مـن كـل حـكـايـه حـبـنـا الأجـمـل

الـبـارت الأول: حـكـايـات بـيـن الأهـل

تعرفوا على الشخصيات:
عايلة عبدالعزيز
أم عبدالعزيز: اسمها مريم
أبو عبدالعزيز: اسمه راشد
حصة: كبيرة العايلة، متخرجة من الجامعة
عبدالعزيز: أكبر أخوانه، طالب جامعي
موزة: الوسطانية، طالبة جامعية 
عبدالله: الوسطاني، متخرج من الثانوية العامة
محمد: الصغير ولكن فيه أصغر منه
دانه: أصغر البنات
غيث: آخر العنقود
......................................................................................................................
عايلة عبدالله
أم عبدالله: اسمها آمنة، كبيرة عايلة، أخت مريم اللي هي أم عبدالعزيز
أبو عبدالله: اسمه محمد
عبدالله: كبير العايلة، متزوج من بنت عمه، عنده أربع أولاد و بنت، زايد - عبيد - ريم - مايد - محمد
موزة: أخت سارة الكبيرة، متزوجة، عندها ثلاث بنات و ولد، شمسه - شما - شيخة - ذياب
غاية: متزوجة، عندها توأم بنات و ولد، ريان و روان - محمد
علي: ما متزوج، دكتور اللغة العربية بالجامعة
حمد: متزوج من دكتورة، عنده ثلاث توأم أولاد، محمد و مايد و منصور
ميرة: متزوجة، عندها بنت و ولد، آمنة و محمد
راشد: ما متزوج، يدرس برع الدولة 
عمر: كان متزوج وطلق، عنده بنت، عليا
سارة و سيف: آخر العناقيد، توأم، طلاب بالجامعة

عند عايلة عبدالعزيز
عبدالعزيز: يالله أنا طالع
أم عبدالعزيز ترفع رأسها بسرعه: على وين؟
حصة: وين يعني؟، يا كافيهات يا الجم، مافي غيرهم
عبدالعزيز بابتسامة نصها جاد ونصها مزح: محد يفهمني غيرج
حصة تضحك: افا عليك
أم عبدالعزيز: انزين متى بترجع؟
عبدالعزيز: ما ادري والله، احتمال اتأخر... ليش؟
أم عبدالعزيز: أبيك توديني العرس عقب، تعرف سيارتي بعدها بالوكالة
عبدالعزيز: هاذي السيارة واقفه، حصوه روحي غرفتي فوق الطاولة بتحصلين السويج
حصة ترفع حاجبها: لحظه لحظه... أنت ويه منو بتطلع؟
عبدالعزيز: ويا عبدالله
أم عبدالعزيز: تستهبل؟ تعرف أنا ما أسوق سيارتك
عبدالعزيز: انزين حصوه موجودة هي اللي بتوديج
حصة بسرعه: يالله قومي تجهزي، ومن يأذن العشا بنصلي وبنطلع
أم عبدالعزيز: تستهبل!
عبدالعزيز يضحك: هاذي حصوه ما عندها مانع قومي تجهزي
حصة: أمزح أمزح لا يكون صدقت؟، ما أسوق سيارتك إلا أنت وياي... وبعد بليل؟ لاااا
عبدالعزيز: إذا غيرتوا رأيكم، السيارة موجودة وتعرفون وين السويج
أم عبدالعزيز: برمس خالتك آمنة تمر علينا
عبدالعزيز: ما شاء الله عليج على طول تلقين حلول
أم عبدالعزيز: ما أنت مو فاضي لنا، وينه ربيعك؟ ما تأخر؟
عبدالعزيز: خذتنا السوالف، عبدالله يتصل.... يالله أنا رايح
حصة: عزوز ما عنده شغله غير طلعات، فديته... ايب لي ماتشا
أم عبدالعزيز تهز رأسها: هالولد، كل ما تقولين له ودنا مكان، يقول لج "السويج فوق الطاولة وهاذي السيارة موجودة"
حصة تضحك: ما تعرفين ولدج، حتى يوم ابي يوديني مكان، أول شي يسويه يسير يقعد ويترياني عشان أسوق ولا ما يوديني! تهديد!
أم عبدالعزيز: كفو عليه، عشان ما تنسين السواقة... لانج ما تبين تسوقين سيارتي
حصة: صح كلامج، بس سيارتج كبيرة! وهذا ما يعني أنج ما تفضلين أخواني الأولاد علينا نحن المساكين
أم عبدالعزيز: أشوفكم بعين وحده
حصة تضحك: اونج صرتي يدو موزة، تشوفينا "عين وحده"!
أم عبدالعزيز: أطبق عليكم مثل ما أمي تطبق علينا
حصة: انزين ماما، ما راح تتصلين لخالو؟
أم عبدالعزيز: اوه زين ذكرتيني! خذتنا السوالف، وين تلفوني؟ ايبيه
حصة: وين تحطين تلفونج؟... لحظة! لقيته اتصل لها؟
أم عبدالعزيز: اتصلي، وعطيني

أول مره اكتب روايه وإذا في أخطأ سامحوني عليها واتقبل أي تعليق من الجميع