نورى 💗

💕part 4💕

الراجل: ايوة

والد نور رن الجرس و والدة ملك فتحت

والدة ملك: اتفضلوا

دخلوا قعدوا فى الصالة و والد نور بدأ الكلام

والد نور: حضرتك مين بقى و عايز ايه

الراجل: انا اسمى مازن الصراحة قابلت الآنسة ملك قبل كدة و اعجبت بيها و كنت جاى عشان احدد مع والدتها معاد اقدر آجى اتقدم ليها فيه

كلهم اتصدموا من كلام مازن 

ملك باندفاع: هو انت عرفت عنوانى ازاى نفسى افهم ده انت قابلتنى مرة واحدة بس و علمت عليك كمان فيها

والد نور: ملك اهدى يا حبيبتى انا بتكلم

ملك: حاضر يا عم عماد ادينى ساكتة

والد نور: حضرتك قابلتها فين و عرفت العنوان ازاى

مازن: انا كنت فى الملاهى بفسح اختى الصغيرة بعد امتحاناتها و قابلت الآنسة ملك هناك و حصل بينا موقف كدة انا آسف عليه والله بس هى كانت حركة عفوية منى بس بجد مكنتش اقصد

والد نور: واللى هو؟

مازن حكاله لما شال ملك و هى ضربته بالقلم و الكلام اللى دار بينهم

والد نور: و انت ازاى يحصل منك كدة و تشيلها معندكش اخلاق ولا معندكش دين؟

مازن بأسف: والله العظيم انا مكنتش اقصد ده كانت حركة عفوية منى مش اكتر انا آسف مرة تانية

والد نور: تمام كمل عرفت البيت ازاى

مازن: الصراحة مشيت وراها

والد نور: نعمم؟

مازن: ما هو مكنش فى طريقة غير ده عشان اعرف العنوان

والد نور: امم تمام كمل

مازن: لما مشيت وراها لقيت طريق البيت بتاعها زى طريق بيتى و الصدفة انها طلعت جمبى ب كام شارع و بس سألت عن والدها و قالولى انه الله يرحمه متوفى و انا كنت جاى النهاردة احدد مع والدة الآنسة ملك معاد عشان اتقدم لحضرتها و تتعرف عليا

والد نور: تمام رأيك ايه يا ام ملك

والدة ملك: انا موافقة يا ابنى انك تيجى تتقدم لكن موضوع تيجى امتى انا مش متأكدة منه دلوقتى ف ممكن تدينى رقمك و هبقى اتصل بيك و اقولك تيجى امتى

مازن: ايوة طبعا يا امى اتفضلى

مازن اداها الرقم

مازن: انا هستأذن انا بقى عن اذنكم

والد نور: اتفضل يا ابنى

مازن مشى و ملك كانت قاعدة مش مستوعبة و كانت حاسة ب احاسيس كتيرة ... فرح على توتر على احراج و كل دول فى وقت واحد ( احساس اى بنت لما حد يتقدملها 🥲)

والد نور: انا همشى انا بقى يا ام ملك

والدة ملك: اتفضل يا حاج عماد شكرا ليك على وقفتك جمبنا

والد نور: على ايه يا ام ملك ده انتى اختى و ملك بنتى

والدة ملك:  تسلم يارب ... ماشى يا حاج انا هعرف المعاد و هبلغ عمها

والد نور: ان شاء الله

نزل و والدة ملك دخلت

ملك: هو ايه يا ماما اللى هتشوفى معاد طب ما هو بكرة الخميس و معاد كويس اهه

والدة ملك: يا بت مش المفروض فى حاجات بتتعمل قبلها يعنى عندنا تنضيف و فاكهة و حلويات هتتجاب

ملك: امممم قلتيلى ماشى يا ستى اما نشوف موضوع التنضيف ده انا عارفة انها مش هتعدى بالساهل

والدة ملك بصت ل ملك كتير و عيطت

ملك بصدمة: ماما فى ايه مالك 😳

والدة ملك: مش مصدقة انك كبرتى يا ملك و بقى بيجيلك عرسان و بقيتى عروسة كدة زى القمر لسة شايفاكى عيلة صغيرة ادامى بس الحقيقة غير كدة انتى خلاص كبرتى و هتتجوزى كمان و مش مصدقة انك هتبعدى عنى 😭

ملك حضنتها: عمرى ما هسيبك ابدا يا حبيبتى صدقينى ده انتى امى و حتة منى و لو مش عاوزانى اتجوز هتصل بيه و هقوله انا مش موافقة و مش هخليه ييجى لكن دموعك ده متنزلش ابدا 🥺

والدة ملك مسحت دموعها و قالت: لا طبعا يا حبيبتى بس انا فرحانة بيكى مش اكتر 🥺❤

ملك: تعيشى و تفرحى بيا و ب أحفادك و أحفاد أحفادك كمان يا امى 🥺❤

والدة ملك: يااااه هعيش كل ده 😂

ملك حاولت تغير الموضوع و قالت: يلا بقى قوليلى يا رنوش هتعملى ايه فى موضوع الشقة ده

والدة ملك: قبل اى حاجة دلوقتى اتصلى ب عمك و قوليله متنسيش بردوا ان من بعد ما ابوكى مات الله يرحمه مبقاش لينا حد غير عمك و مش بنعرف نصرف على نفسنا غير من معاش ابوكى و الفلوس اللى بيبعتها عمك لينا يعنى يعتبر هو كبيرنا يبقى تتصلى بيه و تقوليله على كل حاجة حصلت من ساعة ما اللى اسمه مازن ده دخل

ملك: حاضر يا امى اوامرك

راحت اتصلت ب عمها و قالتله و هو قال لها يخليه ييجى يوم الجمعة

قالت ل مامتها و مامتها وافقت

و اتصلت ب مازن و قالتله ييجى يوم الجمعة و طبعا هو وافق

مامتها خلصت مكالمتها مع مازن و ملك دخلت تكمل اكلها

ملك و هى بتاكل لقت فونها بيتصل ب اسم " My heart "

ـــــــــــــــــــــــــــــــــــــــــــــــــــــــــــــــــــــــــــــــــــــــــ

الڤوت لو سمحتم 🥰

صلِّ على سيدنا محمد 💗