دخلت و افتكرت كلام سيف لما قالها تلبس حاجة محترمة و اللى عمله لما مرضيتش ... خدودها احمرت تانى لما افتكرت اللى حصل ... غيرت هدومها و لبست عليها طرحة 😂
خرجت و راحت لمامتها
والدة نور: ايه اللى لابساه ده يا نور
نور: دريس و طرحة
والدة نور: انتى عبيطة ولا بتستعبطى ده جوزك على فكرة
نور: يعنى ايه
والدة نور: يعنى تخشى تلبسى ترينج من بتوعك عادى
نور: حاضر يا ماما
دخلت و لبست بيجامة طويلة لحد الركبة و بنطلون استريتش
خرجت و راحت لمامتها
والدة نور: بردوا لابسة حاجة طويلة
نور: يا ماما خلاص بقى هو حلو كدة
"عند سيف "
كان واقف برة مستنى لما والد نور ييجى عشان يعرف يدخل معاه لانه عارف ان المجنونة ده عمرها ما هترضى تفتحله تانى ... بيبص لقى والد نور طالع على السلم مع حمزة عمل نفسه انه هيرن الجرس و والد نور لحقه
والد نور: انا اهه يا ابنى تعالى
سيف باستعباط: ايه ده يا عمى مش قلتلى انك فى البيت
والد نور: كنت بصلى يا ابنى و جيت اهه
والد نور فتح الباب و دخلوا
والد نور: يا ام نور سيف هنا تعالى
والدة نور خرجت سلمت عليه و قعدت معاهم
نور كانت واقفة و مش عارفة تخرج ولا لا و كانت مكسوفة توريله وشها تانى
كانوا قاعدين بيتكلموا
سيف: الصراحة انا كنت جاى استأذنك يا عمى انى اخرج نور
والد نور: عادى يا ابنى هو ده فيه استإذان هى مراتك و انت جوزها و تقدروا تخرجوا براحتكم
سيف: طب الحمدلله انا فاكرك مش هتوافق و هحاول اقنع فيك كتير زى كل مرة 😂
والد نور: لا متقلقش عفونا عنك المرة ده 😂
والد نور نده على نور
نور خرجت و تجنبت انها تبص ل سيف
نور: نعم يا بابا
والد نور: البسى عشان سيف هيخرجك
سيف: بس اشوفها الاول عايزة تخرج فين
والد نور: خلاص خدوا راحتكم انا نازل اقعد على القهوة شوية و انتوا اتكلموا براحتكم
والد نور نزل و والدة نور دخلت المطبخ و حمزة دخل يذاكر
نور قعدت على الكنبة اللى جمب سيف
سيف قام و راح قعد جمبها و قال: حلو اوى التيشيرت اللى لابساه ده بس عايزة الصراحة كنتى فى التانى قمر مش حلوة و بس 😉
YOU ARE READING
نورى 💗
Romanceاقتباس نور: ايه يا سيف انت فين كل ده سيف: نور نور: ايه سيف: انتى طالق رواية بالعامية المصرية اتمنى تعجبكم ❤
💕part 8💕
Start from the beginning
