ملك بكسوف: بطلى قلة ادب يا نور 😑
نور: حاضر 😂
"وقت تلبيس الدبل "
سيف كان قاعد جمب نور و بيبصلها بحب و نور كانت باصة فى الارض بكسوف من نظراته ... سيف طلع الشبكة من جيبه و كان هيلبسها ل نور لكن والد نور وقفه و قال: معلش يا ابنى انا اللى هلبسهالها
سيف اتدايق بس مظهرش ده و عشان كدة قرر جواه قرار و قال: اتفضل يا عمى
سيف لبس دبلته و والد نور لبس ل نور دبلتها
الستات زغرطت و فضلوا يتصوروا و يتكلموا شوية و بعد كدة مشيوا
"و بالليل "
كان سيف بيتكلم مع نور فى الفون
سيف: بقولك ايه ما تيجى نخرج بكرة بدل ما احنا النهاردة المفروض خطوبتنا و مخرجناش
نور: معرفش بابا هيوافق ولا لا
سيف: ان شاء الله هيوافق انا هتصل بيه بكرة و اقوله
نور: مش انت بتقول هنخرج بكرة
سيف: ايوة بس بالليل
نور: اممم طب هنروح فين
سيف: يا ستى نتمشى على الكورنيش شوية المهم نخرج مع بعض و لو مرة واحدة
نور: خلاص ماشى ابقى اتصل ب بابا و قول ليه
سيف: اوكى
"تانى يوم "
سيف كلم والد نور و حاول انه يقنعه انه يخرج مع نور و بالفعل اقنعه
"بالليل "
كانت قاعدة بتكلم ملك فى الفون و بتقول ليها على خروجتها مع سيف
ملك: احمدى ربنا انه قاللك تخرجوا انا لحد دلوقتى مازن مفتحش بقه ولا حتى قاللى تعالى نروح عند عم صبحى البقال اشتريلك حاجة حلوة 😂
نور ضحكت معاها و قالتلها: بس اسكتى لو تعرفى المفاجأة اللى محضرهاله 😌
ملك: مفاجأة ايه
نور لسة هتتكلم لقت سيف بيتصل بيها
نور: معلش يا لوكة هكلمك لما ارجع عشان سيف بيتصل اهه يلا سلام دلوقتى
ملك: سلام يا قلبى تروحى و ترجعى بالسلامة ❤
نور كنسلت على سيف و مسكت ايد حمزة و نزلت
سيف لما شاف حمزة نازل معاها خبط ايده على وشه و عرف ان ده المفاجأة اللى كانت بتقولله انها عاملاها
سيف سلم على حمزة و قالله: تعالى يا حمزة اركب 🥲
فتحله باب عربيته
حمزة: لا يا حبيبى انا هركب جمبك ولا انت فاكرنى مش راجل و هخلى اختى تركب جمبك 😃
سيف بص ل نور و نور حاولت تكتم ضحكتها
سيف بغيظ: لا طبعا يا حبيبى اتفضل قدام 😁
ركبوا و وقفوا عند الكورنيش
نزلوا و حمزة نزل وراهم
سيف: بقولك ايه يا حمزة يا حبيبى روح هاتلنا 3 كوبايات حمص من الراجل الطيب ده
حمزة: و ليه متروحش انت ان شاء الله
سيف: معلش يا عم بقى خليها عليك انت المرة ده
حمزة: تماااام
حمزة مشى و سيف التفت ل نور و قال: بقى هى ده المفاجأة يا ست نور 🙎🏻
نور ضحكت: ايوة هى 😂
سيف: طيب يا ستى بما اننا لوحدنا دلوقتى عايز اقولك على حاجة مهمة
حمزة جه و قال: لا انتوا مش لوحدكوا
سيف اتخض و بص وراه لقى حمزة حاطت ال3 كوبايات على صينية و بيبصله
سيف: يا ابنى خضتنى انت لحقت جبتهم
حمزة: معلش
سيف خد منه كوباية اداها ل نور و خد الكوباية التانية
سيف: خد بقى كوبايتك يا عم و روح اقعد فى العربية عشان متسقعش عشان الجو ساقعة
حمزة: لا انا كدة مرتاح
سيف: براحتك يا حبيبى
كل ده تحت عيون نور اللى بتحاول تكتم ضحكتها عليهم
الخروجة خلصت من غير ما سيف ياخد راحته فى الكلام مع نور بسبب حمزة 😂
"و بالليل"
كانت نور بتكلم ملك و بتقولها على اللى حصل
ملك: يالهوى يا نور ده تلاقيه كان على آخره 😂
نور: حصللل 😂
ملك: طب ليه كدة طيب
نور: عشان هو لسة خطيبى يعنى مش حلالى عشان اخرج معاه
ملك: امممم يعنى انا لو مازن قاللى تعالى نخرج اخد ماما معايا 😂
نور: لا مش للدرجة ده انتى بس تقوليلى و انا هخلى حمزة يعمل الواجب 😂
ملك: اوكى 😂
قفلوا مع بعض و سيف اتصل ب نور ... فضلوا يتكلموا شوية و عرف منها هى كانت جايبة معاها حمزة ليه
سيف: طب بقولك ايه يا نور
نور: نعم
سيف: نعمة ترفصك 😂
نور: يا باارد 😌
سيف: لا بجد
نور: ايه
سيف: عايز اتكلم معاكى فى موضوع كدة
نور: قول
سيف: انا عايز اتجوزك
نور: يا راااجل جبت التايهة انت بقى طب ما احنا لما نخلص الخطوبة هنتجوز 😂
سيف: لا مش قصدى انا اقصد عايز نكتب كتابنا
نور: بردوا مش فاهمة 😑
سيف: يالهوى عليا يا بنتى عايز اتجوزك بس مش بعد سنة عايز اتجوزك بعد اسبوع او اتنين فهمتى ولا لا
نور: نعمم 😮
صلِّ على سيدنا محمد ﷺ
YOU ARE READING
نورى 💗
Romanceاقتباس نور: ايه يا سيف انت فين كل ده سيف: نور نور: ايه سيف: انتى طالق رواية بالعامية المصرية اتمنى تعجبكم ❤
💕part 6💕
Start from the beginning
