نورى 💗

💕part 7💕

نور: و انت مالك انت يا بارد 😒

حمزة: بقى كدة طيييب ... يا بابا

نور بصتله بصدمة و قالت: حمزة يا حبيبى خد عاوزاك فى كلمتين

حمزة بخبث: اصبرى يا نور ... بابا هو انت مش هتصلى العصر فى الجامع زى كل يوم

والد نور: لا يا ابنى هصلى طبعا

حمزة: طب يلا العصر قرب يأذن تعالى نروح

والد نور: طيب يا ابنى

والد نور ل سيف: تيجى تصلى معانا يا ابنى فى الجامع

سيف: ايوة يا عمى اتفضل

قاموا و نزلوا و سيف كان واقف بيربط الكوتشى بتاعه و والدة نور فى المطبخ و نور دخلت اوضتها على اساس ان كلهم مشيوا و قبل ما تقلع الطرحة خرجت تشرب لقت الباب مفتوح راحت تقفله لقت سيف

نور: هاااا خضتنى يخربيتك

سيف ضحك و قال: نور

نور: ايه

سيف: انا بحبك 💗

نور ب احراج: يلا انزل بقى عشان العصر قرب يأذن 😑

سيف: هستنى ال 3 ايام دول على ناار ❤️‍🔥

نور ب احراج: يا ربى انا بتكلم فى ايه و هو بيتكلم فى ايه ما تمشى بقى 😑

نور دخلت و قفلت الباب

سيف: بحب مجنونة والله 😂

نزل الجامع و صلى و بعد كدة مشى 

"بالليل "
كانت قاعدة فى اوضتها بتكلم ملك

نور: و بس يا ستى و بابا وافق

ملك: مبروك يا قلبييييييى انا بجد مش مصدقة انك خلاص يومين و هتتجوزى بجد مش قادرة اتخيلل 😆❤

نور: الله يبارك فيكى يا روحى ❤ امال انتى و مازن امتى

ملك: بصى يا ستى انا امى طلعت مجهزانى من زمان و انا معرفش بردوا 😂 يعنى انا جاهزة انما مازن لسة بيجهز فى الشقة و لسة يعنى قدامه بدرى ف انا مستنياه يجهز براحته و بعد كدة نبقى نتجوز

نور: امال الشقة اللى سابهاله باباه و مامته فين

ملك: لا هو قاللى انه هيبيعها اصلا و الفلوس اللى هياخدها منها هيحطها فى الشقة و يجيب شقة كبيرة عشان سهر طبعا هتقعد معانا

نور: ربنا يتمملكم على خير يا حبيبة قلبى ❤

سيف رن على نور

نور: بصى يا لوكة هبقى اكلمك تانى اوكى

ملك: بيرن عليكى صح 😂

نور: يس 😂

ملك: الله يسهلوا يا عم 😂

نور: امشى يا بت 😂