نورى 💗

💕part 14💕

نور: يعنى ايه قلت ل مازن هو انت كنت تعرف مازن منين

مازن بضحك: هو انتى متعرفيش ان سيف يبقى ابن عمى اصلا 😂

نور: ابن عمك؟ ابن عمك ازاى و انا اللى عرفتكم على بعض

سيف: لا يا نور مازن فعلا ابن عمى و سهر اخته بنت عمى بردوا لكن هو بعد ما قلتله حب ملك و قرر انه يساعدنى فى خطتى و اللى هى انى امثل عليكى انى محاسب لما اشوفك لانك انتى و ملك كنتوا بتخرجوا كتير ف كنا مستنيينكم لما تخرجوا و لما رحتوا الملاهى و احنا طبعا كنا مراقبينكم رحنا وراكم و اتفقنا اننا نفترق و كل واحد يروح ل حبيبته و يقوللها انه عايز يتجوزها لان اكيد ملك كانت هتقوم لما تلاقينا بنتكلم فى موضوع زى كدة و ده اللى حصل فعلا و بعد كدة نشوف بعض فى خطوبة اى حد فينا و نعمل نفسنا بنتعرف على بعض عشان نكمل بقية الخطة

نور: طب ليه مثلت اساسا

سيف: عشان فى مرة سمعتك بتقولى ل ملك و انتوا خارجين من الكلية انك نفسك تتجوزى واحد غنى يفضل يجيبلك و يعملك و انا اصلا كنت خاطب واحدة قبلك غصب عنى بسبب ماما اللى عاوزة تجوزنى و خلاص و البنت وافقت لانها كانت طمعانة فى فلوسى و انا اصلا مكنتش بطيقها و كانت مش محترمة و بتخرج و تشرب و تصاحب ولاد و بعد كدة اكتشفت انها بتخونى و انفصلت عنها بعد ما قالتلى كمان انها اصلا مخطوبة ليا عشان طمعانة فيا مش اكتر و انها خلاص خدت اللى عايزاه من فلوس و خفت انك انتى كمان تكونى كدة و قلت هختبرك و اشوفك هتحبى واحد بسيط عادى ولا لا و لو كنتى رفضتى عشان المستوى الاجتماعى يبقى انتى كدة زيها و كنت هبعد عن طريقك و بس كدة يا ستى و الباقى انتى عارفاه

نور: يعنى انت كل ده كنت بتضحك عليا

سيف: و ربنا حاولت اقولك لما اتخطبنا اليوم اللى خرجنا فيه بس حمزة مخلاش فى فرصة و قلت هعملهالك مفاجأة يوم الفرح بس حصل اللى حصل و قلنا ل ملك على كل حاجة و هى ساعدتنا

نور بصت ل ملك بغيظ و ملك ضحكت

سيف: و على فكرة احنا هنتجوز فى فيلا انتى مرات سيف الاسيوطى يعنى بقى ليكى اسمك و ملك كمان بقت مرات مازن الاسيوطى يعنى هى كمان ليها مكانة و اكيد مش هنقعد فى شقة ان شاء الله حتى نقعد فى فيلا محندقة على قدنا

نور: بابا و ماما عارفين كل الكلام ده صح

سيف: ايوة انا قلتلهم على كل حاجة ... بس قولى الاول مسامحانى ولا لا

نور بتنهيدة: امرى لله مسامحاك يا سيدى... بس ثانية واحدة كدة هو فين بابا مش كان برة
سيف: ايوة ما هو روح خلاص هو كان جاى عشان يبقى وكيلك و بعد كدة مشى على طول لما كتبنا الكتاب عشان يروح لمامتك بسرعة و متقلقيش عليه انا جبتله عربية بسواق مخصوص عشان يروحه

كل عروسين طلعوا على الدور بتاعهم من الشاليه

سيف كان فى الدور التانى من الشاليه و مازن الدور اللى تحته و سيف شال نور فى الدور بتاعهم و دخل اوضته و مازن نفس الكلام

"عند سيف و نور"

نزلها بكل حب و مسك وشها بين ايده و قاللها: سامحينى يا نورى على اى جرح سببتهولك و صدقينى عمرها ما هتتكرر تانى ابدا آسف يا حبيبتى 💗

"عند مازن و ملك"

دخلوا اوضتهم و نزلها و كان لسة هيقرب منها ملك بعدت عنه و قالت: نعم فى حاجة 😑

مازن: احنا متجوزين على فكرة 🙂

ملك و هى بتتصنع انها مش فاهمة: يعنى ايه 😑

مازن: يارب صبرنى ... خدى يا حبيبتى هقولك على حاجة سر 🤗

ملك: لا مش عايزة اعرف اسرار 😑

مازن بخبث: يعنى مش هتيجى بنفسك 😌

ملك: نووووو 😛

مازن: طب تعالى بقى 😈

و طلع يجرى وراها و هى طلعت تجرى برة الاوضة و خرجت من الشاليه كله

مازن: يا بنت المجنونة 😲😂

طلع يجرى وراها و هو بيضحك و هى كمان كانت عمالة تجرى و هى بتضحك و راحت لحد البحر و اخيرا مازن مسكها و وقعها على الرملة

مازن بضحك: ايه رأيك كدة فى شغل الافلام ده 😉

ملك بكسوف: ابعد يا مازن قوم من عليا بقى الناس هتتفرج علينا 😑

مازن: مين قال كدة انتى شايفة حد اساسا فى الشط على فكرة احنا بالليل و فى حتة محدش بييجى فيها يعنى احنا الاتنين مع بعض و الشيطان تالتنا 😉

ملك بقت بتتنفس بصعوبة من كسوفها و خدودها اللى بقت لونها احمر اوى

مازن بضحك: حمرا يا اوطة 😂

ملك ضحكت و قالت: قوم بقى يا مازن من عليا بطل رخامة 😑

مازن مردش عليها و فضل باصصلها فى عينيها اللى شبه البحر الصافى بالظبط عيونها غريبة اوى لونها يشد اى حد و يحس انه تايه جوة بحر

ملك كمان فضلت بصاله جوة عينه الخضرا  اللى بتسحر اى حد لما يشوفها و تاهت فى جمالها

مازن قرب منها لكن ملك زقته و قامت بسرعة و طلعت تجرى على الشاليه و هى بتضحك

مازن فضل يجرى وراها: تعالى يا مجنونة هتروحى منى فين 😂

مازن كان اسرع من ملك و عرف يمسكها و راح شالها و راح لاوضتهم و هما بيضحكوا

مازن: بحبك يا مجنونة 💗

ملك: و انا كمان 💗

ـــــــــــــــــــــــــــــــــــــــــــــــــــــــــــــــــــــــــــــــــــــــــ

صلِّ على سيدنا محمد ﷺ 🤍