هزيت راسي بلا جارة ودخلت چــا شسوي غصبا مــا على خشمي يدخلني بــ الاول يحرمصلي ومن يشوفني اعاند يسحبني سحب غصبا علية خل اروح بــ كرامتي احسن
دخلنا للمختبر وشفت مرة بطنها كدامها حامل وكاعدة على كرسي مادة ايدها للمحلل وهو دخل الابرة بنص ايدها وسحبها
من يمي طلعت روحــي وصحت بــ صوت::- ڵـڱ لا عفية خطية توجعها
التفتولي ثنينهم المرة ابتسمت والولد و الأيــسر صفنو بوجهي ابتسمت بــ فشلة وباوعت للـ الأيــسر خازرني كوة كاظ روحة ودة يڪُوم ويوكعني بــ الحايط بس اللازمة مريضة
تقربت من عندة::- تصير تصير بــ ارقى العوائل ايسري
::- راح اطيح حظج وحظ ايسرج وحق لا اله الا الله
::- ميخالف ازمة وتعدي
::- استغفر الله
سڪُت ينافخ وانا مبتسمة ڪُمت حتى يسحبلي دم اول مــا ڪُعدت بـــاوعت للمحلل وكتلة::- خوية أريــد قياس اصغر ابرة المرة جبيرة انا توجعني
باوع للـ الأيــسر وهو مسح على وجهه واردف::- اعذرني خوية شوف شغلك
باوعتلة بــ قهر::- شنو يشوف شغلة ترة ولله أريــد قياس اصغر من هاي الابرة
أردف المحلل::- خوية هاي مو كلها تدخل نصها بس اسحب دم
::- خوب جيب صغيرة ودخلها كلها ليش جبيرة وتتفيكون?
صفن بــ وجهي الدكتور بعدها ابتسم بــ احراج::- خوية شل قضية ملابس هي وانطيج يا رقم
اجانا صوت الأيــسر وكف فوك راسي::- اشتغل حبيب
ڪُالها بــ نفاذ صبر ووكف فوك راسي عرفت وصلت وياه حدها وبعد مــا يڪُدر يسكت لذلك طلعت ايدي هو مدري ششرش عليها
التفتت فازة::- نظيفة وعلي ستوني سبحت
توقف الرجال يبلع بــ ريكة عين الــي وعين للـ الأيــسر الــي جمد بــ مكانة وعيونة بحلقت من صدمتة الولد من الانحراج والفشلة دنك بسرعة سحب دم
حتى انا بعد مــا التفتت لجهة الايسر ولا شفتة ولا الــي وجه التفتت بعد جفصتي الما تتسولف
خلالي لزكة ولزمت ايدي ردت اكوم دخت ورجعت للكرسي لزمني الأيــسر خايف::- مالج بوية
::- راسي
أردف المحلل::- خوية داخت جيب الها عصير طبيعي منا خل تشربة
YOU ARE READING
قيود عشك الشيخ
Randomإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
قيد 18 & 19
Start from the beginning
