"شئ ايجابي" بقلم/اميرة السيد

part 17

ابتسم محمود وقال
"علي العموم ماشي يعمر هعديها بس بمزاجي لاكن صدقني هيجي يوم وتحكي انت من نفسك....

عند سليم كان يجلس علي صرخه بجانب الكامب يفكر في ما حدث اقتربت منه لوما ببطئ وقالت بوجهه عابس
" مكنتش بصدق ليلي وتالين لما كانو بيقول عنك صعب...

لف سليم وجهه تجاه الصوت فاقتربت منه لوما وجلست بجانبه واكملت
"بس انت مطلعتش صعب بس طلعت رجعي ومتخلف كمان...

نظر لها سليم بغضب وقال
" رجعي ومتخلف علشان سالت شخص غريب داخل يتعارك مع اختي علشان قاعده معايا...

نظرت له لوما بعتاب وقالت
"انتو الاتنين غلطانين اولا انت علشان مش بتستفهم وثانيا هوا عشان متسرع في احكامو...

ابتسم سليم بخبث وقال
" معلش المره الجايه هقعد تحت رحمه احكام اخوكي علشان مبقاش رجعي ومتخلف يست...

اجابته لوما باستغراب
"ست.... ست دي تقولها لي واحده قاعده بتبيع مش ليا انا اسمي لوما...

ابتسم سليم وقال
" يعني انتي مش معترفه انك ست وزعلانه من كلمه ست...

نظرت له لوما بغضب وقالت
"احترم نفسك انا ست الستات يبابا ولا هما مالقوش في الورد عيب قالولو ياحمر الخديين...

اجابها سليم بتساؤل
" قعدتك مع ليلي اختي شوية عملتك الردح...

اجابته لوما بتساؤل
"يعني ايي ردح..

نظر لها سليم بغضب وقال
" يعني الي انت بتعمليه دا....

هبت لوما واقفه وقالت بغضب
"انا غلطانه اني فكرتك إنسان طبيعي هعرف اتكلم معاه كلمتين طلعت بالفعل متخلف زيي ما بيقولو...

انتهت لوما من حديثه وقررت الذهاب ولاكن اوقفها صوت سليم وهوا يقول ببرود
" اخوكي لو قرب من اختي هخليكي تلبسي عليه اسود ياريت تعرفيه...

اقتربت منه لوما مره اخره ورفعت اصباعها في وجهه وقالت بتحدي
"ولا تقدر تعملو حاجه ولو ليلي وعمر حابين يقربو من بعض ولا انت ولا عشره زيك هيعرفو يعملو حاجه خليك فاهم بس...

شعر سليم بالغضب الشديد من حديثها وبدون وعي ضغط بيده علي زراعها وقال بغضب شديد واضح من عينياه
" انتي متعرفنيش فاحسنلك بطلي تستفزيني علشان انا بكره الاستفزاز فاهمه...

حاولت لوما دفعه بعيد ولاكن دون فايد كان مثل الحائط لا يهتز فقالت بالم
"بعد عنيي انت بتوجعني...

تركها سليم وتوجهه الي الجلوس مره اخره وقال بغضب دون ان ينظر لها
" امشي واسمعي كلام تالين وليلي انا وحش وانتي مش قدي...

تركته لوما وذهبت وهيا تضع يدها علي زراعها بالم ظلت تحدث نفسها
"حيوان... متخلف.... بجد متخلف... حيوان بجد.