# هجين
بدأت حكايتي لما كان عمري 8 سنين و حاليا أنا
مش موجوده في العالم دا كله أصلا
ما علينا و محدش يسألني بتكلم ازاي و بحكي ازاي
هتعرفوا بعدين
المهم أنا جدي رجل أعمال بس مش أي أعمال أعمال سفليه جن و شعوذه بالبلدي كدا عفركوش و العبط دا
جدي كان راجل اعوذ بالله منه كان مسخر جن يهودي عنده و عمل حاجات محرمه كتير كتير اوي مكنش يهمه غير الفلوس و علشان بابا يرتاح منه و من اللي بيعمله ساب البيت و البلد و سافر لمنطقه تانيه المهم اننا نبعد عنه
و هنا أنا اتولدت طفله غريبه شكلها غريب برده بس الي حد ما حلوه
من صفاتي أهلي عرفوا اني طفله (زهوري) و دا معناه ايه بقا اني اولا ليا بصيره زي ما بتقولوا مكشوف عني ضالحجاب بعرف اشوف الجن وصفات كتير غيرها
و علشان النوع دا من الاطفال مطلوبين جدا في عالم السحر أهلي قرروا يخفوني جو البيت مينفعش اطلع أبدا تقريبا عمري ما شوفت الشارع
أهلي خبوني لدرجه ان كل العيله كانول عارفين ان اهلي عندهم طفلين بس بس الحقيقه احنا تلت اطفال بنتين و ولد محدش كان عارف بوجودي غير اللي في بيتنا حتي جيرانا ميعرفوش اني اصلا موجوده .
المهم جه يوم و جدي جاي يزورنا و هنا كان الرعب الحقيقي اهلي خايفين و انا مش فاهمه في ايه
بابا طلب مني اقعد في اوضه في البدروم و جابلي تليفزيون و شبيبسي و كوكاكولا و مقمرشات و حاجات كتير جدا من الاكل و التسالي و قالي هچين ينفع تقعدي هنا من غير و لا حركه و لا جري اقعدي بس هنا النهارده بس و اوعدك هخرجك برا و هفسحك
انبسط اوي بكلام بابا ووفقت طبعا دي فرصه متترفضش
وافقت و فرحت جدا و دخلت الاوضه و لقيت بابا قفل الباب عليا و سمعت صوت قفل الباب و مايه بتترش و صوت بابا ظهر و قرأ علي الباب قرآن و بعدين قالي حبيبتي هچين استحملي النهارده بس و اوعدك اني هنفذ اللي قولتهولك متقلقيش
قولتله تمام و انا بتفرج علي التليفون اللي بابا ادهولي بعد ما اكتشف اني مينفعش اشغل التليفزيون علشان الصوت العالي قعدت مكاني العب و آكل
و سمعت بابا و هو بينبه علي اخواتي انهم مفيش غيرهم و حقيقي زعلت مكنتش فاهمه انه بيحميني من البشر و كل اللي هيحصلي بس شيطاني صورلي كل حاجه من وقت ما كنت صغيره لما كنت اعيط علشان اخرج و في الاخر مخرجش و يخدوا اخواتي اشمعنا انا يعني
سمعت في الوقت دا صوت فتح بوابه البيت وعرفت ان جدي و اهلي اللي عمري ما شوفتهم اصلا
المهم سبتني من دا كله و قررت اني هنزل الشارع بقا هلاقي طريقه اكيد
بصيت حواليا في الاوضه ادور علي شباك و بالفعل لقيت بس بعيد عليا جبت كام حاجه و الحمد لله وصلتله و نطيت منه للشارع و اااه من جمال الشارع ايه الشجر دا اول مره اشوف شجر حقيقي بدأت اسرح في الشارع و اتمشي
و في بيتنا محدش كان عارف اني خرجت اصلا و جدي كان قاعد معاهم بيتكلم و بيحكي عن بطولاته في عالم السحر و الشعوذه و انه مسخر يهود و استحمي باللبن في الحمام و عمل حاجات كتير وحشه و بيفتخر بيها لانه بقي من اكبر رجال الاعمال في السحر و الشعوذه وراجل ليه اسمه بقا اومال ايه
بابا كان مضايق من اللي بيقوله لاخواتي و هنا كانت الصدمه اخويا الكبير محمد قال لجدي انه عايز يتعلم السحر و يبقي خليفته و جدي وافق لان دا كان هدفه من الاول بس بابا اعترض و ماما زعقت لاخويا
و هنا جدي قال انه عايز يفتح مقبره و هياخد اخويا معاه يتعلم و بعد اعتراص ماما و بابا الكتير جدي برده خد اخويا محمد وروح بلدهم
و انا كنت رجعت البت بسلم لقيته مركون عن جدار جيرانا ودخلت تاني مكاني بعد ما انبهرت بالشوارع
و عند جدي كان وصل للمقبره هو و اخويا و شويه ناس و بدأو يعملوا الطقوس بس المقبره عليها حارس من ملوك الجان و لازم يتفتح بدم و مش اي دم لازم طفل زهوري
جدي مكنش عارف هيجيبه منين بس اخويا قاله انا عندي طريقه يا جدي اختي هچين
