الـرقطاء وكراتها الثلاث

اللـدغة الثانية والأربعين🐍

-مو داحجي وياك متفهم انتَ ، اجه معاذ يركض فتح باب السيارة وصعد وبحر شالني وشمرني بصف معاذ ومن الجهة الثانية مسك كاعده صعد بـَحـر وبصفه مروان وشغل السيارة ومشى مبتعد عن البيت صرخت واني اباوع شـلون ابتعدنا من البيت

-ديالا وين عايفيينها اختي وابن اختي لــيش ماجبتوهم

بـَحـر:-معليچ

مروان:-ديالا ورانيا بقه يمهم كميل والشرطة راح يرجعون رانيا وديالا بعديـن يجيبوها ورانه

هرم:-ورفيف ؟

بـَحـر:-بقت بالمستشفى وضعها تعبان وعدها سوء تغذيه

هرم:-ورى شويه وصلنا يم ڤيلا اعتقد مأجرينها لكم يوم اذا ماطلعت ملك آل صحار واكو حرس بالباب باوعت لمسك شفتها نايمه على كتف معاذ ومخليه كلينكس على خشمها حتى لاتشتم عطره

نزل بـَحـر فتحلنا الباب سحبني وياه للداخل متجاهل كُل الموجودين صعدني الدرج سحل يمشي بخطوات سريعه واني انسحلت سحل دفعني داخل وحدة من الغرف قفل الباب وضمه والتفت عليه

-أگعدي واحچي كُـلشي
هرم:-ماعندي شـيي أحچي خليني أطلع ،تحولت الهدوء لغضب فضيع حچه بصوت عالي وضرب الباب ضربات متتالية لحد مابين أثر بالباب

بـَحـر:-مو بكيفچ أني بسس اللي أقرر أني اللي أحچي وانتِ تجاوبيني بكل طاعة

هرم:-لاا بكيفي أنتَ ما ألك سلطة عليه لاتحاول تسيطر ،ماحچه شـيي بَــس ضل يفتر بالغرفة بعشوائية وصوت أنفاسه العالية كاسرة حاجز الصمت بيناتنا لزم الحايط بأيده مستند عليه والأيد الثانيه منزلها حچيت بحقد واني مامهتمه لردة فعله