سيف بإحراج: ده هى
ضحكوا كلهم و بعد كدة والد سيف قال: طب احنا هنفضل واقفين كدة كتير ولا ايه
سيف كان لسة هيخبط تانى لقى راجل جاى عليهم هو و ولد صغير
والد نور: انا اسف يا ابنى اتأخرت شوية معلش
سيف: حضرتك والد الآنسة نور؟
والد نور: ايوة انا يا ابنى
فتح الباب
والد نور: اتفضلوا ادخلوا
دخلوا و قعدوا فى الصالة
والد نور: ثانية واحدة و راجعلكم
والد سيف: اتفضل براحتك
والد نور دخل المطبخ و عرف والدة نور ان الناس قاعدين برة ... والدة نور خرجت من المطبخ و رحبت بيهم و دخلت اوضة نور
" قبل لحظات بعد ما نور دخلت اوضتها بعد ما فتحت ل سيف "
كانت داخلة بتجرى و قفلت باب اوضتها بسرعة
ملك: فى اى يا نور مالك بتجرى كدة ليه
نور: الحقينى يا ملك مطلعش بابا يا ملك 😮
ملك بعدم استيعاب: امال مين اللى كان بيخبط
نور بصتلها بغضب و قالت: هيكون مين يعنى غيره 😤
ملك بعد ما استوعبت فضلت تضحك جامد و وقعت على الارض من كتر الضحك على نور
ملك: اااه بطنى مش قادرة 🤣
نور بصتلها بغضب و قالت: اسكتى بقى بدل ما اضربك و ربنا 😡
ملك: والله مش قادرة الله يسامحك يا شيخة بطنى وجعتنى 😂
نور: اسكتى يا ملك ده انا كنت عايزة الارض تنشق و تبلعنى من الاحراج 😩
ملك: معلش ... معلش 😂
والدة نور دخلت عليهم لقت نور قاعدة على السرير ب بيجامة البيت و ملك على الارض و عمالة تضحك
والدة نور بصدمة: انتوا قاعدين هنا بتهزروا و الناس قاعدة برة و انتى يا ست نور لسة ملبستيش
ملك: معلش بقى يا حنون عديها 😂
والدة نور: قومى يا بت من على الارض و انتى يا ست نور اخلصى بسرعة البسى الناس برة الله يسامحكم
نور: يلا يا ملك قومى عشان كدة ماما جابت آخرها مننا فعلا 😂
ملك قامت من على الارض و هى بتضحك و قالت: ماشى خلاص 😂
والدة نور: فى دقيقة يا نور فاهمة يعنى اى فى دقيقة الاقيكى قدامى فى المطبخ و لابسة الفستان عشان تقدمى للناس الحاجة 😤
نور: حاضر يا ماما خلاص والله 😂
ملك: طب هطير انا بقى يلا سلام عليكم 😂
والدة نور: رايحة فين يا بت
ملك: همشى انا بقى
نور: لا يا حبيبتى انتى مش هتمشى انتى تقعدى كدة هنا فى الاوضة لحد اما ابقى اخلص القاعدة ده و اجيلك يا ماما عشان احكيلك الكلام اللى اتكلمنا فيه 🤭🔪
ملك: يا نور كدة او كدة انتى بتكلمينى كل يوم قبل ما انام ابقى احكيلى فى الفون و خلاص 😂
نور: نووووو تقعدى لحد اما اجيلك يا انما ماما بقى هى اللى هتتصرف معاكى و تطلعلك ابو وردة 🔪😜
ملك بصت لوالدة نور
والدة نور: حصلللل
ملك: حاضر يا نور خلاص 😂
نور: ايوة كدة يلا يا ماما اخرجى صبى العصاير و الحاجة عقبال ما البس و اجيلك على المطبخ
والدة نور: ماشى
والدة نور خرجت و نور لبست الفستان و الحجاب و كانت زى الملكة بالظبط و خرجت لمامتها المطبخ و ملك فضلت قاعدة فى اوضة نور على التليفون بتاعها
والدة نور: امسكى الصينية اهه
نور: خايفة يا ماما حاسة انها هتقع منى
والدة نور: يا الله، مش هتقع امسكيها عدل و متخافيش هو انتى هتتجوزى النهاردة ده مجرد تعارف بس يلا بقى بسرعة
نور: حاضر
مسكت الصينية و خرجت لاهل سيف و قدمت ليهم العصير
والدة سيف بهمس لسيف اللى قاعد جمبها : ماشاء الله عليها يا حبيبى زى القمر
سيف: مش قلتلك يا ماما
نور راحت قعدت جمب باباها بإحراج
والد سيف حمحم و قال: احنا طبعا مش هنقول مقدمات و الكلام ده لانكم طبعا عارفين احنا جايين لى ولا اى يا ابو العروسة
والد نور: ايوة طبعا
والد سيف: طيب ايه رأى عروستنا
والد نور بص لنور
نور بإحراج: اللى تشوفه حضرتك طبعا يا بابا
والد سيف بمزاح: لا يا ستى ملكيش دعوة ب باباكى خليكى معايا انا و سيبك منه مش هو اللى هيتجوز 😂 انتى رأيك ايه
نور بإحراج: احمممم م .. مو .. موافقة
والد سيف: يبقى على بركة الله
والدة سيف: طيب نسيب العرسان لوحدهم شوية ولا ايه
والد نور: ايوة طبعا من حقكم اتفضلوا
كمل و هو بيوجه كلامه لنور: نور يا بنتى احنا هنروح نقعد هناك هنبقى قريبين منكم ماشى
نور: حاضر يا بابا
اهل سيف و اهل نور راحوا قعدوا فى الركن التانى من الصالة
ـــــــــــــــــــــــــــــــــــــــــــــــــــــــــــــــــــــــــــــــــــــــ
يا جماعة قولولى رأيكم فى الرواية و شجعونى شوية انا مش شايفة اى تفاعل خالص
صلِّ على سيدنا محمد ﷺ 💗
YOU ARE READING
نورى 💗
Romanceاقتباس نور: ايه يا سيف انت فين كل ده سيف: نور نور: ايه سيف: انتى طالق رواية بالعامية المصرية اتمنى تعجبكم ❤
💕part 3💕
Start from the beginning
