على ذمة الاصيل

البارت الخامس

شلونكم شعلاتي ياريت تصوتون وتعليقات بين
الفقرات حتى تشجعوني استمر 🔥🔥🔥
____&_____&&________&&_____&
عِيونچ هَـذن ؟
لـو سَاحة التَحرير !
لـو بَيتـي ؟
أول مَرة أَشوف عيـون
بَيهن بيت
منطينـي علة گد نيتـي ،،

اصيل.... هاي غرفتج ومكانج هنا جاي احجي وصدت عيوني بعيونها بعدها لبسه نقاب وعيونها بس طالعات سبحان لي خلقهن عيونها تعيل
بقيت صافن بيهن اخذني بغير عالم
تقربت منها رفعت النقاب حسيت بشعور هيج غريب
شعور ترغب بشخص من مجرد النظر له يحرك مشاعرك بدون مجهود صرت اتقرب منها اكثر كل ما اتقدم خطوه هي ترجع خطوه لحد ماصارت بيني
وبين الكنتور شلت منها الحجاب وطلع شعرها وزادها جمال يعني جوهره مو فائقت الجمال بس شخصيتها
حتى سمار بشرتها المخمليه يجذب عيونها تغركك
صار عندي رغبه احضنها بس بنفس لحضه احس اكو حاجز بينه جانت لحضه غريبه مشاعر متخربطه 
بس قربت حتى ابوسها و
مهره..... بابا بيبي تكول تعالوا تعشوا
اصيل... احم نازلين وراج
مهره.... جوهر هم انتي تعاي
جوهره..... ان شاء الله حبيبتي
اصيل.... اخذت ملابسي ورحت الحمام
جوهره..... اه يمه الحمدالله مادري شنو جان صار بيه حسيت قلبي راح يوكف
اصيل فجئأه صار يتقرب مني هو حقه انه مرته بس
انه ماحبيت هذا الشي يمكن الوضعنا مختلف شوي
المهم بدلت ملابسي بين ماطلع
اصيل.... اها ننزل
جوهره.... أي بس اغسل واجي انزل انت
اصيل....لا انتضرج ننزل سوه
جوهره.... تمام
طلعت من الحمام وانزلنا انه واصيل لكل جان كاعد على العشه
اصيل..... اسفين تأخرنا عليكم
ام اصيل..... براحتكم يمه
وداد.... اي لازم ننتضر ست الحسن اخت المجرم
اصيل..... وداد لسانج انه شكلت
الشيخ حمود..... تتعشون لو تبقون تحجون شنو ماتحترمون احد ولا تحشنون احد لو عبالكم كبرت
ومالي كلمه بعد
اصيل..... محشوم حجي احنى اسفين
مهره... جدو اريد اكعد يمك يصير
الحجي حمود..... شلون مايصبر تعاي اكيد يصير
ايمان.... شلون صار ابوج
جوهره.... الحمد الله زين
ايمان..... الحمد الله على سلامه
جوهره.... الله يسلمج
والكل صار ياكل ومهره تسولف لهم شلون شوفتها الاكهب وشلون ركبته
وداد...... عفيه بنات مايردن انوب يركبن خيل
جوهره.... اصيل اذا ماعليك امر ممكن تخليهم يجيبون الاكهب لهنا مرات اشتاقله وهم اريده يدعود على مهره
اصيل.... ان شاء الله
جوهره.... شكرا ربي يخليك اليه
طبعا انه سويت هيج حتى اقهر وداد صح انه ماراددها بس اردها بطريقتي
خلصنا عشه اميره شالت الاكل والماعين خطيه كله عليها ولا وحده من خوات اصيل تساعدها طبعا عنده اربع خوات الجبيره متزوجه واحده مخطوبه ابن عمها اسمها جنات وايمان وداد بعدهم بس مايساعدنها ابد
جوهره.... محتاجه مساعده اساعدج
اميره.... لا الله يخليج شيخه
جوهره.... بس مايصير كله عليج
اميره..... انه متعلمه انتي رتاحي شيخه
جوهره.... اصريت عليها بس هي ماقبلت ابد
كتلها بس الم وياج جم شغله
