نورى 💗

💕part 11💕

عدى يومين و والدة نور دخلت ل نور اوضتها و قالت: يلا يا نورى الاكل جاهز

نور افتكرت ان سيف كان بيفضل يقولها يا نورى كتير و هى قالت: حاضر يا ماما شوية و جاية هصلى بس الاول 😢

الام خرجت و هى راحت الحمام اتوضت و بعد كدة رجعت اوضتها صلت بخشوع
و بعد لما خلصت قالت: يارب ... يارب انا تعبانة اوى و مش قادرة يارب ... يارب ريح قلبى يارب ... انا قلبى واجعنى اوى يارب ... اللهم انى لا اسألك رد القضاء و لكنى اسألك اللطف فيه 😭💔

خرجت و اتغدت مع اهلها

والد نور: نور يا حبيبتى اوعى تكونى لسة زعلانة من اللى حصل يا حبيبتى ده ماضى و انتهى 🥺

والدة نور: يا عماد هو مش المفروض قلنا محدش يكلمها فى حاجة زى ده 😤

نور: لا يا ماما خلاص انا مبقتش حاطة الموضوع فى دماغى هو فعلا ماضى و انتهى و الحمدلله ان ربنا كشفه على حقيقته ... انا داخلة اوضتى عشان عايزة انام 😢

دخلت اوضتها و فضلت تعيط لحد ما راحت فى النوم

"بعد مرور شهر "

كانت قاعدة فى اوضتها و ماسكة التليفون بتتفرج على صورها مع سيف اللى مالية تليفونها

فونها رن ب اسم مازن و هى ردت: الو يا مازن

مازن: ازيك يا نور عاملة ايه

نور بابتسامة حزينة: الحمدلله يا مازن كويسة

مازن: بصى انا هبعتلك لوكيشن على الواتساب تعاليلى فيه ضرورى

نور: لوكيشن ايه ده 😑

مازن: هتعرفى بعدين بس يلا

نور لبست و مازن بعتلها اللوكيشن و هى راحتله

لقت نفسها قدام مطعم كبير و متزين ... دخلت و لقت مازن قاعد فى نص المطعم على ترابيزة و محدش غيره فى المطعم

نور: ايه ده يا مازن هو انت جايبنى هنا ليه و فين الناس اللى فى المطعم و ماله المطعم ده متزين ليه و انت عاوزنى ليه و ايه المكان ده انا مش فاهمة حاجة ما ترد عليا انا مش بكلمك 🤨

مازن: اييييييه هى نافورة و انفجرت فى وشى ولا ايه هرد على ايه ولا ايه 😂

نور: طب فى ايه ما تنطق بقى 😑

مازن: بصى يا ستى انا عبارة عن وسيلة اجيبك بيها هنا و خلاص 🤷🏻

نور: مش فاهمة يعنى ايه 😑

مازن: بصى يا نور فى حد عايزك

نور: بردوا مش فاهمة مين اللى عايزنى يعنى 😑

جه صوت من وراها: انا يا نور اللى عاوزك

نور حست ان قلبها دق جامد لما سمعت صوت الشخص اللى هى حافظاه بالمللى و اللى لو حصل ايه عمرها ما هتنسى صوته

بصت وراها و هى بتتمنى ان احساسها يطلع غلط و انه ميكونش هو اللى فى بالها

اتصدمت لما لقت سيف واقف قدامها و باصصلها 

نور دموعها نزلت و هى بتبصله بكسرة

نور بعياط: عاوزنى انا ... عاوز منى ايه تانى ... عاوز تكسرنى و تجرحنى تانى ... مكفكش اللى عملته فيا ... مكفكش حرقتى و كسرة قلبى ... مكفكش انى كنت هموت نفسى بسببك ... شايف ده

و ورتله ايديها اللى فيها ال cutting

نور كملت بعياط: كل ده مكفكش و راجع و تقوللى عايزك ... عايز ايه تانى كفاية اللى عملته فيا لحد كدة حرام عليك كفاية كفااااية 😭💔

طلعت تجرى برة المطعم و هى بتعيط و مش شايفة اى حاجة قدامها و عربية جاية بسرعة خبطتها و وقعت سايحة فى دمها 

صلِّ على سيدنا محمد ﷺ 🤍

عارفة ان البارت قصير بس معلش مشغولة شوية 😐