نورى 💗

💕part 8💕

نور: طول ما انت معايا عمرى ما هخاف ابدا

سيف: امممم بتسكتينى يعنى بكلمتين طيب يا ستى امرى لله

"و فى بيت الرعب "

كانت عمالة بتصوط و حاضنة سيف جامد و سيف بيضحك عليها

نور بصويط: خرجووونى خرجنى يا سيف عشان خاطرى 😫

نور حست ب ايد بتشد الدريس بتاعها فتحت عينيها و بصت لقت واحد شبه الزومبى و هدومه كلها دم

نور: يا مامااااااا 😭

نور بدإت تعيط و سيف فضل بحضنها جامد عشان تهدى و متخافش من اللى بيحصل

الجولة خلصت و خرجوا و نور فضلت تضرب سيف على صدره و هى بتقوله: انت السبب انت السبب

سيف بضحك: و انا مالى مش انتى اللى عملالى فيها شجيعة السيما و داخلالى بقلب جامد 😂

نور: كنت تمنعنى يا سيف انما انت مش منعتنى و انا مخامصاك من هنا لحد ما نروح بس كدة 😑

سيف: لا يا شيخة و انا مقدرش على زعل طفلتى الجميلة و انا عارف هصالحك ازاى 😌

نور: ازاى بقى يا فلحوس 🙄

سيف: هروح اجيبلك ايس كريم ايه رأيك 😉

نور بفرحة: اوكى 😍

سيف: خليكى هنا و انا جايلك تانى

سيف راح يحيب الايس كريم و نور واقفة فى مكانها مستنياه

واحد قرب من نور و بيقول: ايه يا عسل واقف لوحدك ليه لو كدة اونسك 😉

نور بصت الناحية التانية و مردتش

الراجل: طب تعالى و انا هونسك متخافيش

نور بردوا مردتش

الراجل مسك ايد نور و قال: مش بكلمك يا قمر ما تردى عليا

نور ضربته بالقلم و قالت: يا حيوان انت ازاى تلمسنى كدة

الراجل لسة هيرد القلم ل نور لكن اتفاجئ ب بونية من سيف و هو بيقول: يا زبالة يا حقير انت ازاى تلمس ايد مراتى

نور بخوف على سيف: خلاص يا سيف انا ضربته بالقلم 😮

سيف فضل يضرب فى الراجل ب غيظ و الراجل وشه بدأ ينزف

نور بعياط: يا سيف خلاص بقى بدل ما يموت فى ايدك 😭

الناس اتلمت عليهم و بعدت سيف عنه بالعافية

الراجل طلع يجرى و سيف شد ايد نور و مشيوا

ركبوا العربية من غير كلام و روحها

طلعت البيت و هى زعلانة ان بعد اليوم الجميل ده اتنكد عليهم فى الآخر

دخلت اوضتها و كلمت ملك

نور بعياط: مكلمنيش خالص يا ملك ولا اى كلمة و احنا راجعين خاالص 😭

ملك: اهدى يا نور ممكن بس مكنش فى المود مكنش عايز يدايقك بعصبيته اهدى يا حبيبتى بالله عليكى 😟 و هو اكيد هيكلمك و يعتذرلك كمان اهدى بقى

نور: ماشى يا ملك 🥺

فضلوا يتكلموا شوية و بعد كدة سيف اتصل ب نور

نور بفرحة: الحقى يا ملك ده بيتصل 😍

ملك: مش قلتلك 😌

قفلت مع ملك و ردت عليه

سيف:  سامحينى يا قلبى انا مكنش قصدى ازعلك و انكد عليكى بس والله حسيت كإن حد بيضربنى بسكينة لما شفته بيمسك ايدك ... الدم غلى فى عروقى و مكنتش متخيل ان فى حد تانى لمس ايدك غيرى مجرد الفكرة بس بتدايقنى

نور: ماشى يا سيف مفيش مشكلة

سيف: يعنى مش زعلانة يا نورى

نور: لا مش زعلانة🥰

سيف: خلاص ماشى بدل خروجة النهاردة هخرجك بكرة فى مكان حلو اووووى 😇

نور: هو ايه 🤔

سيف: هوديكى السينيما 🥰

نور: بس كدة كتير اوى عليك يا سيف 😕

سيف:مفيش اى حاجة تكتر عليكى يا قلب سيف 🥰

نور: سيف

سيف: روحه و عقله 💗

نور: انا بحبك اوى 🥺💗

سيف: طب و فين الدليل انا عايز مكافأة على خروجة النهاردة و انتى فاهمة انا قصدى ايه

نور: بس يا بابا اتلم و شوف انا بقولله ايه و هو بيقول ايه

سيف بضحك: كدة او كدة هاخدها فى اى يوم تانى بس عايز اقولك على حاجة

نور: قول

سيف: انا مش بحبك

نور بصدمة: نعمم

سيف: انا بموت فى كل تفصيلة فيكى يا احلى حاجة فى حياتى 💗وكمل بمشاكسة و قال: و حاليا بقيت بموت فى الطقم اللى كنتى لابساه فى البيت 😂💗

نور قفلت فى وشه و اتصلت ب ملك: بقولك ايه يا لوكة بكرة سيف عازمك انتى و مازن على السينيما هنروح مع بعض

ملك: اوكى يا قلبى هتصل ب مازن اقول ليه

قفلوا و ملك اتصلت ب مازن

مازن: ازيك يا لوكة

ملك: الحمدلله يا مازن بس ل معلوماتك انت اتصلت بيا كذا مرة و سألتنى ازيك ده مليون
مرة

مازن: بطمن على زوجتى المستقبلية فيها حاجة ده 😂❤

ملك: اوكى سيف عازمنا بكرة على السينيما

مازن: تصدقى كان فى بالى بردوا اقولك تعالى نروح بكرة السينيما بس يلا اهى جت منه مش مهم انا و هو واحد ... اوكى هجيلك بكرة على الساعة 3 العصر كدة تكونوا جاهزين

ملك: اشطاط 😎

مازن ضحك عليها و قال: خاطب و بعشق سرسجية كيوت مجنونة والله 😂❤

ملك: نينينينيني سلام يا مازن 😑

قفلت فى وشه و هو فضل يضحك و يقول: اقسم بالله مجنونة 😂

ملك اتصلت بنور و قالتلها ان مازن هييجى الساعة3 العصر و بعد كدة قفلوا

نور فى نفسها: اما وريتك يا سيف يا مدمر اللحظات انت عشان بعد كدة تبقى تبطل قلة ادبك ده مبقاش انا نور 😌

صلِّ على سيدنا محمد ﷺ