اصيل.... خلصت عشه وصعدت فوك خلصت جم شغله ب تلفون انتبهت جوهره ماكو كلت بس لا راحت تنام يم مهره خل اروح اشوفها
رحت الغرفة مهره
مهره.... ها بابا حبيبي تعال
اصيل.... شلونها مهرتي شنو جاي تسوي
مهره.... جاي ارسم جوهره والاكهب
اصيل.... معناها حبيتيهم
مهره.... أي الاكهب كلش حلو وجوهره هم حلوه
اصيل..... اول مره تكولين اسمها صح
مهره..... هههه
اصيل.... وينها جوهره
مهره.....مادري
اصيل.... جا وين راحت
نزلت جوه ادورها لكيتها ب المطبخ جاي تشتغل وياه اميره
اصيل.... جوهره شتسوين هنا
ليش جاي تشتغلين ب المطبخ
اميره.... اسفه شيخ بس
جوهره.... ماكو شي بس انه حبين اساعدها
خطيه جاي تسوي كلشي ب البيت بحدها
اصيل.... انه احل الموضوع بس هذا مو شغلج مالج علاقه بهذا الشي
اميره اسمعي انه اجيب وحده تساعدج بس اذا شفت الشيخه واكفه ب المطبخ مره ثانيه انتي تتحاسبين
جوهره تعاي وياي
صعدت الغرفه واجت وراي جوهره
جوهره.... على فكره هي مالها علاقه بس انه شفتها بحدها وكل الوقت تشتغل ولا واحد يساعدها حتى لو هي تشتغل هنا هي هم بشر شايله البيت كله حتى ليريد كلاص ماي يصيح عليها بعدين عادي ترى انه بيت اهلي جنت اسوي كلشي انه وشمس
اصيل..... هذا بيت اهلج هسه انتي ابيتج انتي هنا شيخه ماتسوين شي ولا توكفين ب المطبخ ولا تخدمين احد مفهوم واميره انه اجيب وحده تساعدها
جوهره.... بس حتى لو جنت شيخه وهذا بيتي مثل ماتكول لازم اراعي صاحب بيتي واهتم بناس الموجودين بي
اصيل.... سمعي اهم شي عندي مهره ومادامج مهتمه بيها ومراعيتها وخايفه الله بيها معناها كايمه بكل واجبانج وموفيتهم
جوهره..... ابو مهره
اصيل.... شبي
جوهره.... منو يهتم بي ويراعي
اصيل.... من ماتت نرجس صار خمس سنوات تعودت اهتم بأموري بحدي
جوهره.... هذا الحجي قبل لا اكون انه هنا
اصيل.... والمعنى
جوهره.... المعنى من اليوم ورايح كلشي يخصك هو يخصني كلشي يخصك من اهتماماتي راحتك واجبي
اصيل صح ضروف لصارت صعبت الموضوع بينه بس انه متربيه واعرف الاصول واعرف واجباتي ومثل ماانت تحترمني ومقدرني وماخل احد يقلل من قيمتي واجي ب المثل صدك راح اكون عد حسن ضنك
اصيل..... بحسره الله كريم يله خل نام وانتي لا تروحين تنامين بغرفة مهره هذا مكانج
جوهره... امرك
اصيل.... رحت تمددت على الجربايه واقره كتاب انه احب القراءة
جوهره فتحت الجنط وطلعت ملابس مالحكت اصفطهم يله باجر اخذت ملابس مريحه النوم ورحت ب بدل بصراحه استحي لبس ملابس نوم او ملابس مفتوحه لبست دشداشه فانيله ربع ردن وبيها قصر شوي وهاي اول مره اطلع كدامه هيج بدون ماتكون هدومي طول وعراض رحت اخلي مرطب على ايدي وجهي وامشط شعري حسيت بي يراقبني بس بدون
مايبين عليه مثل مانكول من جوه لي يجوه
اصيل.... جنت اقره ولحضتها طلعت لبسه دشداشه مو عريضه ولا طويله صار متزوجين 3اسابيع بس اول مره اشوف جسمها بوضوح واكفه تخلي مرطب وتمشط شكلها مو مثير ولا مغري بس عفوي ومريح للعين بقيت ارقب تحركاتها ومسوي روحي اقره
