Chains of Hearts /قيـــــــــد القلـــــــــوب

1

البارت الأول

'' قيـــــــــد القلـــــــــوب ❤️‍🔥 ''

______________

في واحدة الزاوية من الديورة لي فالدوار ، كان الصمت هو اللي كيسيطر على الجو. الشمس كانت شارقة، والشعاع ديالها دخل من بين الفراغات اللي فالسقف، كيحاول يسرق حبة ضوء فالغرفة المظلمة. الدار كانت صغيرة، جدرانها كلها طين وسقفها من القصدير كل حاجة فيها كانت كتوحي للفقر . عائلة كانت عايشة وسط هاد الفوضى، وبينها كانت هي الضحية الكبرى.

من اللحظة اللي فاق فيها الصباح، لورين كانت دير كل شيء على عاتقها. فطور، شقى ، وغسيل. لكن رغم كل الجهد اللي كتدير، ما كانتش كتلقى حتى كلمة شكر. مرت باها نادية، كانت ديما كتحكرها، وكتبقى تضغط عليها.

دخلت نادية ، وجهها معبأ بالغضب : واش درتي الفطور
قالتها بصوت حاد وكأن لورين كانت مقصرّة.
لورين، المرهقة من التعب، غير هزّت راسها وقالت بصوت منخفض: اه وجدتو

من بعد، مرت باها دارت عينيها على الماكلة وحركت رأسها بعدم رضى : ماشي هاديك الكمية اللي بغيتها، درتيها ناقصة.

ولورين ما كانتش قادرة تجاوب. كل لحظة كانت كتحس فيها بأن وجودها في هاد الدار ما عندوش قيمة. مرت باها كانت تقابلها بأعين مملوءة بالبرودة، وكأن لورين ما هي إلا خادمة.

محمد، باها، كان جالس فزاوية أخرى ديال البيت، ما كيّدير والو. كان كيعرف المدى اللي كتوصله قسوة نادية على لورين، ولكن ما كانش قادر يدير شيء. ما كانش عنده القوة باش يتحدى نادية ولا باش يوقف فطريقها. فقط كان كيبقى ساكت، كيشوف كل شيء من بعيد، وما عنده ما يقدر يعمل.

ليلى، خت لورين، دخلت للدار و ضحكات بوجه بشوش وبقلب غير مكترث. كانت لابسة لباس جميل، شعرها مرتب، وحياة ماشي بحال حياة لورين. كانت كتعيش بعيد عن تعب الدار، مشغولة فقط بدراستها وبالمرح ديال حياتها.

ليلى : فينك؟ الفطور وجدتيه
سولات ليلى، وكانت كتهز كتافها، كأن ما كيدير حتى أهمية لتعب لورين.

لورن قالت لها بصوت هادئ: اه، وجدتو

ليلى ابتسمت بابتسامة باردة وقالت : مزيان، ماعنديش وقت نوقف هنا. خصني نمشي دبا تعطلت على الطوبيس دبا يمشي عليا ويخرجوني من القرايا وديك ساعات نجي نكلس حداك فالركنة
قالت كلامها و من بعد، خرجت دون حتى ما تدير انتباه للورين، اللي بقات كتشوف فيها بحزن، وكان قلبها مشغول بالهم.

ورغم المحاولة ديال لورين باش تكون قوية وتواجه المصير ديالها، الواقع كان قاسي بزاف. كانت كتحاول تدير كل شيء فصمت، وتستمر في خدمة هاد العائلة اللي ما كتعطيهاش قيمة.