بجيت::- مــا ادري عمة يكول الأيــسر مــا شفناها
ظلت تبجي وتلوب وتخابر محد يرفع عليها الخط اتــصل الأيــسر بيها طفرنا كلنا ڪُـلت الها تفتح سبيكر
اول مــا فتحت جاوبتة بــ صوت يرجف تبجي::- الأيــسر طمني على اخيتك وينها
تنهد بــقى ساكت وانا لزمت ڪُـلبي رجلية كوة واڪُفة عليهن::- عمة ســـمر هي مصاوبة أصــيل ومهزومة
طاح الــموبايـل من عدها جامدة بــ مكانها مصدومة::- الأيــسر
رادت توكع ركضناها كعدناها نبجي اخذت الــموبايـل من الڪُاع و الأيــسر محتركة روحة مفرفح بــ تعب يصيح::- شـــڪُو شـــڪُو الوو وينجن لخاطر الكعبة رببيي انهد حييليي ربببيي
شهـــڪُت ابجي احاول احجي احاول اسحب نفس::- الو الأيــسر
::- شبيها سهى شبيها
بجيت::- وكعت صدك ســـمر هي المصاوبة أصــيل
تنهد::- أصــيل ميت ميت يريد يطلع يدور عليها بس مــا يسمحولة الدكاترة يطلع وعمج سلام يدك على راسة نزلت روسنا ســـمر نزلت روسنا
بجيت اشهك::- لا تسوولها شي فدوة
سڪُت سد الخط بــ دون لا يجاوبني وانا نهاريت يا ربي شسويتي بــ روحج ولج ســـمر شسويتي بــ روحج
ظلينا كاعدين ننتظر خبر منهم للصبح محد اجة صلينا صلاة الصبح وبقينا كاعدين
خالتي فاطمة و أبــتهال صلن و نامن لان حيل تاعبات من الطريق مال ايران
ظلينا كاعدين انا ڪُـلبي بــقى يوجعني من الالم
ڪُمت شربت علاج على معدة فارغة تمددت بــ الصالة بعدني أريــد اغفى انفتح الباب
طفرت بـــاوعت كلهم جايين ركضت الهم بـــاوعت ل أصــيل::- الْحٍمَدٍ للـّہ على سلامتك
هز راسة و أردف بــ قهر::- الله يسلمج
اشرلي الأيــسر اسكت هزيت راسي تعبانة وعيوني تلزك صعد أصــيل حاني ضهرة لفوك
كعدو بــ الصالة اجت عمة سهى تبجي::- مـاڪُو خبر عن ســـمر يمة
تنهد عمو سلام واردف::- لحد الان مـاڪُو
بجت وتولول وساعة تعاتب تصرفاتها وساعة تنطيها الحق كل احنا هيج متناقضين
الأيــسر عاقج وجها بــ الم صعدت لفوك حظرتلة الماي الحار واجيت ڪُعدت يمة
بــاوعلي و بنص تعبة سألني::- ليش لحد الان مــا نايمة
::- ظل بالي يمكم وما نمت
هز راسة متحسر وصافن بــ الغراغ تقربت الة اكثر::- الأيــسر
::- ها
::- كوم اسبح حظرتلك الحمام مبين تعبان
جاوبني بــ صوت مليان تعب وهموم::- اي و الله رايح اسبح بس جيبلي فد كيس الف بي عمليتي اظنهن التهبت شو توجعني
YOU ARE READING
قيود عشك الشيخ
Randomإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
بارت الـ27
Start from the beginning