جوهره.... خلصت ورحت اريد انام لان كلش تعبت ونعست هم بس مستحيه انام يمه نفس الجربايه متردده
هو يمكن حس عليه اخذ طرف الجربايه وكلي
اصيل.... تعاي نام لا تلضلين واكفه وخجلانه
جوهره.... يمه صدك حسيت نار طلع من خدودي
اصيل... ببتسامه خفيفه تعاي
جوهره..... هاي ثاني مره اشوف اصيل يبتسم دائمًا ملامحه جديه
رحت نمت بطرف الثاني من الجربايه
جوهره.... راح تخلي الضوه مفتوح
اصيل.... تضوجين من الضوه
جوهره..... ماكدار انام اذا مو الغرفه ضلمه
اصيل..... زين سباعيه
جوهره.... طبعا انه جوهره بنت الشيخ مصطفى ماخاف
اصيل..... ههههه كفوو
جوهره.... بطريقه عفويه عفيه اصيل حباب طفي الكلوب راح اموت من النعاس
اصيل.... دللي كمت طفيت الضوه واضحك بداخلي عليه ساعات تحسها قويه بس ساعات حالها حال مهره
رحت نمت يمها على الجربايه بس ماجاني نوم ضلين اتكلب ماحسيت لا وحضنتني معقوله كاعده لغرفه ضلمه ماكدار اشوفها كاعده لو نايمه بعدت ايدها اخذت تليفوني شغلت الفلاش نايمه معقول جاي تسوي حركات
رجعت نمت رجعت حضنتني وهي تحجي بس صوتها خفيف ونعسان
جوهره..... شميسه لا تحوسين اريد انام بس
اصيل.... ضحكت عليها ونمت
صار الصبح
جوهره..... كعدت لكيت نفسي بحضن اصيل لا هو بحضني يبوو عزا بعينج جوهره شفته نايم كلت خل اواخر قبل مايكعد بعدت شوي شويه رحت بدلت ملابسي وغسلت وجهي ونزلت لكيت اميره تسوي الريوك صباح الخير
اميره...صباح النور اجهزلج الريوك
جوهره.... لا انتي كملي شغلج انه راح اجهز الريوك الشيخ
اميره.... بس خاف يعصب عليه
جوهره.... لا مايعصب
وداد..... خلصتي الاكل وراي كليه يله راح اتأخر على دوام
ايمان.... صباح الخير
جوهره.... صباح الخيرات
ايمان.... اشو من الصبح هنا
جوهره..... جاي اسوي ريوك ال اصيل
ايمان.... يمه على الاهتمام
منو كده
جوهره.... طبعا شعدنا غير ابو مهره نحبل نجيب
ايمان..... الله يخليكم البعض ولا يفرفكم
جوهره.... شكرا شنو ماعندج دوام
ايمان .... لا شلون عندي بس انتصر السايق
جوهره..... ماتريكتي
ايمان.... اول وحده تتريك انه اسويلي ريوك
واكل مانتضر احد يسويلي
جوهره..... عفيه عليج
يله اروح اكعد اصيل
اصيل.... كعدت مالكيتها ردت اكوم بس حسيت بيها جايه سويت روحي نايم كلت خل اشوف شنو تسوي
جوهره..... ياا بعده نايم اصيل اصيل كوم يله جهز الريوك
اصيل.... اسمعها بس ماجاوبنها ماعرف ليش هيج سويت
جوهره..... ياا هسه شلون اكعده كعدت على جربايه تقربت منا اصيل كوم مايكوم خليت ايدي على جتفه
وصرت اصحي حتى يكعد
اصيل.... صباح الخير
جوهره صباح النور شنو نومك ثكيل صار ساعه اكعد بيك
اصيل..... يجوز
جوهره..... يله كوم غسل وجهك بين ماجيب الاكل
اصيل.... هنا
جوهره.... أي هنا يله كوم
هو راح يغسل وانه نزلت جهزت الصينيه وداد تباوعلي بعين ونص وتشمر حجي وانه اخذتها وصعدت لكيت اصيل كاعد على التخم الموجود ب الغرفه
