غباء ووباء

شروق يوم الكارثه

وسط البلد القاهره
من أمام أحد محلات العصائر المشهوره  فى شارع شامبليون تحدث بلال إلى صديقه سامى
وقال:
-انا مش عارف ايه لازمتها بس يخلونا نحلق شعرنا زيرو عشان نستلم الشغل ؟
سامى:
_ياعم اهو اي حاجه والسلام المهم إن احنا لقينا شغل يابلال وبعدين انا شايف إن القرعه شكلها مش وحش عليا

بلال : اه ياعم ما انت عندك حق تقول كده ماهى لايقه مع شكلك لاكن انا ابويا وانا نازل من البيت من شويه قالى هتنزل كده يابنى من غير بنطلون وهاتك ياضحك هو واخواتى وامى .

انفجر سامى من الضحك وقال : الصراحه نفسى اقولك كده من ساعه ما خرجنا من عند الحلاق مش عارف ابصلك من غير ما اضحك .

بلال : ماشي يا خفيف انا هجيبلنا اتنين قنبله نحلى
بيهم  وانت شوف لنا قهوه نقعد عليها .

بعدها أخبر سامى بلال أنه يعرف مقهى على بعد شارعين من محل العصائر ،وما هى الا دقائق قليله وكانو المقهى الذى كان مزدحما على آخره ,فلمح سامى مقعدين وطاوله على يمين المقهى لا يجلس عليهم أحد فسحب بلال من يده وتوجها نحوهما ثم جلسا سويا.

فقال سامى:
واد يا بلال عاوزين نركز كده فى الشغل إلى احنا رايحينه بكره دا عشان ربنا يكرمنا الشغل بسيط جدا احنا بس هناخد الادويه من الشركه ونوزعها على الصيدليات إلى هيكون معانا عناوينهم فا انا عاوزك تركز كده عشان ربنا يكرمنا ونستقر فى الشغلانه وانا اعرف اتجوز هبه إلى خللت جمبى دى ياعم وانت
تعرف تخطب عليا

بلال: عندك حق صحيح ابوها لسه زعلان منك ؟
قطع حديثهما رجل يرتدى جلباب حين وقف أمامهم ثم ابتسم وقال :
انتو جايبين القنبله إلى بتاكلوها دى منين ؟

رد سامى: من العصاره إلى فى شارع شامبليون ياحج

فقال الرجل : اممم وجبتوها بكام ؟

فرد سامى حانقا : بثلاثين جنيه

فقال الرجل : زيينا بردو طيب ما كنتو اشتريتوهم
من عندنا دا المحل بتاعنا لازق فى القهوه يعنى .

فنظر سامى إلى بلال وهمس بصوت لم يسمعه الرجل وبعدين فى الراجل الرخم دا بقى
ثم تابع موجها حديثه إلى الرجل :
من عنيا يا حاج المره إلى جايه هنجيب من عندك
فابتسم الرجل ثم دلف إلى محل العصائر الملاصق للمقهى .

فقال سامى حانقا : ايه الراجل الغتت دا هو ماله جايبين منين ومجيبناش من عنده ليه ؟ وبعدين هو الراجل بتاع القهوه ده مش ناوي يشوفنا هنتنيل نشرب ايه احنا بقالنا اكتر من ربع ساعه قاعدين ومحدش عبرنا .

قال بلال بعد أن نظر حوله يمينا ويسارا : سامى انا إلى بفكر فيه دا لو صح يبقى الراجل دا مش غتت دا كويس انو مضربناش بالجزمه

فرد سامى : ايه بتفكر فى ايه يعنى

بلال: مش ملاحظ إن القهوجى عدى على كل الترابيزات إلى حولينا وجابلهم مشاريب ومعبرناش ؟ طيب مش ملاحظ إن كراسي القهوه كلها خشب واحنا قاعدين على كراسي بلاستيك ؟