الأيسر "سلاسل الاحرار" (الاصليه)

السلسله الحاديه عشر

::- اسامه عمره ٣٠ سنه وما شايفكم بحياته شكد تمنه يعرفكم شكد توسل بابوك الناقص وب طليقته انو تجون لعرسه الي هو أول بارحه مو دك ٧ مرات وترد حضرتك تكوله كافي لا تلح ما نجي زلميش انتو اخوانيش انتو لو بس لكلكه... سحبني ازهر واردف بحده

ازهر ::- لا اسامه ولا احنه نتشرف بحضورك هستوك عرفته ابنك من عفته ورحت ما كلت لا ابني واذا جاي علمود املاك ف مسجلات باسم أيسر وزوجته و هسه تكدر تروح لا وحك الله اسويك علج بحلك اليسوه والما يسوه....

لازمني ازهر ونظراتنه استحقار عله كره اله ولولده

واردفت
::- يعني ولدك وولد مرتك دهن ودبس وبس اسامه جان منبوذ لا بارك الله بيكم كلكم حوبته تلاحكم..

ابتسم باستهزاء وكال

صلاح ::- اسامه وجوده غلطه..

ردت الزمه حضني ازهر بقوه وهو خازره كام نكت عباته ويعاين باستهزاء مبتسم ولا عبالك الميت ابنه وطلع هو وولده.. وياهم ذولاك الولد..

حوراء....

طبوا بيت الاجود أساطير عيونه متورمه من البجي ووياها عمتي واساور تبجي بهدوء بس أساطير لعبت جوله بالبجي موتت نفسها فد مره..
اما شمس الي محد لحكه تحجي وتبجي وويه الملايه تبجي وتصيح...
اما أيسر الي ما يكدر يوكف عله طوله وعيونه قطعه دمم ومبين عليه الحزن والهم هو وازهر
اما اني ماجاي أكدر استوعب بعد ماكو اسامه بعد ماكو ضحكته الحلوه ولا حركاته العفويه...
نزلت دموعي تنتظرني اتذكر عنه شي حته تنزل...

حسيت وكاني فقدت واحد من اخوتي لا والله حسيت اني فقدتهم كلهم..!
هسه المثل الي يكول ما تحس بقيمه الشي الا تفقده فهمت معناها فهمت مكانه اسامه بكلوبنا..

قطعت دوامه أفكاري ودموعي التنزل بغزاره طبت مرأه عمرها بل ٥٠ الشال لابسته ع النص شعرها طالع رقبتها وتراجي لكتافها مسويه تاتو وفلر وشفتها ورديه كلش وتعلج ومسويه اكرلك احمر كلنه انتبهنه عليها جان الشبهه بينه وبين اسامه فضيع لا وفوك هذا كله لابسه كعب ابيض

كامت امي استقبلتها وعرفت عن نفسها

اني سهير والده اسامه

صاحت بيها شمس هجمت عليها

::- انتتيييي اممم انتي انتي عدوه انتي جلبه اكو ام تجي بهل شكل لجج حيوانههه ابنج صارله يومين يتوسل بيج تجين لعرسه وشكد راد يتواصل وياج وكل مره تحضرينه لجج ادبسزز

وهي تملخ بيها بصراحه عجبتني حركتها وهذيج بس تصيح طلعت زعلانه والنسوان تتبسبس بينهم راحت وكفت بنصهن وكالت بصياح رافعه ايده تهدد

شمس ::- والله ثم والله ثم والله اذا تجيبن طاري اسامه اخوي وسندي اكطعجن املخجن مثل هاي هذا تاج عله روس الكل وهايه الحيوانه تستحق مفهوومممم!