نورى 💗

💕part 20💕

والدة ملك قعدت على كرسى فى الجنينة و والد سيف قعد جمبها بصدمة و قال: رانيا 😳

والدة ملك بصتله و ابتسمت بحزن و قالت: ايوة رانيا يا احمد ... رانيا اللى اتخليت عنها و مرضتش تخليها تخلف و كنت عايزها تنزل بنتها اللى فى بطنها ...  رانيا اللى مهانش عليك تدور عليها  ...  رانيا حبيبتك و مراتك ... ايه نسيتنى يا احمد باشا

والد سيف بصدمة: انتى ... انتى ايه اللى بتقوليه ده ... انتى جبتى بنت  ... انا مش فاهم انتى بتعملى ايه اصلا جوة و كنتى واقفة معاهم بصفتك ايه

والدة ملك: بصفتى مامة ملك مرات مازن ابن اخوك

والد سيف بصدمة: مامة ملك ... قصدك ان ملك تبقى بنتى 😳

والدة ملك: ايوة يا احمد باشا ملك تبقى بنتك فاكر لما قلتلك انى حامل قلتلى ايه فاكر ولا نسيت و طلقتنى بكل سهولة و لا كإنك كنت بتحبنى زى ما بتقول

والد سيف بعياط: صدقينى انا ندمت بعد اللى عملته والله و كنت عمال ادور عليكى فى كل مكان بس مكنش ليكى اثر  و كمان كنتى عايزانى اعمل ايه لو مكنتش طلقتك كانوا هيموتوكى 😭

والدة ملك: ملوش لزوم الكلام ده دلوقتى اهم حاجة مش عايزاك تعرف ملك بحاجة 😢

والد سيف : انتى بتقولى ايه يا رانيا ملك بنتى و حتة منى لازم اقوللها 😳

قام وقف و هى وقفت بسرعة: لا يا احمد متقولش على حاجة ملك ممكن تكرهنى لو عرفت انى كنت مخبية عنها ان ليها اب كل ده و انها كانت عايشة فى كدبة 😧

والد سيف بعياط: لا انا لازم اقوللها لازم آخدها فى حضنى كفاية كل السنين اللى اتحرمت فيها منها و انا كل يوم بيعدى عليا بتعذب فيه و افضل افكر يا ترى انتى رحتى فين و يا ترى اللى كان فى بطنك بنت ولا ولد يا ترى عايش ولا ميت ... كفاية بقى وجع و حرقة قلب اكتر من كدة انا لازم اقولها لاااازم 😭

والد سيف دخل و قال بصوت عالى: ملك

خلى الكل انتبه

ملك باستغراب: ايوة يا عم احمد 😑

والد سيف بدموع: عم احمد ايه بس انتى تقوليلى يا بابا انا ابوكى يا ملك ابوكى 🥺

ملك: شكرا يا عم احمد بس انا متعودتش اقول كلمة بابا لحد انا عارفة انك معتبرنى زى بنتك و كدة عشان كدة بتقوللى اقولك كدة ... بس انا مش فاهمة هو حضرتك عايزنى فى ايه 😑

والد سيف بدموع: لا يا ملك يا بنتى انتى بنتى بجد من لحمى و من دمى انا ابوكى يا ملك ابوكى الحقيقى 🥺

الكل بصدمة ما عدا والدة سيف اللى كانت فهمت خلاص والد سيف يقصد ايه: ايييييه 😳

ملك بصت لمامتها و الدموع اتجمعت فى عينيها و قالت: الكلام ده صحيح يا ماما انا بنت عم احمد ازاى انا مش فاهمة و ماله بيتكلم بثقة كدة ليه كإنه متأكد انى فعلا بنته ما تقولى حاجة يا ماما انتى ساكتة ليه 🥺