-ايوه يا مريم انا جاى اهو العربيه بس عطلت منى وعلى ما ظبطها متخفيش مينفعش افطر اول يوم رمضان من غيرك انتى وموسى
-عموما يا ستى لو اتأخرت عليكم والمغرب اذن إشربى انتى وموسى اى عصير على ما اجى وانا كمان اشرب عصير او اى حاجه اكسر بيه صيامى على ما نتقابل
- لا اله الا الله المغرب إذن وانا لسه بره هشوف الست إلى قعده بفرشه ديه اشترى منه اى حاجه اكسر بيه صيامى على ما اروح لاخواتى
*احب الأول اعرفكم على أبطالنا
*هيبه منصور هيبه راجل صعيدى يبلغ من العمر ٢٥ عام حاصل على الثانويه العامه ولكنه لم يستطيع الالتحاق بالكليه ابن عائله كبيره وعريقه انتقل هو وأخواته موسى طالب فى الصف الاول الاعدادى ومريم طالبه فى الصف الثالث الابتدائى إلى القاهره بعد حادث موت ابيه نتيجه الثأر وبرغم من غنى عائلته رفض اى مساعده من جده وبدأ مشروع خاص بيه فى القاهره هو ومجموعه من أصدقائه ونجح فى تأسيس شركه الاستيراد والتصدير وشركات مقاولات ويسعى هو وأصدقائه إلى توسيع مشروعاتهم
نرجع بقى لقصتنا
- السلام عليكم
= وعليكم السلام اتفضل يا بيه أمر
- الامر لله وحده معلشى مخدتش بالى انك قعده بخضار انا كنت بحسبك قعده باى حاجه تتاكل اكسر بيه صيامى معرفش ازاى مخدتش بالى شكل الصوم اثر عليا عموما شكرا
= والله ما يحصل اقعد افطر معايا انا وعيالى
- شكرا ليكى انا هروح افطر مع اخواتى
=شكلك كده قرفان مننا والله يا باشا انا نضيفه واكلى مفيهوش لحمه او فراخ بس طعمه عمرك ما هتنسا بالله عليك اركن عربيتك ومتكسفش ايدى ومتحرمنيش من الثواب
- حاضر يا ستى عربيتى ركنتها اهى
وبالفعل ركن هيبة عربيته و اقعد مع الست على الرصيف فى الشارع هى مكنش سنه كبير بس باين عليه التعب والشقى والإرهاق من الحمل إلى كان باين عليها انها فى آخره وانضم ليهم عياله الثلاثه ولد باين عليه أن قد موسى فى العمر وعرف ان اسمه احمد وبنتين واحده تقريبا قد مريم وعرف ان اسمه خديجة والتانيه أصغر شويه وديه اسمها عائشه
وبدوا الاكل والست غرفت ليهم سبانخ ورز وبرغم أن هيبة عمره ما اكل السبانخ ولا بيحبه الا انه مرداش يكسفه واكل معاهم وحقيقى زى ما الست قالت ان اكله حلو اوى وعمره ما هينسى طعمه ولم جه يعرض عليها فلوس
= يعنى يا بيه انت عايز تتدينى حق افطار صائم وتحرمنى من الثواب
- لا والله ديه حاجه بسيطه اعتبريه هديه للاولاد
= لا يا بيه شكرا انا مش عايزه منك حاجه غير انك تدعلى
- ربنا يصلح حالك ويوسع رزقك وعموما انا عمرى ما انسى جميلك عليا وان شاء الله ربنا يقدرني واردوهلك
وتحرك هيبة بعربيته وهو حد مش عارف اسم الست ديه ايه ووصل لفيلته إلى جده صمم أنهم يقعدوا فيه اول ما يوصلوا هو وأخواته القاهره وده كان شرط جده علشان يسمحلوا أن ياخد اخواته معاه ويكون مسئول عنهم وبعت معهم واحده من الشغالين عندهم اسمه عواطف وديه إلى كانت مسئوله عنهم
- السلام عليكم
= كده يا بيبو تتاخر علينا اول يوم فى رمضان
- معلشى يا مريومه غصب عنى والله عموما يا ستى يالا علشان نفطر مع بعض امال فين موسى
= انا اهو يا بيبو كده تتاخر علينا ده داده عواطف كان فاضل ليه شويه وتنزل تنادى فى الشارع
- لا يا سيدى وعلى ايه الفضايح انا جيت اهو يالا بقى علشان ناكل
وبالفعل جلسوا جميعا على مائده واحده وتناولوا الافطار الا هيبة إلى كان حاسس انه شبعان جدا وطعم السبانخ لسه كان حاسس بيه
وبعد مرور عده ايام بروتينه المعتاد ما بين ذهاب هيبة إلى شركته ومقابلات أصدقاء وقضاء بعض الوقت مع اخواته إلى بيعتبروا فى مكانه ابوهم
وفى أحد الأيام وفى احد المواقع إلى بيتم فيه إنشاء عقار تحت رعاية شركه هيبة سقط أحد العمال وتم نقله الى أحد المستشفيات الحكومية
