نورى 💗

💕part 13💕

ملك: و انا مالى ياخويا ما تخرج لوحدك 😁

مازن بصلها و غمزلها و هى قالت: ولا اقولك يلا نخرج بدل ما يقتلنا فعلا 😂

خرجوا فعلا و بعد كدة سيف بص ل نور

سيف بحب: دلوقتى عايز اقولك انى عاملك مفاجأة كبيرة جدا جدا هتعرفيها كمان شوية

نور: جوازنا صح عادى انا عارفة اننا هنتجوز النهاردة ملك قالتلى لكن انا عايزة اعرف انا فين دلوقتى

سيف: فى شرم الشيخ 😌

نور بصدمة: شرم ايه ياخويا شرم الشيخ انت قصدك اكيد كفر الشيخ انا اكيد سمعت غلط 😑

سيف: لا انتى سمعتى صح احنا فى شرم الشيخ 😂

نور: ايه اللى جابنا شرم الشيخ مش فاهمة و كمان بابا و ماما و حمزة زمانهم قلقانين عليا دلوقتى و كمان مامت ملك زمانها قلقانة اوى عليها

سيف: لا عمى و مامتك عارفين كل حاجة حتى حمزة عرف و مامت ملك 😂

نور: مش فاهمة يعنى ايه

سيف: يعنى كلنا كنا متفقين مع بعض انى اخطفك و نتجوز هنا و موضوع جينا شرم ليه عشان هنتجوز هنا و نقضى شهر العسل
نور: يعنى كلكم كنتوا بتدونى على قفايا و بتخططوا من ورايا 😑

سيف: معلش بقى يا نورى سماح المرادى 😂

نور: تمااام

سيف: و دلوقتى بقى البسى فستان و حجاب عشان هنكتب كتابنا

نور: انت جايبنى بالهدوم ده هخترع انا بقى فستان و حجاب من نفسى

سيف: اصبرى على رزقك يا لمضة 😂

سيف فتح الدولاب اللى كان فى الاوضة و كان حرفيا مليااان كمية كبيرة اوى من الفساتين

نور بصدمة: ايه ده كله جبته امتى ده و جبت ده كله بكام 😑

سيف: مش مهم المهم انى جبت يلا بقى اختارى فستان و عندك فى الدرج ده الطرح و الدولاب الصغير ده الجذم البسى و ملك شوية و هتجيلك

سيف خرج و نور فضلت تتفرج على الهدوم و الحاجات اللى جابهالها بصدمة من كل الحاجات ده و ازاى اتكلف كل ده و جاب الفلوس ده كلها منين لان الماركات عالية جدا

ملك دخلت ل نور و قرروا يطقموا مع بعض  لإن نفس الهدوم كان جايبهالها مازن بردوا

ملك و نور كانوا لابسين فستان كشمير متزين ب ورد ابيض و حجاب ابيض

نور: هو انتى و مازن هتتجوزوا امتى يا بت بقى عايزة افرح بيكى 🤗

ملك: بصى هو انتى يوم فرحك مع سيف القديم ده المفروض كان مازن قاللى ان خلاص الشقة على التشطيب البسيط اوى و بعد كدة بحوالى شهر قاللى ان الشقة اتشطبت خلاص و مش فاضل غير انى اودى العفش و بعد كدة نتجوز بس طبعا عمرى ما كنت هرضى اتجوز و انتى فى الحالة اللى كنتى فيها ده و قلتله مش دلوقتى و من ساعتها مفتحش معايا سيرة الموضوع ده تانى

نور: ربنا يتمملكم على خير يا حبيبتى 💗

ملك بمرح: قمرات يا اخواتى و ربنا مطقمين مع بعض ربنا يحفظنا من العيييين 😎❤

نور ضحكت عليها و بعد كدة ملك طلعت شريطة سودة من شنطتها و لبستها ل نور

نور: تانى يا ملك

ملك: تانى و تالت و رابع ان لزم يلا يا بت قدامى و انتى ساكتة 😂

نور مشيت معاها و خرجوا برة الاوضة و فضلت ماشية لحد ما ملك قالت: باااااس على جنب يسطا 😂

نور ضحكت عليها و بعد كدة ملك شالت الشريطة من على عينها بالراحة

نور فتحت عينيها لقت سيف واقف قدامها و لابس بدلة و شكله كان جميل جدا و كان ماسك فى ايده بوكيه ورد صغير و كمان باباها واقف جمبه

نور بصت حواليها لقت نفسها قدام البحر فى كافيه كبير اوى و الطريق اللى كانت ماشية فيه مترصص فيه عواميد و عليها اسلاك نور ملونة كتير اوى و ورد و بلالين لحد 3 كراسى و ترابيزة و قاعد عليها واحد ( مكان المأذون و العروسين )

نور بصت ل سيف بفرحة من المنظر الجميل ده و سيف اتقدم ناحيتها و بصلها بحب و وقف جمبها و بدأو يمشوا مع بعض لحد المأذون بعد ما باباها حضنها

مازن و ملك كانوا بيبصولهم بفرحة و فرحانين ليهم

سيف وقف و بص ل نور قبل ما يوصلوا ل المأذون و قال: استنى يا نورى عايز اوريكى حاجة

سيف صفر بصوت عالى و فجأة الشاشة اللى فى الكافيه اتفتحت و ظهر فيها فيديو لوالدتها

نور بصت للشاشة بصدمة و سكتت تشوف فى ايه

والدة نور: نور يا حبيبتى انا مطمنة انك مع سيف هيحميكى يا قلبى حتى من نفسه لإنه بيحبك يا حبيبتى اتجوزوا و اعملوا شهر عسل فى شرم الشيخ و لما ترجعوا ابقوا اعملوا الفرح هنا هتوحشينى يا قلب ماما معلش معرفتش آجى مع ابوكى عشان الطريق بس تتعوض فى الفرح الكبير 💗 و عايزة اقولك ان سيف محضرلك مفاجأة و اكيد هيقولك عليها مع السلامة يا حبيبتى 💗

حمزة ظهر فى الفيد: هتوحشينى اوى يا نور بس عارفة هكسر وراكى زير مش قلة يلا بس بردوا هتوحشينى 😂 ترجعى بالسلامة إن شاء الله 😘💕

الفيد اتقفل و نور قالت: انتوا اللى هتوحشونى اوى 🥺💗

سيف ركع على ركبته و طلع علبة قطيفة لونها ازرق من جيبه و فتحها و كان فيها خاتم سوليتير

نور بصدمة: سوليتير 😳
ـــــــــــــــــــــــــــــــــــــــــــــــــــــــــــــــــــــــــــــــــــــــــ

صلِّ على سيدنا محمد ﷺ 🤍

ايه رايكم فى بارت النهاردة

عايزة اقوللكم ان البارت الجاى الحقيقة هتظهر و هنفهم كل حاجة 🥰