يَا لَيْلَتِي

Part 10

زينب بنفس النبره الهادئه

- كله خير ان شاء الله يا حبيبتي بس كنت عيزاكي في موضوع كده

اعتماد بنفس النظره

- خير اللهم اجعله خير ياختي ايه اللي جرا ؟

زينب بنبرتها الهادئه

- كنت عايزه حضرتك في كلمتين بخصوص الموضوع بتاع ابن حضرتك محمد و بنتي علياء

تسللت ملامح الريبه و القلق الي وجه اعتماد تظن انها سترفض و لكن اذا رفضت كيف تأخذ ورثهم ؟

حاوت التماسك و تكلمت بنبرتها المريبة

- ارغي يا ختي اما نشوف

- طبعا انا و حضرتك و الكل عارفين ان علياء مش شايفه ابن حضرتك غير زي اخوها و ده شرف ليا و ليها ان محمد يبقى اخوها و يخاف على مصلحتها بس علياء مش عايزه محمد يبقى زوج ليها اللي هتكمل معاه حياتها و طبعا احنا عارفين ان الجواز ما بينفعش الا بموافقة الطرفين و علياء مش موافقه مع ان محمد شاب كل البنات تتمنى نظره منه ليهم بس علياء مش شايفه ولا هنشوفه الا اخوها و انا ما ينفعش اغصب على بنتي حاجه و طبعا حضرتك عارفه انها لسه لحد دلوقتي مش قادره تستوعب موت ابوها عشان حضرتك عارفه هو كان بالنسبه ليها ايه و علياء بنتي مش مستعده لاي ارتباط دلوقتي خالص و انا كلامي مش قصدي ان محمد واحد وحش و لا انا مش مستريحاله لا محمد راجل يعتمد عليه و اقدر اطمن على بنتي و هي معاه و انا من وجهة نظري ان هما لو اتجوزوا العلاقه ما بينهم هتبقى مش احسن حاجه و ممكن يحصل طلاق و انا بنتي بتنجرح من العلاقات اللي بتفشل فيها و طبعا انا و حضرتك عارفين ان المجتمع ده مش بيرحم و انا مش هقبل على بنتي ان الناس تتكلم عليها و بطريقه وحشه فبعد اذن حضرتك ممكن تقولي لابنك محمد ان يدور على واحده غير بنتي و صدقيني انه هيلاقي بسرعه عشان ابن حضرتك اي بنت تتمناه ده الكلام اللي كنت عايزه اقوله لحضرتك

حاولت اعتماد ان تخترع اي خطأ في كلام زينب لكنها لم تجد و تكلمت من دون وعي

- بس الورث.....

حاولت ان تهرب من هذا الموقف المحرج الذي وقعت فيه

- آه معلش أقصد ان محمد حابب علياء زوجه ليه و هو يا قلب امه كل يوم يقولي يا أما خليها توافق يا أما انا بحبها يا أما عايزها ام عيالي يا أما جوزهالي يا أما مش هزعلها يا أما و نبي يا أما واحنا عندنا في البلد ان الاختيار للراجل مش للبت الراجل يقول دي البت توافق و ستين جزمه في بقها و ابني عايزها و شاور عليها يبقي توافق و الجزمه في بقها و الكلام اللي انتي قولتيه مايمشيش مع سلو عليتنا و مش هيدخل دماغ الحاج صابر و مش هيقنعه فليِّني دماغ بنتك بقي يا حاجه زينب و الموضوع ده اتقفل و مافيش فيه كلام تاني