نورى 💗

💕part 12💕

نور بحزن بتخفيه فى قناع البرود: و انت كنت فاكر بقى ان بعد كل اللى عملته فيا ده انا  كنت هرجعلك تانى او حتى اقعد اتكلم معاك ... خلصت كلامك 🙄

سيف بحزن: يا نور انااا.... 😢

نور بحدة: خلصت كلامك 😤

سيف: ايوة 😢

نور: طب اتفضل اطلع برة و مشوفش وشك تانى 😤

سيف خرج و هو حالته بالبلا و نور فضلت تعيط على اللى حصلها و اللى حصله هو كمان لانها مازالت بتحبه لحد دلوقتى

مازن: هااا قالتلك ايه 😍

سيف بص فى الارض و دموعه خانته و نزلت

مازن: ايه يا سيف فى ايه ايه اللى حصل 😑

سيف: مش عايزة تشوفنى تانى يا مازن بتقوللى مش عايزة اشوف وشك تانى و مش راضية ترجعلى خالص 😭💔

مازن: اهدى يا سيف و ان شاء الله كمان كام يوم اكيد هتنسى و تسامحك و هترجعوا تانى اهدى انت بس و سيبها على ربنا 😥

سيف: و نعم بالله 😭

فى الوقت ده ملك و اهل نور وصلوا و اتصدموا لما شافوا سيف مع مازن (ما عدا ملك) لكنهم مهتموش و دخلوا ل نور على طول

والدة نور بعياط: يا حبيبتى يا بنتى ايه اللى حصلك يا بنتى 😭 يارب هو كل يوم يحصلها حاجة توجع قلبنا عليها

والد نور: ايه الكلام اللى انتى بتقوليه ده انتى اتجننتى ( قُلْ لَّنْ يُصِيبَنَا الَّا مَا كَتَبَ اللَّهُ لَنَا)

والدة نور: و نعم بالله بس انا قلبى واجعنى عليها 😭

نور: يا جماعة انا كويسة الحمدلله مفيش حاجة متقلقوش 🤗

والد نور: الحمدلله يا بنتى على سلامتك ثوانى و جاى

والد نور خرج و راح عند سيف و مسكه من ياقة قميصه و قال بغضب: ايه اللى جابك هنا يا حيوان يا حقير 🤬

والد نور ضربه بالقلم و قال: ايه مكفكش اللى عملته جاى تانى ليه بتظهر فى حياتنا ليه تانى 😠

سيف كان واقف لا حول ليه ولا قوة و والد نور عمال يهزه من قميصه و يضرب فيه

مازن شال والد نور عن سيف بالعافية و قال: اهدى يا عم عماد انا هفهمك سيف مظلوم صدقنى 😧

والد نور: ده مظلوم ده ... ده واحد زبالة و حقير انا مش عارف انت ازاى واقف معاه و بتتكلموا فى ايه و ازاى تسمح لنفسك تقف مع واحد زى ده و انت عارف كويس هو عمل ايه 😤

مازن: يا عم عماد اهدى بالله عليك و انا هفهمك 😓

والد نور ساب سيف و قال: اتفضل اتكلم يا إنما هطلع روحه فى ايدى 😤

مازن حكاله على كل حاجة و والد نور كان مصدوم و قال بحزن: طب انت ازاى متقولش لينا على حاجة زى ده على الاقل كنا هنلغى الفرح و رحنا معاك العملية

سيف بحزن: ايوة و عمر ما نور كانت هترضى تسيبنى ابدا و انا مرضاش عليها انها تبقى ارملة فى عز شبابها و انا مكنتش متأكد العملية هتنجح ولا لا عشان كدة عملت كدة😢

والد نور بحزن: مستحيل نور ترجعلك بعد اللى عملته ده 😔

سيف بحزن اكبر: عارف 🥺

سيف مشى و قال ل مازن يطمنه عليها لما تخرج

و فعلا نور خرجت و والد نور فهم والدة نور على كل اللى حصل و سيف صعب عليها جدا بس مش ب ايديها تعمل حاجة

بعد يومين سيف راح عند نور و دخل قعد مع باباها و طلب منه يشوف نور و باباها وافق و نور خرجت ... اتصدمت انه موجود و قالت: انت تانى انا مش قلتلك مش عايزة اشوف وشك تانى 😠

سيف: يا نور ابوس ايدك سامحينى و ارجعيلى بقى انا مش قادر ابعد عنك اكتر من كدة 🥺

نور: مستحيل عن اذنك يا بابا 😤

دخلت اوضتها و فضلت تعيط على حالهم ايوة هى لسة بتحبه لكن ازاى ترجعله بعد كل ده حتى لو عمل كدة غصب عنه اكيد كان فيه اى حل تانى غير الطلاق

سيف كان كل يوم ييجى ل نور و يترجاها ترجعله و هى متديلوش فرصة اصلا يتكلم معاها و تدخل تانى اوضتها و استمر الحال ده لمدة شهر كاااامل

"و فى يوم "

ملك بتكلم نور فى الفون: البسى يا نور و تعالى معايا هروح اشترى شوية حاجات من العتبة

نور: تمام يا لوكة 5 دقايق و هكون جاهزة

نور لبست و جهزت و نزلت مع ملك ... مشيوا مدة عشان يروحوا يركبوا عربية لكن فجأة عربية سودة Jeep وقفت قدامهم و نزلوا منها 2 ملسمين و رشوا على وش نور حاجة و نور اغمى عليها و بعد كدة ملك ركبت و واحد من الملسمين شال نور و حطها فى العربية و مشيوا
ـــــــــــــــــــــــــــــــــــــــــــــــــــــــــــــــــــــــــــــــــــــــــ

ايه رأيكم فى البارت؟

صلِّ على سيدنا محمد ﷺ 🤍

يا جماعة ممكن تفاعل انا مش لاقية اى تفاعل خالص و اتمنى تقولولى رأيكم فى القصة ايه و عاجباكم ولا لا ❤ 

عايزة اقوللكم ان بعد كدة كل البارتات الجاية فيها رومانسية و ضحك بس كدة خلاص جو الحزن و العياط و النكد خلص 😂 و فيها كام مفاجأة كدة زى مثلا ازاى سيف و مازن طلعوا ولاد عم و فى كام مفاجاة كمان