر من المدير بحمايتي ف هذا الشي الوحيد الي مخليني مطمن ع الاقل مجرد اغني وارقص ولا عاهر تحت الأخرين

خرجت من تفكيري على صوت ساره الي هي مثل صديقتي واختي بنفس الوقت تصيح باسمي بصوت عالي
وهــج!!

بحين التفاتي الها هي فورا حضنتني بقوه تگول
وهجي يلا خلينا نروح اوووف اليوم ميلادك ال 15 وعطله الي راح نتونس هواييي..
بحماس نهت كلامها تنظر لوهج الي ابتسملها بهدوء يبادلها الحضن وبالرغم هي بالعشرينات لكن بسبب تصرفاتها الطفوليه تبين حالها من حال وهج الاختلاف البينهم وهج هادئ عكسها