قلب يخشى الحب

PART♡20

مريم(جبدات صابونة و مداتها ليه): هاك حل سريع و فعال.

أنور(ضرب ليها يديها حتى طاحت الصابونة): راه غادي نضرب حسك

مريم: وا انا غير عطيتك حل وااه

أنور بدا كي قرب ليها حتى حط ثقلو عليها و رجعات باللور متكية على ظهرها، طلع فوقها و بقا كي بوس فيها و فنفس الوقت دخل يديه تحت التيشيرت لي لابسة و بقا كي هر فيها، و هي كاتنتر ليه و طرطا فبلاصتها، مي..تة بالضحك حتى عينيها دمعو.

أنور: أنا تعطيني صابونة نقضي بيها غرض؟

مريم: خخهخهخخخ صافي صافي و الله حتى غير كانضحك معاك

أنور (طلق منها و تكا حداها): ما تبقايش تخافي مني ا مريم و أي حاجة كيف ما كانت بغيتك تقوليها ليا

مريم(حركات ليه راسها): واخا

أنور(كي لعب بشعرها):فيك النعاس؟

مريم: لا فيا الجوع

أنور: يالاه ضربتي 3 لبيتزات

مريم: أه و لكن مع الخلعة مشاو

انور: مشاو؟ اوا أش غادي نقوليك

مريم(تكات على كرشها و شافت فيه): بغيتك تطيب ليا

أنور: شنو بغيتي نطيب ليك

مريم: لي پات

أنور: امم واخا

مريم: و لكن ب صوص بلونش

أنور: واخا الالة

مريم: يالاه نوض

أنور: يالاه معايا

مريم: يالاه

هبطو بجوج للكوزينة و مشات مريم جلسات فوق البوطاجي في حين أنور كي جبد داكشي لي غادي يحتاج و بدا كي قاد فلي پاط، اما مريم كانت جالسة مقابلاه.

أنور(شافيها): دابا نتي ما كاتعرفيش طيبي و ماناوياش تعلمي؟

مريم: لا شكون قاليك ماناوياش

أنور: يالاه اجي حدايا و تعلمي

مريم: اوا صافي حتى لي پات نتعلم ليهم، راه ساهلين و ديجا كانعرف نقادهم