نورى 💗

💕part 20💕

احمد: بقولك هتنزليه يعنى هتنزليه

رانيا: و انا بقولك مش هنزله يا احمد و لو عاوز تطلقنى معنديش مشكلة

احمد: ماشى يا رانيا انتى طالق و المؤخر هديهولك

رانيا بصدمة و عياط: مش عايزة منك حاجة اخرج برة اخرج

احمد خرج من اوضتها و طلع اوضته و هى فضلت تعيط بحرقة ... هو فعلا طلقها خلاص؟ طب ازاى؟ و حلفت انها عمرها ما هتقعد معاه فى الفيلا ده تانى و هتمشى منها
و فعلا بدإت تلم حاجتها و مشيت خالص بعد ما قالت للحراس ان احمد طردها ( طبعا بتكدب عشان تعرف تخرج )

<"Back">

والدة ملك بعياط: و بعد كدة فضلت الف فى الشوارع و الحمدلله ربنا سترها معايا و جه عليا الصبح و انا كنت كويسة و محصليش حاجة من اى حد لحد ما بعت شوية دهب كانوا معايا و اجرت شقة و نزلت اشتغل عشان اعرف اعيش و بعد كدة الراجل اللى كان فى الشقة اللى قصادى حبنى و طلب منى اتجوزه و انا قلتله على كل حكايتى بصراحة و هو قاللى انه معندوش مشكلة يبقى عنده ابن مش ابنه او بنت مش بنته و انه هيربيه زى ابنه او بنته تمام لحد ما جبتك يا ملك و بكدة شهور العدة بتاعتى خلصت و اتجوزت محمد و كتبتك كمان ب اسمه و كان شغال موظف و بعد حوالى شهرين من ولادتك مات و اخوه اتكفل بينا و كان عارف عنى بردوا كل حاجة بس ميعرفش طبعا انا كنت متجوزة مين بالزبط و بعد كدة نقلنا فى حتة تانية و بقينا فى العمارة اللى احنا قاعدين فيها دلوقتى

والد سيف: و انا اكمل الباقى من ساعة ما طلعت الاوضة

<"flash back ">

اما هو طلع اوضته و فضل يعيط هو طلقها عشان خايف عليها من اهله اللى لو عرفوا ممكن يقتلوها و يقتلوه لإنهم ميناسبهمش ان احمد الاسيوطى يتجوز خدامة و ممكن فعلا يقتلوها

والدة سيف و اللى كان اسمها رقية صحيت على صوت عياطه

رقية بقلق: فى ايه يا احمد بتعيط كدة ليه

احمد: انا غبى غبى ازاى عملت كدة ازاااااى

رقية: عملت ايه انا مش فاهمة فى ايه ما تفهمنى مالك بتعيط كدة ليه

احمد: انا هحكيلك على كل حاجة لإنى مش قادر اكتم اكتر من كدة

احمد حكالها على كل حاجة

رقية بحزن: انا مش هلومك انت ازاى اتجوزت عليا و الكلام ده لإنك كدة او كدة متجوزنى غصب عنك لإرادة اهلك و انا عارفة لكن اللى هلومك فيه هو انك طلقتها و ده مينفعش انت كدة يعتبر دمرت حياتها يا احمد و كنت المفروض تقف قصاد اى حد عشانها طالما بتحبها

احمد بعياط: خلاص انا خلاص طلقتها

رقية: ردها يا احمد و اعلن جوازكم

احمد: ايه

رقية بابتسامة: ردها يا احمد انزلها و ردها و اقف قصاد اى مخلوق عشانها

احمد: ايوة انا فعلا هعمل كدة

احمد نزل يجرى على اوضة رانيا لكن لقاها مش موجودة

فضل يدور عليها فى الفيلا كلها ملقهاش لحد ما عرف من واحد من الحراس انها خرجت و فى ايدها شنطة هدومها و قالتلهم انه طردها

احمد طلع اوضته و فضل يعيط: خلااااص راحت منى خلاااص مشيت يا رقية مشيت

رقية: اهدى يا احمد مش كدة

احمد فضل يعيط و عدت الايام و كان بيفضل يدور عليها فى الشوارع على امل انه يلمحها لكن مفيش اى اثر

<"Back ">

ـــــــــــــــــــــــــــــــــــــــــــــــــــــــــــــــــــــــــــــــــــــــ
القصة خلاص فاضل عليها بارتين بس و تنتهى اتمنى تكونوا استمتعتم بيها و تكون عجبتكم 🥰

صلِّ على سيدنا محمد ﷺ 🤍