نورى 💗

💕part 16💕

"فى الصالة "

سيف: الاتنين اتقمصوا و ناموا يلا بينا احنا بقى نجهز المفاجأة

مازن: اوكى يلا بينا بس هما فين

سيف: ورا الشاليه ب شوية

مازن: طب مجهز الورد

سيف: كله جاهز يلا

"بالليل "

سيف كان ماسك وردة فى ايده و بيمشيها على وش نور اللى لسة نايمة

سيف: اصحى يلا يا كسولة

نور: اممممم

سيف: يلا يا نورى عشان نتغدى

نور: هييييح هى الساعة بقت كام

سيف و هو لسة بيمشى الوردة على وشها: 7 يا روحى

نور بضحك: طب بطل تلعب فى وشى كدة عشان بغير 😂

سيف بخبث: طب كدة بتغيرى

سيف فضل يزغزغها

نور: لا يا سيف بطل بجد كفاية 😂

سيف بضحك: طب يلا قومى 😂

نور: حاضر قمت اهه 😂

سيف: انا جبت اكلة سمك جاهزة قومى يلا خدى شاور و البسى عشان ننزل

نور: اوكى

"عند مازن و ملك "

مازن بصريخ و هو بيهز ملك: ملك ملك الحقى

ملك قامت مفزوعة و قالت: فى ايه مين مات البيت بيولع ولا ايه ايه اللى حصل مين ولعه مين بيموت

مازن بضحك: يخربييييتك فصلتينى 😂 انا كنت بقولك قومى يلا عشان نتغدى

ملك حدفت عليه المخدة و قالت: حسبى الله هتقطعلى الخلف يخربيتك و يخربيت البيت اللى جمب بيتك كنت هتموتنى 😠

مازن بضحك: طيب يلا قومى عشان نتغدى 😂

ملك: اطفح لوحدك انا مش قادرة اعمل غدا 😤

مازن: يا بت احنا جبنا سمك جاهز 😉

ملك: الله سمك اوكى فوريرة و ابقى على السفرة 😍

مازن بضحك: همك على بطنك على طول 😂

اتجمعوا كلهم فى الصالة و اتغدوا

سيف: نور ... ملك احنا عاملينلكم مفاجأة

ملك: اكيد اشتريتولنا مطعم ناكل منه براحتنا صح 😍

سيف بضحك: لا طبعا ده اسمه جنان 😂

نور: امال مفاجأة ايه ده

مازن: هتعرفوا دلوقتى

مازن طلع من جيبه شريطة سودة و لفها على عين ملك و سيف نفس الكلام

نور و ملك: فى ايه

سيف: هنوريكم المفاجأة

فضلوا ماشيين بيهم و راحوا ورا الشاليه و بعد كدة شالوا الشريطة

نور و ملك فتحوا عينهم لقوا عربيتين BMW و متزينين بالورد و كل عربية مرسوم عليها حرف الكابل الخاص بيها

نور: الله ايه ده يا سيف ده BMW و مكتوب عليها حرفى انا و انت كمان 😍

سيف: امال انتى فاكرة ايه يا بنتى انتى بقيتى من عيلة الاسيوطى خلاص من اكبر رجال الاعمال و ده حاجة بسيطة اوى عشانك يا قلبى 🥰

نور حضنت سيف بفرحة

ملك: ما الذى تسمعه عيناى و تراه اذنى هل هذه حقا العربة ال BMW التى لا اراها الا فى التلفاز ام انا احلم يا قوووم 😆

مازن بضحك: حتى و انتى متفاجأة من حاجة بتضحكى 😂

ملك حضنت مازن: شكراااااا 😍

مازن: العفو يا ملوكة ده اقل حاجة اعملهالك 🥰

نور: طب كدة فى مشكلة

سيف: هى ايه

نور: احنا مش بنعرف نسوق

مازن: و فيها ايه نعلمكم سهلة اوى

سيف و نور راحوا العربية بتاعة نور و مازن و ملك كذلك

سيف بدأ يقول ل نور تعمل ايه بالظبط و هى كانت بتتعلم بسرعة و مازن كمان فضل يقول ل ملك و ملك بردوا كانت بتتعلم بسرعة عليها لكن هيحتاجوا بعض التدريبات عشان يعرفوا يسوقوها كويس

عدى يوم ورا يوم و نور و ملك اتعلموا يسوقوا العربية ازاى و كانوا بيخرجوا بيها كل شوية مع سيف و مازن

"و فى يوم "

نور و سيف كانوا فى اوضتهم

سيف: بقولك يا نورى البسى عشان هتغدى برة انا و انتى النهاردة

نور: اوكى ماشى بس هنتغدى فين

سيف: فى مركب فى البحر يعنى غدا رومانسى كدة شوية

نور: اوكى دقايق و هبقى جاهزة

بعد نص ساعة

سيف: كل ده يا نور ده انتى كنتى بتقولى دقايق 😂

نور بضحك: حد قاللك تثق فيا 😂

سيف: طب يلا يا اختى 😂

خرجوا و سيف وداها المركب و كان شكله حلو جدا و فيه ترابيزة فى نص المركب و عليها الغدا ... دخلوا و قعدوا على الكراسى و بدأو ياكلوا و سيف كان بيبصلها بحب

خلصوا اكل و سيف قال: عاملك مفاجأة و متأكد انها هتعجبك اوى

نور: تانى يا سيف مفاجآتك كترت اوى على فكرة

سيف: انتى مفيش اى حاجة تكتر عليكى يا قلبى

سيف غمى عيون نور ب ايده و بعد شوية شالها

نور بصت بصدمة للى شافته قدامها ... لا هى اكيد بتحلم مستحيل يكون حقيقى ... هل هو فعلا واقف قدامها بشحمه و لحمه الراجل اللى اتمنت تقابله من زمان اوى

ـــــــــــــــــــــــــــــــــــــــــــــــــــــــــــــــــــــــــــــــــــــــ

صلِّ على سيدنا محمد ﷺ

عارفة ان البارت قصير جدا بس معلش مشغولة شوية اليومين دول 😥