اصيل.... شنو اليوم ناكل ب الغرفه
جوهره.... كل يوم راح تاكل هنا يجيك الريوك لهنا وانه اجيبه بيدي
خليت الاكل كدامه صبيتله جاي وكلاص ماي
بعده ياكل
اصيل..... انتي هم تعاي اكلي
جوهره.... انت اكل اول
اصيل..... تعاي اكلي وياي انه ماعرف اكل وحدي
جوهره.... زين خل اجيب كلاص حتى اصب جاي
اصيل.... سحبتها من ايدها وكعدتها يمي هذا كلاصي موجود يوفي ب الغرض نشرب بي سوه
حتى يصير جاي وخبز
جوهره.... ههههه وين اكو هيج
اصيل.... كلش اكو من مسوي الاكل
جوهره.... ليش
اصيل.... اكل اميره اعرفه واعرف طعمه هذا غير
جوهره..... يعني منو الاطيب هذا لو اكل اميره
اصيل.... اكل اميره حلو بس هذا بي نكهه مختلفه حتى ترتيب الصينيه هم مختلف مع ماكو شي جديد يعني بس مادري اكو ختلاف
جوهره.... مومهم الاكله المهم لي يسويها
اصيل.... صح انتي سويتي
جوهره.... أي انه
اصيل.... عاشت ايدج
جوهره.... تسلم ربي يخليك
تريكت ولخلصت لكيت جوهره محضره ملابسي والحمام
بدلت لكيتها واكفه تنتضرني
اصيل.... شكو شبيج
جوهره.... ماكو شي بس تتعود كل يوم انه موجوده بكل تفاصيلك
اصيل.... يعني
جوهره..... يعني ملابسك عطرك محبسك ساعتك حتى جواربك وحذائك انه وانت نختارهم سوه
اصيل.... زين اذا عجبني شي وانتي عجبج شي ثاني
شلون.
جوهره..... تلبس لختاره انه
اصيل.... هااا
جوهره.... اي
اصيل..... تالي عمري مره تمشيني على ذوقها
جوهره.... تصحيح مرتك مو أي مره انه جوهره مرت الشيخ اصيل يعني مو اي وحده
اصيل.... والنعم
جوهره.... والنعم منك شيخ تعال لا تتأخر
اصيل.... ضلت طلعلي كلشي وانه صافن عدها اسلوب وطريقة كلام تخليك تسمع كلامها
صح نرجس الله يرحمها جانت حنونه وطيبه وتهتم بيه وبلكل بس جوهره اسلوبها غير غصب عنك تشدك
جوهره..... هذا العطر وهيج تمام برفكت
اصيل.... هاا هسه اطلع لو هم اكو اشكال
جوهره.... ليش منو يكدار يمنعك انت الشيخ اصيل
على سن ورمح محد يكدار يكولك لا الرئي رائيك و
الشور شورك
اصيل.... انتي ترفعين وتكبسين
جوهره.....هههههه
طلعت رحت الشغل وبقيت اليوم كله هناك جان عندي بضاعه وامور اصفيهن
جوهره..... بعد ماطلع اصيل رحت كعدت مهره وريكتها وخليتها تسبح وبدلت وبقينه نسولف ونلعب
وهم تراويني رسماتها مهره تحب الرسم واذا كبرت وطورت مهاراتها راح تكون رسامه ناجحه
صار ليل اجه اصيل
جوهره..... الحمد الله على سلامه تأخرت
اصيل.... الله يسلمج عندي بضاعه جديده وجردتها وسوالف
جوهره.... ضال بالي عليك يله روح اسبح بين مااجيب الاكل
اصيل.... اكلت وياه العمال بس اريد كلاص ماي وحبايه وجه راس لان راسي فد مره
جوهره من عيوني
نطيته المنشفه ودخل الحمام وحضرت ملابسه ورحت اشوف مهره اذا نامت وبعدين نزلت المطبخ
اضلم فتحت الضوه وانه شفته كدامي من الخوف صرخت صوت اصييللللل
اصيل.... طلعت من الحمام ردت اتمدد على جربايه
لان كلش تعبان وسمعت صوت جوهره تصيح بسمي
يتبع......