قيود عشك الشيخ

بارت الـ28

ظليت واڪُفة و اباوعلة وهو مبين الالم من ينعج وجه تمنيت ميتة ولا شايفتة بــ هل منظر ڪُلة من وراي

درت وجهي امسح بــ دموعي وكف لبس ملابسة وراح لضوة سداه وتمدد على قنفة بدون لا ينطق اي حرف?!!!

شبيج ســـمر مو هذا التردي جنتي خايفة يعاقبوج بس محد عاقبج انجبي وكعدي يلا

رحـت لفراشي وعيني علية اندار لجهتي غمضت عيني امثل النوم ڪُعد ورحع ضهرة على التخم تعبان

بعدها صفن بية مطول نظراتة وانا ارجف جوة اللحاف راح يجيني راح يموتني

ڪُام وكف وتقدم ناحيتي خرطت العافية ڪُعد يمي وانفاسة تلفح بــ وجهي رجلية ترجف وادية ترجف ڪُـلت راح يموتني ويرتاح مني متت من الخوف مشنجة روحــي

لكن صدمني من رفع اصبعة بعد خصلة من شعري الواكعة على عيوني ورفع نفسة باسني بــ خدي بــ شوغة هو يكول

::- انا شجان صار بية لْـۆ فكدتج?!!

رجف جسمي من نبرة صوتة وقربة أردف::- ولج بوية هديتي حيلي الف فكرة وفكرة اجت بالي

سڪُت ورجع باس خدي بــ حذر خايف اكعد مــا يدري انا ڪُاعدة وميتة من الخوف بس صدمني وهنا عرفت شكد هو يحبني وشكد متمسك بية

وكف راد يرجع لمكانة طفرت لزمت ايدة فز يــباوعلي بــ استغراب فتح عيونة مصدوم انا ڪُاعدة

بجيت::- أصــيل عادي احظنك?!

صفن بــ وجهي متفاجئ طلبي رجعت حجيت اشهك بــ النفس::- احتاج واحد يلمني واحد حبة حقيقي مو مزيف أريــد واحد يحتويني وما الــي غيرك

يــباوعلي مصدوم جمد بــ مكانة أردفــت::- أصــيل

بعد ايدة عني و أردف::- الــحب الــي جــنت احبة الج راح و انتهى لا تفكرين انا أحـــبچ شيلي هل فكرة من راسج المرة الــي عافتني سابح بــ دمي وراحت بــ كل برود مــا اخليها بــ ڪُـلبي شلت حبج من اليوم الــي كلتي عني مــا عندي رجولة ورغم ڪُلشي اخذتج وما خليت احد يحجي عنج ولا حتى ياذوج وطلعت بدون رجولة

بجيت وكمت وكفت امنعة يروح::- اسمعني ليش محد يسمعني

::- اسمعج بس مو هساع ســـمر مو هساع

راد يطلع من الغرفة صحت وراه بــ صوت يرجف::- انا بــ حاجتك

توقف عن الحركة اندارلي يــباوعلي ويجر حسرات تكطع الكلب وانا دموعي على خدي تقدم بــ هدوء يباوع لعيوني

رفع ايدة ومسح دموعي بــ ابهامة وسحبني من ايدي وتوجه للجرباية نام ونيمني بــ حظنة

دفنت وجهي بــ صدرة اشهك هو لامني بــ ادية يمسح على راسي وانا كل نفس اخذة روحــي تطلع ڪُـلبي ميت من الخوف ومن التعب