طحت ومحد سمى علي

Part19

اساعه12:39
سعود: نوره يلا
نوره ماردت وقامت لبست عبايتها
عائشه: متى سفرتك
سعود: الاحد
الجده: تعالي يانوره هنا
نوره: ابشري
سعود: يلا امشي
مشو سعود ونوره وركبو السياره وطول الطريق ساكتين محد يتكلم وصلو البيت
نوره: ابيك تسمع بس وتعرف ظلمك لي
سعود: وش ظلمتك فيه
نوره: اسمع
سمعته الصوت نوره
نوره: عرفت الحين ارتحت انا مو قاهرني فيك غير انك مصدقها وانا طول وقتي معك ولا صدقتني
سعود: لو جاك واحد وقال زوجك يخونك وش بتسوين بترقصين يعني
نوره: وقتها يصير الي يصير
سعود: ادري اني غلطت وادري اني صرخت وادري اني الي سويته غلط بس ماتحملت يانوره
اشوف احد يكلمك والله اني ندمان
نوره: حبيبي انا نوره كلامك ذا مايرضيني ماراح انسى الي سويته فيني طيب
سعود: وش تبين قولي ويجيك الحين
نوره: ابي جوال وابي مكياج وابي شنطه وابي عطر وش بعد افكر
سعود حك حواجبه : راحت فلوسي
نوره: تحمل
سعود: بس ماخليها بخاطرك
نوره نزلت عبايتها وشافها سعود بفستانها البرغندي الي طويل و ماسك و اكمامه طويله و شعرها الحرير الي لظاهرها ومكياجها الخفيف
قرب سعود منها وسحبها لعنده نوره شهقت سعود جلس ينظرها ولا شال عينه عليها
نوره: ممكن تبعد
سعود: لا
نوره: ابي اشرب مويه طيب
سعود: مو لازم
نوره: وش رايك نطلع نفطر احسن صح
سعود: حلوه
نوره: لا خلاص خليها غدا
سعود: كيفك
نوره: طيب وخر سعود
سعود: خلاص وخرت
نوره راحت للمطبخ شربت مويه رجعت اخذت عبايتها و طلعت فوق غيرت لبسها ومسحت مكياجها كانت لبسه بنطلون اسود مع تيشيرت ابيض ضيق وطلعت وكان سعود منسدح انسدحت
سعود انسدح على بطنها وهي جلست تلعب بشعره
نامو ابطالنا

(في الصباح)
(في بيت مساعد)
الجد: يلا افطور
فطور
عائشه: امس ماعجبوني نوره وسعود
اميره: اي والله
جواهر: عادي لو في شي كان جت نوره هنا
عمر: العلم عند جود
جود : وش دخلني
ريم: قولي سرعه
جود: وش اقول ماعرف شي
جواهر: انتي اقرب وحده لها اخلصي
جود: ماقالت لي شي
عائشه: قولي اخلصي
جود: تبون تعرفون يعني
سعد: يابنت اخلصي
جود: طيب خلاص ذي اشرت على مها مسويه محادثات وهميه عساس ان نوره تكلم ولد وارسلت لسعود وتهاوشو بس اتوقع خلاص لان عرف سعود انها كذابه
الكل انصدم من حركته
سعد : انتي وش سويتي فهميني
فيصل: قومي غرفتك لا اشوفك
مزنه: وش سويتي ليش ليش
مها: جدي اخذت قرار سي ليش انا ابي سعود
الجد: الولد مايحبك وش تبين فيه
سعد: قومي غرفتك
قامت مها غرفتها
ريم: وش وضعها ذي
ساره: مجنونه
خلود: معلينا منها

في بيت سعود
صحت نوره ودخلت تروشت و طلعت نزلت تحت تسوي الفطور ودق جوالها وكانت اميره
اميره: نوره
نوره: هلا
اميره: اخباركم
نوره: الحمدلله وانتم
اميره: بخير حنا الحمدلله ، فيكم شي انتم
نوره: لا ليه
اميره: امس ماعجبتوني
نوره: تهاوشنا والحين مافينا شي
اميره: اليوم الكل عرف
نوره: كيف كيف
اميره: اي عرفو انك تهاوشتو عشان مها
نوره: اخخ جود
اميره: ليه ماعلمتيني
نوره: ماقدرت ولا كنت بقول لحد بس جود غصبتني
اميره: المره الثانيه تعلميني
نوره: ابشري
اميره: وش تسوين
نوره: الفطور
اميره: زين ما بعطلك يلا
قفلت اميره وكملت نوره الفطور
صحى سعود دخل تروش وصلى و قام يدعي له والى نوره خلص ونزل تحت وضمها نوره شهقت
نوره: خوفتني
سعود: معليش
نوره: يلا نفطر
سعود: اوف السفره
نوره: كل يوم احب اغير
بدو ياكلون
نوره: طيب وش نسوي الحين
سعود: وش ودك
نوره: ولاشي نقعد والظهر نطلع
سعود: ابشري
نوره: لقيتها
سعود: وش
نوره: بقول للبنات يجون وانت العيال قول لهم ونروح باتل كارت المغرب
سعود: خلاص تم
ارسلت نوره في القروب وسعود بعد
نوره: ارسلت
سعود: وانا
نوره: طيب وش نسوي الحين
سعود: فيني نوم
نوره: نام واصحيك الظهر
سعود حط راسه على رجلها وغمض عيونه وهي جلست تلعب بشعره و تابع بجوالها