اغفري لي
(مشهد 1)
اااكفي ليلى ووج ااكفي مو جاي احجي
وياج
مادرت بال لصياحه ولا لغضبه باوعت ليوره
جاي عليه يمشي بسرعه والغضب
تارس ملامحه ويخزر بيه
من خوفي منه انثولت وومااحس غير رجلي
تلتوي بحفره واوكع على وجهي
عطت من الالم ايد شالتني
بخفه وصوته صاح
حيل وابو زايد بيج هاااي حوبتي بيج
اجعلج بالكسر الما دكومين منه
دفعته بغضب وصحت بي
عووفني لاتلزمني
رجعت ليوره ابجي من وجع رجلي هو تقدم
الغضب تارس ملامحه والقسوه بعيونه
رد بثقه
يولي اني شوكت مااريد اكضبج لان انتي حلالي
(مشهد 2)
كاعده بزوايه جسمي كله يرجف اسمع
صوت الجلاب تعوي بصوت زيد الرعب بگلبي
الي دكاته حسيتها بزردومي
تلمست شعري حجابي ماكو وحالي يبجي
الصخر فزيت من مكاني من باب انفتح بقوه
لزكت بالحايط وفكيت عيوني من
شفت رجال ضخم وملثم
طب عليه
ردت اصرخ
ماكو صوت عبالك واحد
لازم لساني تقدم عليه مشيت بصف الحايط
ابجي واشهك وكف وكال بصوت مخنوك
كله غضب
مو حمزه الي يلعب بعرضه والسواه اخوج
باختي راح اردها اله بيج
شهكت وصرخت مفجوعه
لاااااا
(مشهد 3)
وهاي الكهوه ست جنات حلوه مثل
ماطلبتي
ابتسمت لعم جمعه وجاوبته
تسلم عم والله مااعرف اشتغل اذا مااشرب
الكهوه مالتك
الف عافيه بنتي
ست دانيه شنوو الفلم تحتاجين بريد يله
تجين عليه
كمت من مكاني اني واسماء ولبنان من طب
استاذ ارشد علينا بزوبعه ومبين علي
عصبي جاوبته بهدؤ
شنو الموضوع استاذ
ضرب المكتب مالتي بفايل وصاح
الموضوع يااست جنات هوو شغلج هذا
الكله غلط بغلط
جاوبته بعصبيه
ااستاذ انت ليش كااعد تصيح تره اني مو طرشه
وكاعد اسمعك كلش زين
سكت وخزرني بعدين رد وره لحظه
اانتي حرامات بيج هذا المكان لان ابد مو كد هالمسؤوليه واني اعرف شلون اخليج ترجعين
للمكانج القديم الي هو اصلا جان
جثير عليج
(مشهد 4)
اشتغل بالمطبخ والحجيه تحجي وياي
ارتاحيت الها كلش وحسيت بيها وحيده وتريد
بس احد تحجي ويا ويسولف وياها
الباب انفتح طب ابنها وكف وباوع
عليه ارتبكت من شفت منه نفس النظرات والتركيز
امه حجت ودار وجهه مني
هلا مهيب هلا يمه
ملامح وجهه تغيرت وراح الها باس راسها
وايدها حاولت انسحب من يمهم
وكفت من سمعته صاح
ااوكفي
وكفت بمكاني انداريت گلبي راد يوكف من
شفته اجه باتجاهي سأل بصوت
يخوف وعيونه بعيوني
كلتي انتي من بغداد موو
مساء الخير والعافيه
هذه مشاهد من قصه اغفري لي والي راح
تكون فيها عده ابطال وكل واحد وقصته
وان شاء الله النشر راح يكون عن قريب جدا
احفظوها عدكم حتى يوصلكم
اشعار النشر
تحياتي لكم
اوتار حزينة
