نور: و ايه السبب بقى ان شاء الله
سيف: مش لازم تعرفى دلوقتى
نور بنفاذ صبر: كدة كتير على فكرة اتكلم يا انما والله العظيم هلم عليك الناس كلهم و اقول واحد مش محترم
سيف: خلاص حاضر هقول ... انا عايز اتقدم لحضرتك
نور بصدمة: ايه 😳
سيف: انا كنت مع حضرتك فى الكلية كلية التجارة
نور: بس انا عمرى ما شوفت حضرتك معايا فى الكلية
سيف: ايوة عشان انا كنت آخر سنة و حضرتك كنتى لسة اول سنة و شفت حضرتك وقتها و استنيت لما تخلصى و انا اكون نفسى و اتقدم ليكى
نور لسة هتتكلم ملك قالت: طب بصى يا نور انا هروح الحمام ازبط الطرحة عشان مش مزبوطة ماشى
نور: متتاخريش يا ملك
ملك راحت تتمشى شوية فى الملاهى
"و عند نور "
سيف: رد حضرتك اى
نور: لو سمحت يا استاذ سيف انا ردى مش هيوصلك غير من ابويا ف متسألنيش عن ردى
سيف: تمام ممكن رقم والدك
وقتها الجارسون جاب العصير و حطه و مشى
نور ملِّت سيف الرقم و هو مشى و ساب فلوس العصير بتاعته على الترابيزة
"وعند ملك"
كانت ماشية فى الملاهى بسرحان و بصة فى الفون بتلعب فيه شوية لحد ما ترجع لنور تانى بس فجأة خبطت فى حاجة صلبة بتبص لقيته واحد ضخم و شكله مرعب
ملك فى نفسها: يا الله ده ايه ده 😳
الراجل بصوت تخين: مش تحاسبى يا بت انتى ماشية تخبطى فى الناس و خلاص
ملك: ايييه انت بتقولى انا يا بت ...
و بدإت تشرشحله
الراجل: خلاص انتى ايه
ملك: متفتكرش يعنى عشان انت عامل زى الحيطة كدة ووش سجون انا هسكتلك لاااا ده انا اجنن 10 زيك
الناس اتلمت عليهم وواحد منهم قال: خلاص يا آنسة حصل خير
ملك: ملكش دعوة انت
الراجل اللى قالتله ملكش دعوة: لا مبدهاش بقى
دخل و شال ملك على كتفه زى شوال البطاطس و مشى بيها قبل ما تعمل دوشة تانى ( عارفة انها متأڤورة شوية بس مش لاقية اى طريقة تانية 🥲)
ملك بعصبية: انت اتجننت نزلنى
الراجل نزلها و قال: خلصتى شتيمة ولا لسة
ملك بعصبية: انت واحد مش محترم بأى حق تعمل كدة و تشيلنى
الراجل بهدوء و ابتسامة مستفزة: بحق انك هتبقى مراتى
ملك: نعم نعم نعم مرات مين يا عنيا
الراجل: باااااااس انتى لسة هتردحى تانى
ملك ضربته بالقلم على وشه و قالت: ما انا مش بردح غير مع الاشكال اللى زيك ده (الضرب على الوش منهى عنه و ابحثوا و هتعرفوا السبب)
الراجل حط ايده على وشه و قال بنبرة حاول يخليها هادية: يا بنتى احترمى نفسك شوية
ملك: لما تبقى تحترم نفسك انت الاول ابقى انا احترم نفسى و يلا القلم ده عشان شلتنى و من غير عن اذنك
سابته و مشيت
"وعند ملك"
كانت ماشية و فونها رن بتبص لقيتها نور
ملك: الو يا نور
نور: انتى فين يا هانم ده انا خللت و انا قاعدة انتى كل ده فى الحمام
ملك: حمام ايه بس انا كنت بتمشى عقبال ما اللى اسمه سيف ده يمشى
نور: اهه مشى يلا بقى تعالى
ملك: مسافة السكة و ابقى عندك سلام
ـــــــــــــــــــــــــــــــــــــــــــــــــــــــــــــــــــــــــــــــــــــــــ
عارفة ان البارت قصير جدا جدا بس متقلقوش هيبقى اطول من كدة قدام شوية و ده مجرد البداية مش اكتر 🥰
صلِّ على سيدنا محمد ﷺ 💕
ESTÁS LEYENDO
نورى 💗
Romanceاقتباس نور: ايه يا سيف انت فين كل ده سيف: نور نور: ايه سيف: انتى طالق رواية بالعامية المصرية اتمنى تعجبكم ❤
💕part 1💕
Comenzar desde el principio
