အချစ်ကမြို့အုပ်မင်းထံမှာ (အခ်စ္ကၿမိဳ႕အုပ္မင္းထံမွာ)

YOU ARE READING

Fanfiction

Unicode + Zawgyi Start Date= 28.9.2023 End Date= ? "မြို့အုပ်မင်းလာတဲ့မြို့က မြို့ကြီးဆိုဗျ" "အင်း ဒါပေမဲ့ကိုယ်ကတော့ဒီရွာလေးကိုပိုချစ်တယ်" မြို့အုပ်မင်း- ဝမ်ရိပေါ် အရပ်သားလေး- ရှောင်ကျန့် "ၿမိဳ႕အုပ္မင္းလာတဲ့ၿမိဳ႕က ၿမိဳ႕ႀကီးဆိုဗ်" "အင္း ဒါေပမဲ့ကိုယ္က...

#fanfiction #meilián #myanmar #yizhan

Part ~7~

Start from the beginning

by wangmeilian

"ရှောင်ကျန့်ကိုမနက်ကသူဘယ်ခေါ်သွားတာလဲသိတယ်"

"ကျန့်ကျန့်ကိုတောပန်းခူးဖို့ခေါ်သွားမယ်တော့ပြောသွားတယ် အပြန်ကြမြို့အုပ်မင်းဆီတန်းပြန်သွားတယ်ပြောတယ်"

မြို့အုပ်မင်းအနောက်မှာရပ်နေတဲ့ရှောင်ကျန့်ကသူ့အစ်မကိုအံ့ဩစွာကြည့်လိုက်မိသည်။ ဘာလို့များသူ့အပေါ်လုပ်ရက်ရတာလဲ။

"ကျဲဘာလို့လိမ်တာလဲ ကျဲပြောတော့အကူညီတောင်းပေးမယ်ဆို ဘာလို့အဲ့လိုလုပ်ရတာလဲ"

"ကျန့်ကျန့် ဘာဖြစ်လို့လဲ ဦးလေးကိုပြောဒီကလေးမဘာလုပ်ခဲ့တာလဲ"

"ရှောင်ကျန့်ကသူ့ကိုဓားမြတွေလက်ကကယ်ရင်းဓားစာခံအဖြစ်အဖမ်းခံလိုက်ရတာ"

"ဟေ!"

"ပါး သမီးက"

"တိတ်စမ်း! ဒါအစ်မတစ်ယောက်လုပ်သင့်တဲ့အရာလား ရှောင်ရိသမီးကိုပါးအရမ်းစိတ်မတိုခင်ဒီနေရာကထွက်သွားလိုက်တော့ နောက်မှထပ်ရှင်းမယ်"

ရှောင်ရိပါးရိုက်ခံလိုက်ရတာကြောင့် လဲကျသွားရာမှအမြန်ကုန်းထပြီးအိမ်ထဲပြေးဝင်သွားသည်။ သူကြီးရှောင်လဲသူ့သမီးအိမ်ထဲဝင်သွားမှ မြို့အုပ်မင်းနဲ့ရှောင်ကျန့်ကိုအားနာဟန်ဖြင့်ကြည့်နေလေသည်။

"ဦးလေးကပဲတောင်းပန်ပါတယ်ကျန့်ကျန့်ရယ် ဦးလေးအသုံးမကျတာဒီသမီးမိုက်ကိုမိတဆိုးလေးဆိုပြီးအလိုလိုက်မိတာမှားတာပဲ"

"ဖြစ်ပြီးမှတောင်းပန်နေလို့ဘာမှမရဘူး မဖြစ်ခင်ကတည်းကသတိထားသင့်တယ် ရှောင်ကျန့်သာတစ်ခုမှတစ်စုံဖြစ်ခဲ့ရင် ကျုပ်ခင်ဗျားသမီးကိုအရက်စက်ဆုံးနည်းနဲ့သတ်ပစ်မိမှာ ခွင့်လွှတ်မှုကဒီတစ်ကြိမ်ပဲရမယ်ဒါကလဲဦးလေးရဲ့မျက်နှာကြောင့် နောက်တစ်ကြိမ်သာရှိလာခဲ့ရင် ကျုပ်ကအခုလိုခွင့်လွှတ်ပေးတော့မှာမဟုတ်ဘူး"

"ဦးလေးသိပါတယ် ဦးလေးမျက်နှာထောက်ပေးတာကိုလဲကျေးဇူးတင်ပါတယ် ကျန့်ကျန့်ကိုလဲထပ်ပြီးတောင်းပန်ပါတယ်"

"ရပါတယ် ကျွန်တော်ဘာမှမဖြစ်လိုက်ပါဘူး"

ရှောင်ကျန့်စကားကိုကြားတော့ မြို့အုပ်မင်းဝမ်ကခပ်စူးစူးကြည့်လာပြီးခြေလှမ်းကျဲကြီးများဖြင့်ခြံထဲမှထွက်သွားတာကြောင့် ဦးလေးဖြစ်သူကိုကပြာကယာနှုတ်ဆက်ပြီးအနောက်မှပြေးလိုက်ရပြန်သည်။