صباح يوم مشمس، ولكن الأجواء داخل غرفة نوم رونق توحى بغير ذلك.
حيث استيقظت على رسالة نصية من سيف، تفاجأت بمحتواها وهو قراره بإنهاء العلاقة مجددًا.
رونق بصوت مرتجف داخل رأسها: "ازاى قدر يعمل كده تاني؟ بعد كل اللي وعدني بيه؟ مش كان بيقول أنه قراره بالانفصال اول مره غباء منه وأنه مستحيل يقدر يعيش من غيرى ؟! مش قال إننا روح واحده فجسدين مينفعش يكونوا بعيد عن بعض !! هو مش قالى أنه ممكن يموت من غيرى لو مرجعتلهوش ؟! ازاى بيقولى أنه بينفصل عنى وخطوبتنا اتفسخت وهيجى بكره ينهى كل حاجه مع والدى !!!"
بعد عدة ساعات من الصدمة. وبداخل غرفة المعيشة. رونق تجلس وتنتظر أخيها براق .
يدخل براق الغرفة، ليجد رونق تجلس على الأريكة، عيناها حمراوان من البكاء.
براق: رونق، حبيبتي، في إيه؟ مالك صوتك مكنش عاجبنى ف التليفون وليه كل العياط ده؟
رونق بصوت خافت: سيف.. سابني تاني ؛ انت متخيل بعد إلى عمله عشان يرجعلى سابنى تانى والمره دى هيجى بكره ينهى مع بابا بجد.
براق باندهاش وصوت عالى غير مقصود: إيه؟! اتجنن ده ولا ايه ؟! بس.. هو مش كان مبسوط معاكي؟ مش ده إلى باس الايادى عشان نصالحك وتوافقى ترجعى ؟!
رونق بمرارة وعلو صوتها بالبكاء: أنا اللي مش فاهمة حاجة. كل حاجة كانت ماشية كويس، وبعدين فجأة بيقول إنه مش قادر يكمل؛ انى منفعهوش ومش هيقدر يكمل معايا وأنه الاحسن كل واحد يشوف حياته بعيد عن التانى.
ناجي (يدخل الغرفة): في إيه يا ولاد؟ صوتكم عالي كده ليه؟
رونق بدموع: سيف سابني يا بابا تانى والمره دى هيجى يقابلك بكره عشان ينهى كل حاجه .ثم تنهار من البكاء ويأخذها براق بين أحضانه وهو مستشيط غضبا من سيف.
ينظر ناجي إلى رونق بحزن، ويجلس ناجي بجوار رونق.
ناجي: يا بنتي، الحياة مش كلها ورد. هتتعبي شوية، بس هتعدي هو ميستاهلش دموعك دى إلى يسيبك هو الخسران وبعدين ف بنوته اسمها رونق يعنى الحسن والإشراق والبهاء وتسمح لحيوان يخلي إشراقها ده ينطفى وتعيط كدة.
رونق مقاطعه والدها: مش فاهمة، أنا عملت إيه غلط؟كان عاوزنى اتعلق بيه ويسيبنى عاوز يكسرنى ؛ كان بيتمنى الرضا ليا دلوقتى بيسيبنى عادى وبسهوله اوى كدة وبدون اى مبررات.
ناجي بحكمة: يا حبيبتي، الحب مش معادلة رياضية. أحيانًا بيبقى فيه حاجات مش مفهومة بس بتبقى هى دى الخير إلى ربنا كاتبهولنا.
*تدخل عفت وتقول: مالك يا روحى مين زعلك ؟!.
رونق: ماما، أنا مش عارفة أعمل إيه؟! سيف سابنى تانى وللابد.
عفت بلهجة حازمة: يا بنتي، الراجل بيحبك تلاقيها لحظه شيطان وتلاقيكى عصبتيه ولا حاجه.
نظر براق بغضب لوالدته وكلامها الذى لا يناسب الموقف وانفجر ناجى فى عفت : انت بتقولى ايه ده لو جابلى تقلها دهب وباس ايدى ورجلى مش هترجعله تانى إلى يكسر قلب بنتى اكسر عضمه وانتى يا رونق يا بنتى قومى اغسلى وشك واتوضى وصدقينى ربنا عملك الى فيه الخير وخلصى صلاه والبسى. ثم توجه بنظره ل براق وقال له : وانت انزل سخن العربيه عشان هاخد اختك ونتمشى شوية .
وترك عفت تتحدث الى نفسها من عدم اقتناعها مما يفعله زوجها ولكنها لا تستطيع أن تنطق بكلمه أخرى .
تجهزت رونق ولكن عيناها كالدماء من كثرة البكاء اخذها والدها وذهبا معا الى مكان هادئ تشعر فيه دائما رونق بالراحه .
ويأخذها ناجى بين زراعيه دون أن يتلفظ بكلمه لتخرج مشاعرها دون ضغوط من والدتها لتنهار رونق في أحضان والدها، دموعها تسيل بحرًا. تشعر بأن العالم قد انقلب رأسًا على عقب، وأنها لا تستطيع مواجهة المستقبل. ولكن بعد فتره من البكاء بدأت وسط كل هذا الألم، ان تشعر أن كلام والدها صحيح وأنه ربما يكون هذا الخير . تتذكر كلام والدها الحكيم، وتدرك أن الحياة تستمر، وأنها ستجد قوتها للنهوض من جديد. تنظر إلى السماء، وتتوسل إلى الله أن يعطيها الصبر والقوة لتجاوز هذه المحنة.
هل ستستطيع رونق تجاوز هذه الصدمة؟
ما هي العواقب التي ستواجه سيف بعدما كسر قلب رونق؟
هل ستظهر شخصية جديدة تلعب دورًا مهمًا في حياة رونق؟
هل ستكتشف رونق حقيقة ما حدث؟
انتظروا الفصل الثانى من #رونق
