لعلها المُنجيـة❤️

غفلة!.

#اسكريبت
اذكروني ووالديَّ في دُعائكم فضلاً

ناريمان بفرحة: يا يامامااا رمضان بكره
الأم بسعادة:الحمد لله ياربّ كل سنة وأنتِ طيبة
ناريمان بحماس: وإنتِ طيبة يا قلبي يلا بقى عشان نجيب خزين رمضان ياحجة
الأم بضحك: بعد التراويح ياهبله الوقت هيبقي سهره نجيب كلو ونرجع
ناريمان بنفس الحماس:اشطا هقوم البس عشان أروح أصلي

دخلت ناريمان أوضتها وقعدت علي السرير ودمعت للسنة التي لا تعلم عددها ابوها مش موجود علي الرغم إنه عايش وأخواتها في وادي تاني

ناريمان بدموع:ياريتك كنت أبويا الي بتمناه ياريتك ما سيبتنا اتجوزت وخلفت ونسيتنا مش عارفه اعمل معاك إيه ابرك إزاي وأنا مش قادرة افتكر ليك ذكري واحده حلوه بعدت عننا وخلتنا كلنا نشتغل من صغرنا عشان نصرف علي نفسنا اتبريت مننا واخويا الصغير ده الي أنا مش قادرة عليه ولا أمي كمان الله يسامحك الله يسامحك

جهزت ناريمان وراحت صلت وجابت الحاجه لرمضان مع أمها

ناريمان بحزن:كلمي ياماما كريم قوليله يصوم السنة دي كريم كبر وبيتحاسب ياماما وهتتحاسبي عليه إنتِ وبابا
الأم:قولتله كتير وبقوله ومش هقدر عليه

كريم دخل عليهم:فيه أكل أنا جعان
ناريمان:هسخن ليك يا حبيبي كل سنة وانت طيب يا كيمو رمضان بكرة
كريم بلا مبالاة:وأنتِ طيبة عقبال ما تسخني هاتي الطفاية أشرب السيجارة دي
ناريمان بعتاب: كفاية يا كريم شرب اخوك اخر مره شافك و
ضربك يا حبيبي مش صحيه ليك كمان إنت لسه صغير
كريم بزعيق: أنتِ مالك أنتِ وهو محدش ليه كلمه عليَّ أنا هنا الي بشتغل وبصرف علي نفسي محدش ليه حاجة عندي ويلا عشان عندي وردية الفجر عشان الحق أنام
ناريمان بهدوء:طب مش هتصوم طيب؟
كريم بلا مبالاة:لاء مش هقدر أنا بسوق وببقي مصدع وبحتاج شاي وسجاير
ناريمان بدموع:طيب صليت طيب؟
كريم:ملكيش دعوة سخني الأكل من سُكات

دخلت ناريمان وهي بتدعي لاخوها بالهداية وبتعيط

عدي أول أربع أيام من رمضان والحال زي ما هو الام بتصوم والاخت وكريم لاء
في يوم وكريم نايم حلم ب حلم مُرعب وقام مفزوع

كريم وهو بينهج: إيه الحلم ده لاء لاء

كريم:أماا ينفع أنام معاكِ
الأم:فيه إيه يا كريم
كريم بفزع:شوفت حلم وحش اوي ياما وخايف
الأم:حلم إيه يا حبيبي
كريم:حلمت اني في الورديه بتاعتي عادي وراكب الاتوبيس وبسوق وجت عربيه خبطتني والاتوبيس لزق في بعضه وانا في النص والدريكسيون دخل في بطني طلعت بطني كلها وجسمي كله كان دم ومُت
الأم:بسم الله الرحمن الرحيم تعالي يا حبيبي ده كابوس بس تعالي

ناريمان تاني يوم: الله الله مروحتش الشغل ليه يا كيمو
كريم:مرهق بس عادي
ناريمان:الف سلامه يا حبيبي
كريم : قومي اعملي لي أكل وشاي
ناريمان: احنا الصبح وفي رمضان مش هساعدك في حاجة زي دي واعملك فطار في نهار رمضان
الأم: اوعي يختي أنا هعمله هتدينا مُحاضره