وفور علم هيبة بما حدث ذهب مسرعا إلى المستشفى هو وصديقه آدم لنقل العامل إلى مستشفى خاص أخرى على حسابه الشخصى ويتلقى العامل العنايه اللازمه
= تمام كده يا هيبة العامل هيتنقل فى الإسعاف للمستشفى والحمد الله أن الإصابات خفيفه
- الحمد لله انا مش عارف لو كان العامل ده جراله حاجه كنت اسامح نفسى ازاى
وأثناء مروره لمح هيبة ٣ اطفال يجلسون فى ممر الانتظار تذكرهم هيبة على الفور فهم أولاد السيده التى تناول معهم الافطار منذ أيام
- بقولك ايه يا آدم اسبقنى انت على الشركه وانا هحصلك
= تمام بس متتاخرش عليا يا بيبو لسه فى ورق كتير عايز يتراجع
- تمام مش هتاخر أن شاء الله
وتوجه هيبة للاطفال على الفور وسلم عليهم
- ازيك يا احمد عامل ايه انت مش فاكرنى ولا ايه
= لا طبعا ازاى فاكر حضرتك إلى شرفتنا وفطرت معانا اول يوم رمضان انا الحمد لله تمام أخبار حضرتك انت ايه يارب تكون بخير
اعجب هيبة بشخصيه احمد الى برغم من صغر سنه الا انه كان محترم جدا وكلامه مرتب ومنظم
- انا الحمد لله المهم انت واخواتك بتعملوا ايه هنا
= لا مفيش ماما تعبت اوى وانا جبته المستشفى وهى دخلت عمليات وانا قعد مع اخواتى مستنى لم تطلع
- امال فين بابكم مش موجود معاكم هنا
= لا بابا مسافر مش موجود معانا
وهيبة حاله احساس فى الوقت ده أن احمد بيكتب بس مرداش يضغط عليه وسأله براحته
- طيب انا هستنا معاكم لحد ما مامتكم تطلع من العمليات
= شكرا جدا لحضرتك بس مفيش داعى أن حضرتك تعطل نفسك بسببنا هو الدكتور طمنا وقال ان ماما أن شآء آلله هتطلع قريب
- لا يا استاذ احمد لا عطله ولا حاجه انا هقعد معاكم لحد ما تطلع بالسلامه
وبعد مرور وقت احس هيبة بوجود حركه غريبه فى العمليات وتم استدعاء اكتر من دكتور
واخيرا خرج أحد الدكاتره من غرفة العمليات
=مين الى مع حاله الولاده الى جوه ديه
وعلى الفور تحرك هيبة واحمد إلى الدكتور
- معلشى حضرتك بتكلم على انهى حاله ولاده
= مفيش غير حاله واحده جوه حضرتك جوزها
- لا يا دكتور انا قريبهم
=طيب احنا محتاجين العلاج ده ضرورى من بره علشان مش متوفر فى المستشفى
- طيب يا دكتور طمنا على الحاله بعد إذنك
= الحاله ديه انا كنت مستلم من الطوارئ الحاله كانت جايه باين عليه آثار ضرب والضرب أدى إلى ولاده مبكره والمدام برده واضح ان مكنش فيه متابعه فى الحمل لأن الحاله عنده انيميا حاده وده سببله نزيف أثناء الولادة والطفله مولوده بعيوب خلقيه احنا حولنا نسيطر على الحاله ووقفنا النزيف و دلوقتى هى هتنحجز فى العنايه
- طيب يا دكتور هى لو محتاجه ننقله لمستشفى تانيه مفيش مشكله
= صدقنى يا استاذ هم مش بيعملوا حاجه ازيد من إلى احنا عملنا
- تمام شكرا جدا لحضرتك اقعد يا احمد مع اخواتى وانا جاى دلوقتى
وتوجه هيبة لأقرب صيدليه لإحضار العلاج المطلوب
وعندما عاد لم يجد احمد او اخواته فى مكانهم وذهب هيبة لفرد الأمن يسالهم عن الأطفال
-لو سمحت كان فى ٣ اطفال قعدين هنا متعرفش هما راحوا فين
ايوه يا باشا مامتهم فاقت فى العنايه وطلبت أنها تشوفهم
= استاذ هيبة
- اية يا احمد انتوا فين
= ماما فاقت من شويه وطلبت أنها تشوفنا ولم عرفت ان حضرتك موجود طلبت أنها تشوفك اتفضل معايا من هنا
وذهب هيبة معه ومجرد دخول العنايه انصطدم من إلى شافه
YOU ARE READING
هيبة
Romanceإن الله لايعطي أصعب المعارك إلا لأقوى جنوده..... فأبدع فى معركتك وإن الله لا يُنبت أجمل الثمار......إلا لغصنٍ قوي قادر على حمله ..وَظَــنَنْتُ أّنِي لَـنْ أطـِيق وَطِــقْت.... وَظَــنَنْتُ أنِي لَـنْ أطِـيب وَطِــبْت ..ما كنت تظنّه يومًا سوء حظّ...
