نصِيبي .

البدَايه .

تعريف لأبطال الروايه:

هِيثم، عمره 32 عسكري ورتبته بالجيش عقيد، طويله 189
ايهم، عمره 19 جامعه مرحله اولى تخصصه طب، طوله 170

ملاحظه: هِيثم وأيهم اولاد عم

تعريف لعائله هِيثم:
ابوه عمره 60
والدته عمرها 55
هيثم عنده ثنين اخوان و اخت وحده وهوه الوسط بينهم تعريف الهُم:
اخوه الأول، مُحمد الچبير عمره 38 ( مَتزوج )
اخوه الثاني، ثار عمره 35 ( طَبيب )
اخته الصغيره غيد عمرها 18 ( صف سادس )

تعريف لعائله أيهم:

ابوه عمره 57
والدته عمرها 49
ايهم الصغير والمدلل مال البيت وما عنده بس اخ واحد اكبر منه
اخوه احمد، ( موظف )

الروايه بعدني ممقرر الها قصه كامله وبأي وكت حتنزل ما الها وقت محدد وراح اضيف بهذا البارت شوي منها حتعجبكُم، اقروا واستمتعوا حبايبي

ملاحظه قبل لاتقرون راح استخدم مصطلحات المدرسه للجامعه للتسهيل لا اكثر 🙏🏻

-

الصَبح الساعة 22 : 6

جان ايهم نايم وامه دخلتله للغرفه حتى تكعده ويروح للجامعه، دكت الباب عليه وما رد فتحت الباب ودخلت وتقدمت يمه، حطت ايدها على جتفه وهزته وهيه تصيح، " كوم يمه بعدك نايم جا شوكت تروح متكلي؟ "

فتح ايهم عيونه ببطئ على صوتها وهوه يكول بأنزعاج، " كايم كايم بس ثواني لخاطر الله بعدني نعسان "

ضربته امه عالراسه بخفه وصاحت، " دكوم شكبرك بعد تصير ومتعرف تكعد من وحدك كوم بدل بسرعه حتى اخوك يوديك يلا " طلعت من الغرفه ونزلت للمطبخ حتى تجهز الريوگ بين ما يجهز

كعد ايهم عالجربايه وهوه يفرك بعيونه ويحاول يكوم يتجهز بدون ميركع صفنات، كام من الجربايه وتوجه للحمام غسل وجهه وغسل سنونه ورجع لغرفته يبدل ملابسه، بدل وخلص وراح للمرايه يباوع لشكله ويمدح بنفسه، " خرب يومك ايهم هوه هذا هم وجه جنك العافيه هنيالها الراح تاخذها "

سمعه احمد وهوه جان رايح يكعده وعباله بعده مكاعد ومن دخل شافه يبوس بروحه، ضحك عالشكله وكال، " شبيك تخبلت هوه هاي هم خلقه جنك بعبوص وفرحان بيها "

فزع ايهم من صوته وضحكه العالي وباوعله بعصبيه وصاح، " من تدخل دك الباب بالأول وبعدين شبيها خلقتي احسن من خلقتك الجنها طيز "

ما اهتم احمد لكلامه وكال قبل ليطلع من الغرفه،
" خلص بساع يلا اريد اخذك واولي للشغل "